NEHEMIA 9:19 - Jinghpaw Common Language Bible 2009

¹⁹ Rai ti mung na a matsan dum ai myit galu kaba nga ai majaw nang shanhte hpe nam mali hkan e kau da ndai n rai.

Jinghpaw Hanson Version Bible

¹⁹ na a galu kaba ai chyeju hte, dai nam mali hkan e shanhte hpe kabai kau da mu ai, n rai: shanhte hpe lam madun na matu, shani na sumwi shadaw hte, shana e shanhte hkawm sa wa yang, shanhte sa wa na lam jahtoi ya na matu, shana na nhtoi shadaw mung, hkoi mat ai n rai.

NEHEMIA 9:19 ပူးပေါင်းရင်းမြစ်များ

NEHEMIA 9:12

Nang gaw shani aten hta sumwi hte shanhte hpe lam woi nna, shana e mung shanhte a hkrun lam hpe wan hte jahtoi ya ndai.

NEHEMIA 9:27

dai rai nna nang gaw shanhte a gumlau hpyen ni hpe up hkang shangun nga ndai. Shanhte a tsin-yam tsindam a majaw karum la na matu shanhte nang kaw hpyi jahtau ma ai, nang gaw shanhte hpe sumsing lamu kaw na htan ya nga ndai. Na a galu kaba ai matsan dum myit a majaw hpyen ni a lata na hkye mawai la na ningbaw ni hpe nang shangun dat ya ndai.

NEHEMIA 9:31

Ti mung, na a matsan dum ai myit galu kaba nga ai majaw, nang shanhte hpe n kau da, n shamyit kau nga ndai. Nang gaw chyeju hte hpring nna matsan chye dum ai Karai Kasang rai nga a hka!

SHAKAWN KUNGDAWN 106:45

Shi gaw shanhte a akyu a matu, shi a ga shaka hpe dum ya wu ai; shi a kaba la ai tsaw ra myit a jaw e, shi a pawt sindawng ai myit hpe shakawp kau wu ai.

SHAKAWN KUNGDAWN 136:16

Shi a amyu masha ni hpe nam mali hku shi woi wa nu ai; shi a tsaw ra myit htani htana agrin nga ai.

PRU MAT 40:36

Israela amyu masha ni gaw dai Sum kaw na sumwi shalun la ai shaloi chyu sha, shanhte a dap kaw na kaga shara de htawt sa wa wa rai ma ai.

PRU MAT 40:38

Shanhte hkawm sa wa ai lam yawng hta dai Madu a hpung shingkang a sumwi gaw dai Sum ntsa e shani e jung nga nna, shana e de a ntsa hta wan htoi nga ai.

ESAIA 44:21

Dai Madu gaw, “Israela e, ndai lam hpe dum u; nang gaw nye a shangun ma rai nga ai hpe dum u. Ngai gaw nang hpe nye a shangun ma tai na matu hpan da nngai, ngai gaw nang hpe galoi mung malap kau na n rai.

SHARUNG SHAYAWT 3:22

Dai Madu a n htum n wai ai tsaw ra myit hte matsan dum ai gaw ya du hkra matut manoi rai nga ai,

EZEKELA 20:14

Rai ti mung, dai hku ngai n galaw nngai, hpa majaw nga yang, Egutu mung kaw na Israela amyu masha ni hpe ngai woi wa sai lam mu ai masha amyu baw ni a man e nye a amying jahpoi kau ai lam n tai shangun nngai.

EZEKELA 20:17

“Rai ti mung, ngai shanhte hpe matsan yu dum ai myit rawng nga nngai. Ngai gaw shanhte hpe dai nam mali hkan e n sat kau na matu myit daw dan da nngai.

EZEKELA 20:22

Rai ti mung, ngai dai hku n galaw nngai, hpa majaw nga yang, Israela amyu masha ni hpe Egutu mung kaw nna woi shaw wa ai ngai hpe mu ai masha amyu baw ni a ka-ang e nye a amying nsang jahpoi kau shangun ai tai nga ai.

Daniela 9:18

O karai Kasang e, anhte a ga madat ya mi; anhte hpe mada yu nna anhte hkrum sha ai tsin-yam tsindam hpe mung, na a mying gang ai mare a nni nkri hpe mung mu ya e. Anhte gaw jaw ai amu galaw ga ai majaw n rai, nang nan matsan dum ai wa rai nga ndai majaw sha nang kaw anhte akyu hpyi nga ga ai.

Daniela 9:9

Anhte nang hpe gumlau kau saga tim, nang gaw matsan chye dum ai hte mara raw dat ya ai wa rai nga ndai.

MALAHKI 3:6

“Ngai gaw dai Madu rai nga nngai. Ngai gaw galai mat ai n rai. Dai re ai majaw Yaku a amyu matu ni e, nanhte gaw ya du hkra tsep kawp mat mat myit dai n rai.

BU HKAWM 14:14

dai mung e nga ai masha ni hpe shanhte tsun dan na rai ma ai. Dai masha ni gaw nang Madu anhte hte rau rai nga ai lam mung, anhte a ntsa e na a sumwi yu dung ai shaloi nang hpe asan sha mu lu ai mung, shani e sumwi shadaw hte shana e wan shadaw hte anhte a shawng e nang sa wa ndai hpe mung na yu manu ai.

TARA JAHPRANG 8:2

Nanhte hpe chyam yu na nga, yak hkak jam jau lam ni hpe dat dat nna shi a hkang da ai ga ni hpe hkan sa madat mara let hkan galaw mayu ai myit rawng n rawng chye lu hkra nga, lai mat wa sai mali shi ning tup dai Madu nanhte a Karai Kasang kaning rai woi hkawm ai nam mali lam galu hpe myit dum nga mu.

1 SAMUELA 12:22

Dai Madu gaw kangka ai ga sadi shaka da nu ai hte maren, nanhte hpe shi a amyu masha majing shatai na, shi daw dan da nu ai majaw, shi nanhte hpe kau da na n rai.