NEHEMIA 9:14 - Jinghpaw Common Language Bible 2009

¹⁴ Nang gaw shanhte hpe na a Bansa Nhtoi ni chyoi pra nga na matu sharin ya nit dai, nang gaw na a shangun ma Mawshe hku nna shanhte hpe na a tara ni jaw ya nit dai.

Jinghpaw Hanson Version Bible

¹⁴ na a chyoi pra ai laban nhtoi hpe, nang shanhte hpe madun da nna, na a shangun ma Mawshe a lata hta hkang da ai ga, matsun maroi ga hte jep ai tara, jaw da ai hte,

NEHEMIA 9:14 ပူးပေါင်းရင်းမြစ်များ

NINGPAWT NINGHPANG 2:3

Shi gaw sanit ya nhtoi hpe shaman ya nhtawm dai nhtoi hpe laksan shani hku masat da nga ai, hpa majaw nga yang, shi a hpan da ai amu hpe dai shani e shangut nna bungli galaw ai hpe jahkring da nga ai.

NEHEMIA 1:8

Nang Mawshe hpe tsun da sai ga hpe ya dum nga u: ‘Nanhte Israela amyu masha ni ngai hpe n kam n sham myit dai rai yang, ngai nanhte hpe kaga masha amyu ni a lapran de shabra kau na made ai.

NEHEMIA 10:32

Anhte gaw shaning shagu Nawku Htingnu hta jai lang na matu gumhpraw awng za langai a htam matsat hta na htam mi jaw na ga ai.

PRU MAT 16:23

shi gaw shanhte hpe, “Dai Madu hkang da sai hte maren, hpawt ni gaw chyoi pra ai bansa nhtoi rai nna shi a matu ap nawng ai nhtoi rai nga ai. Nanhte kabaw ra ai hpe dai ni kabaw manu; shapyaw ra ai hpe shapyaw manu; ngam ai hpe hpawt de na matu jahka da nna tawn da na rai myit dai,” ngu nna tsun wu ai.

PRU MAT 16:29

Ngai Madu nan nanhte hpe bansa ai shani jaw ya ni ai; dai re ai majaw kru ya shani hta lahkawng ya a matu malu masha law ram hkra, nanhte hpe ngai ajaw ya nga ai hpe adum nga mu. Kadai mung sanit ya shani e shi a nta kaw na n pru ai sha nga nga lu na rai myit dai,” ngu nna tsun wu ai.

PRU MAT 24:12

Dai Madu gaw Mawshe hpe, “Ngai nga ai bum de lung wa rit; ndai yang e nang nga nga ai shaloi, amyu masha ni hpe sharin achyin ya lu na matu, ngai ka da ai tara ni yawng lawm ai lungpa lahkawng ngai nang hpe jaw dat na we ai,” ngu nna tsun wu ai.

EZEKELA 20:11

Ngai gaw shanhte hpe nye a hkang da ai matsun maroi ga ni jaw ya ni ai; dai lam ni hpe hkan sa madat mara ai ni kadai rai ti mung, asak hkrung nga shangun lu na, nye a tara ni shanhte hpe sharin achyin ya ni ai.

EZEKELA 20:12

Shanhte hpe shachyoi shapra nga ai dai Madu ngai nan rai nga nngai hpe shanhte dum hprang wa lu hkra, anhte a lapran e myit hkrum ai kumla tai nga u ga, Dai Bansa Nhtoi hpe shadik na, ngai hkang da ni ai.

EZEKELA 20:20

Bansa Nhtoi hpe chyoi pra ai nhtoi hku nna shachyoi shapra nga mu, dai gaw anhte tawn da sai ga shaka a kumla tai na ra ai; ngai gaw dai Madu nanhte a Karai Kasang rai nga nngai gaw nanhte hpe dum shangun na ra ai.

JAW JAU 19:3

Nanhte langai hte langai gaw tinang a kanu kawa hpe hkungga lara na rai myit dai. Ngai hkang da sai Bansa Nhtoi hpe mung dum nga lu na rai myit dai. Ngai gaw dai Madu nanhte a Karai Kasang rai nga nngai.

JAW JAU 27:34

Ndai hkang da ai ga ni gaw Israela amyu masha ni a matu dai Madu Mawshe hpe Sina Bum ntsa e jaw ya ai ga matsun ni rai nga ai.

YAWHAN 1:17

Karai Kasang gaw Mawshe hku nna dai Jep ai Tara jaw ya mi ai; rai ti mung chyeju hte tengman ai lam gaw Yesu Hkristu a gawp e jaw ya mi ai.

TARA JAHPRANG 4:45

Ndai gaw Shanhte Egutu mung na pru mat wa ai hpang, Heshbon mare e hkaw dung ai Amori Hkawhkam Sihon a lamu ga, Yawdan hka a sinpraw hkran Betpeora hte tawtap na kadit e shanhte hpe jaw ya ai tara ni rai nga ai. Shanhte gaw Egutu mung na pru wa ai shaloi Mawshe hte Israela amyu masha ni shi hpe dang kau ma ai.

TARA JAHPRANG 4:5

“Dai Madu nye a Karai Kasang ngai hpe tsun ai tara ni yawng ngai nanhte hpe sharin achyin ya mani ai. Nanhte shang madu la hkyen nga ai mungdan hta dai matsun maroi ga hte hkang da ai tara ni hpe madat mara nga mu.

TARA JAHPRANG 5:31

Rai ti mung, Mawshe e, nang chyawm gaw ndai yang e ngai hte rau nga nga na rai ndai. Ngai nang hpe nye a hkang da ai ga ni hte tara ni yawng jaw ya na de ai. Ngai shanhte hpe jaw ya nga ai mungdan hta shanhte hkan nga na matu, dai hkang da ai tara, amyu masha ni hpe sharin achyin ya na rai ndai,’ ngu nna tsun wu ai.