NEHEMIA 9:22 - Jinghpaw Common Language Bible 2009

²² “Nang gaw shanhte hpe masha amyu baw ni hte jarit masat da ya ai shanhte a mungdan ni hpe madu la shangun nga ndai. Shanhte gaw Sihon up ai Heshbon lamu ga hte hkawhkam Oga up ai Bashan mung hpe madu la nga ma ai.

Jinghpaw Hanson Version Bible

²² Dai hta kaga, hkawhkam mungdan ni hte maigan amyu ni hpe nang shanhte hpe jaw da nna, daw mi hte daw mi ang wa ai hte maren, karan jaw mu ai. Shing rai shanhte gaw Heshbon hkawhkam Sihon a mungdan hte, Bashan hkawhkam Oga a mungdan hpe madu nga lu ma ai.

NEHEMIA 9:22 ပူးပေါင်းရင်းမြစ်များ

SHAKAWN KUNGDAWN 105:44

Shi shanhte hpe kaga amyu masha ni a lamu ga ni hpe jaw ya nna; shanhte mung kaga masha ni a sun, hkauna ni hpe madu la nga ma ai.

SHAKAWN KUNGDAWN 78:65

Jahtum e, Madu gaw yup nga ai kaw na yup hprang wa ai wa zawn; sabyi ntsin a majaw myit katu kahtet wa nna n-gun ja ai share shagan wa zawn hprang wa nga sai.

YEREMIA 27:5

“Nye a galu kaba ai daru magam n-gun, lahpum marai hte ngai gaw mungkan ga hpe mung, shinggyim masha hpe mung, ginding aga ntsa e shanu nga ai yam nga mahkra hpe mung, hpan tawn da ni ai; ngai lata la sai masha kadai hpe mung dai ni hpe ngai jaw ya nngai.

YEREMIA 32:23

Rai ti mung, shanhte gaw ndai mung de shang wa nna, dai mung hpe madu sha wa ai shaloi, shanhte gaw na a hkang da ai ga ni hpe mung, na a sharin achyin ai matsun ga hte maren nga na matu mung, n madat n mara nga ma ai; shanhte hkan galaw na matu nang hkang da ai lam hpa hpe mung shanhte n galaw shatup ma ai. Nang gaw shanhte a ntsa e dai jahten shabyak ai lam yawng shapraw dan nit dai.

EZEKELA 20:28

Shanhte hpe jaw na ngu nna ngai ga sadi dagam da ai mungdan de shanhte hpe ngai woi wa ni ai. Shanhte gaw tsaw ai kawng ni hte tsit lali ai hpun ni hpe mu mada ma ai shaloi, dai shara ni yawng hta shagu hkungga nawng ya ma ai. Shanhte gaw dai hkan e manam pyaw ai baw wan nat hkungga hte sabyi hkungga ru jaw ai lai hte ngai hpe pawt bu shangun ma ai.

TARA JAHPRANG 1:4

Ndai lam gaw Heshbon mare e hkaw dung ai Amori Hkawhkam Sihon hte Edri, Ashtarot e hkaw dung ai Bashan Hkawhkam Oga yan hpe dang kau ai hpang, dai Madu tsun ai ga rai nga ai.

TARA JAHPRANG 32:26

Kadai mung shanhte hpe n dum lu manu ga, shanhte hpe ngai tsep kawp shamyit kau na mawe ai.

TARA JAHPRANG 4:47

Shanhte gaw shi a lamu ga hpe mung, Yawdan hka a sinpraw maga hkaw dung ai kaga Amori hkawhkam langai rai nga ai Bashan Hkawhkam Oga a lamu ga hpe mung madu la kau ya ma ai.

YAWSHU 10:11

Israela hpyen luksuk ni a lata kaw na uhkan hku Amori masha ni ru htaw yu wa nga ma yang, dai Madu gaw lamu de na sin tawng kaba jahkrat bun ai rai nna Azeka mare lam dingyang shanhte adup hkrum ma ai. Israela amyu masha ni sat kau ai hta sin tawng hte adup sat hkrum ai mahtang grau law nga ai.

YAWSHU 11:23

Yawshu gaw dai Madu Mawshe hpe hkang da nu ai hte maren, mungdan ting gasat la nhtawm Israela amyu masha ni hpe shanhte a sali ga hku shi jaw nhtawm amyu bawsang shagu hte hpe sali karan ya wu ai. Dai rai nna, shanhte gaw majan man hta na mung hkring sa la lu ma ai.