NEHEMIA 9:33 - Jinghpaw Common Language Bible 2009

³³ Nang gaw teng man ai hku anhte hpe ari jaw nit dai; Anhte yubak mara galaw ga tim pyi, nang gaw sadi dung nga ndai.

Jinghpaw Hanson Version Bible

³³ Nang chyawm gaw, anhte hkrum sha ai lam shagu hta, dinghpring nga ndai; nang gaw kangka re ai hku galaw nit dai; anhte mahtang tara tawt lai sagaw ai:

NEHEMIA 9:33 ပူးပေါင်းရင်းမြစ်များ

NINGPAWT NINGHPANG 18:25

Nang gaw teng teng mara n kap ai ni hpe sat kau na n rai nga ndai. Dai gaw mai byin na n rai! Shing re ai amu hpe nang galaw lu na n rai nga ai. Nang galaw ai rai yang, mara n kap ai ni mung, mara lu ai ni hte rau ari jaw ai hkrum na mu ai. Dai gaw n mai byin ai lam rai nga ai. Ga ntsa ting a tara agyi wa gaw teng man ai hku daw dan na rai wu ai,” ngu nna san wu ai.

EZRA 9:15

Madu Israela a Karai Kasang e, nang gaw teng man ai wa rai nga ndai; rai ti mung anhte hpe naw jahkrung da shangun nga ndai. Anhte gaw na a man e anhte a mara hpe yin la ga ai; anhte gaw na a man e dawng pru na ahkang lu ga ai n rai.”

NEHEMIA 9:34

Anhte a kaji kawa ni, anhte a hkawhkam ni, ningbaw ni hte hkinjawng ni na a Tara hkan shatup nga ma ai n rai. Shanhte gaw na a hkang da ai ga ni hte shadum jahprang ga ni hpe madat ma ai n rai.

NEHEMIA 9:8

Shi gaw nang hta sadi dung nga ai hpe nang mu nna, shi hte ga shaka tawn da nga ndai. Nang gaw shi hpe Hkanan masha ni a lamu ga, Hiti hte Amori masha ni a lamu ga, Perizi, Yebusi hte Girgashi masha ni a lamu ga jaw nna, dai mung hta shi a amyu matu ni hpe nga shangun na matu ga sadi jaw nit dai. Nang gaw sadi dung nga ndai majaw, na a ga sadi hpe nang shatup nit dai.

YOBA 33:27

Masha shagu gaw shawa masha ni hpe, “Ngai shut kau ni ai. Ngai gaw jaw ai n galaw kau ni ai, rai ti mung Karai Kasang gaw ngai hpe ngam da nga ai.

YOBA 34:23

Anhte a matu hkawm sa wa na lam hte shi a lata hte tara jeyang na matu, Karai Kasang hta aten masat da ya ra ai n rai.

SHAKAWN KUNGDAWN 106:6

Anhte gaw anhte a kaji kawa ni galaw lai wa sai zawn yubak galaw kau saga ai; shing rai, anhte gaw tara n lang ai ni hte n hkru n shawp ai ni tai mat nga saga ai.

SHAKAWN KUNGDAWN 119:137

Madu e, nang gaw ding hpring nga ndai hte na a tara ni mung teng man nga ai.

SHAKAWN KUNGDAWN 145:17

Madu shi galaw ai lam yawng mayawng hte hta ding hpring nga ai rai nna, shi a magam bungli ni yawng hta matsan yu dum ai wa rai nga ai.

PRU MAT 32:31

Mawshe gaw dai Madu hpang de bai lung wa nhtawm, “Ndai amyu masha ni hkrit hpa yubak galaw shut kau manu ai. Shanhte gaw ja hpara langai galaw nna dai hpe nawku kau masai.

YEREMIA 12:1

“Madu e, ngai nang hte amu dangrang hkat yang; nang ding hpring nga ndai hpe nang sakse madun nga ndai. Timung, ngai gaw nang hpe teng man rap ra ai tara hte seng nna san na nngai. N hkru ai masha ni gaw hpa majaw grai ngamu ngamai nga ma ta? Myit magaw ai masha ni hpa majaw awng dang nga ma ta?

YEREMIA 44:3

hpa majaw nga yang, shanhte a amyu masha ni gaw n hkru ai amu galaw nna ngai hpe masin pawt shangun nga ma ai. Shanhte gaw shanhte mung, nanhte mung, nanhte a nji nwa ni galoi mung n nawku yu ai kaga karai ni hpe shagu hkungga nawng ya nna daw jau nga ma ai.

SHARUNG SHAYAWT 1:18

“Rai ti mung, dai Madu gaw ding hpring nga ai, ngai mahtang shi a ga n madat kau nngai. Shara shagu hkan nga ai amyu masha ni e, nye a ga madat mu; nye a nchyi nmu hpe mada yu mu. Nye a shabrang ni hte mahkawn ni mung bawng rim hkrum mat wa manu ai.

EZEKELA 11:12

Nanhte gaw nye a hkang da ai ga hte matsun maroi tara ni hpe n madat n mara ai sha, jahten kau nhtawm nanhte a grup yin na masha amyu baw ni a htung tara ni hpe shadik shatup myit dai shaloi, ngai nan dai Madu rai nga nngai hpe nanhte chye lu na rai myit dai.