NEHEMIA 9:13 - Jinghpaw Common Language Bible 2009

¹³ Nang gaw sumsing lamu kaw nna Sina Bum de yu sa nhtawm; na a amyu masha ni hpe nang ga shaga ai hte mai kaja ai tara ni hte jaw ai sharin achyin ga ni hpe jaw ya nga ndai.

Jinghpaw Hanson Version Bible

¹³ Nang nan Sina bum ntsa de yu wa nna, sumsing lamu kaw nna shanhte hpe shaga let, tengman tara dara ai lam, kangka re ai tara, mai kaja ai matsun maroi ga hte htet da ai ga, nang shanhte hpe jaw da mu ai:

NEHEMIA 9:13 ပူးပေါင်းရင်းမြစ်များ

2 HKAWHKAM 17:37

Nanhte a matu ngu nna ngai ka da ya se ai tara ni hte hkang da ai ga ni hpe nanhte tut nawng madat mara na rai myit dai. Nanhte gaw kaga karai ni a ga hpe madat mara lu na myit dai n rai.

EZRA 7:6

Ezra gaw dai Madu Israela Karai Kasang Mawshe hpe jaw ya ai Tara hpe azin ayang chye chyang ai hpaji ninghkrin wa rai nga ai. Ezra gaw dai Madu shi a Karai Kasang a shaman chyeju hkam la nu ai majaw hkawseng wa mung shi hpyi mahpyi lam magup jaw ya wu ai. Artazazi hkaw dung ai sanit ning hta Ezra gaw Israela masha ni hta hkinjawng ni, Lewi masha ni, htingnu mahkawn mangoi masha ni, Nawku Htingnu sin ai ni hte amu galaw masha ni lawm ai hpung mi hte Babelon mung kaw nna Yerusalem mare de wa ma ai.

SHAKAWN KUNGDAWN 119:137

Madu e, nang gaw ding hpring nga ndai hte na a tara ni mung teng man nga ai.

SHAKAWN KUNGDAWN 119:160

Na a tara madung gaw teng man ai lam rai nga ai; na a ding man ai tara dara lam yawng hte gaw htani htana agrin nga ai.

SHAKAWN KUNGDAWN 119:4

Madu e, nang anhte hpe na a hkang da ai tara ni hpe jaw ya nhtawm; dai ga matsun ni hpe kangka ai hte madat mara hkan sa na matu, nang anhte hpe tsun da nit dai.

PRU MAT 16:23

shi gaw shanhte hpe, “Dai Madu hkang da sai hte maren, hpawt ni gaw chyoi pra ai bansa nhtoi rai nna shi a matu ap nawng ai nhtoi rai nga ai. Nanhte kabaw ra ai hpe dai ni kabaw manu; shapyaw ra ai hpe shapyaw manu; ngam ai hpe hpawt de na matu jahka da nna tawn da na rai myit dai,” ngu nna tsun wu ai.

PRU MAT 19:11

hpawt ni din a matu jin jin di da mu. Dai shani e, amyu masha ni yawng ngai hpe mu lu mu ga, Sina Bum ntsa e ngai yu wa na nngai.

PRU MAT 20:1

Ndai ni gaw Karai Kasang tsun ai shi a mungga ni rai nga ai:

PRU MAT 20:22

Dai Madu gaw Israela amyu masha ni hpe ning ngu tsun na matu Mawshe hpe hkang da wu ai: “Sumsing lamu kaw nna nanhte hpe Ngai Madu nan kaning ngu tsun shaga dat ni ai hpe nanhte mu manit dai.

ESAIA 64:1

Nang gaw hpa majaw sumsing lamu hpe gang hpaw nna n yu wa n ni? Bum ni mung nang hpe mu nna hkrit gari ai hte ashun mai nga ai.

ESAIA 64:3

Kalang mi na aten hta, nang du sa nna anhte n myit dum ai hkrit hpa amu ni hte jahkrit yu nit dai; shaloi bum ni gaw nang hpe mu nna hkrit gari ai hte ashun ma ai.

HABAKU 3:3

Karai Kasang gaw Edom kaw nna bai sa wa nga ai; chyoi pra ai Karai Kasang gaw Paran kawng ni kaw na sa wa nga ai. Shi a hpung shingkang sumsing lamu ni hpe ka-up da nga ai; ginding aga gaw shi hpe shakawn kungdawn ai ga hte hpring nga ai.

ROMA 7:16

Ngai n galaw mayu ai hpe ngai galaw yang gaw dai jep ai Tara teng man nga ai lam ngai myit hkrum nngai.

TARA JAHPRANG 33:2

Dai Madu gaw Sina Bum kaw na yu wa nga ai; shi gaw Edom mung a ntsa e ate nga ai jan zawn rawt lung wa nna Paran Bum ntsa kaw na shi a amyu masha ni hpe shadan jahkung nga ai. Lamu kasa mun mi mung shi hte rau nga nga ai rai nna, shi a hkra lata hta grung ai wan tu nga wu ai.

TARA JAHPRANG 4:33

Nanhte hkrung nga lu myit dai zawn hpara shaje gaw masha gale ni hpe wan kata kaw na ga tsun ai nsen hpe na lu ai hpang, naw hkrung nga lu ai masha ni nga nga yu sani?

TARA JAHPRANG 4:36

Shi gaw nanhte hpe sharin achyin lu u ga nga, sumsing lamu de nna shi a nsen nanhte hpe na shangun manit dai; ndai ginding aga ntsa e mung shi a chyoi pra ai wan nanhte hpe mu shangun nna dai kata kaw na nanhte hpe ga shaga nu ai.

TARA JAHPRANG 4:8

Dai ni ngai nanhte hpe sharin achyin ya ni ai matsun maroi ga ni gaw kaning re ai amyu kaba gale ni hta mung, dai zawn re ai mi n lu nga ma ai.

TARA JAHPRANG 5:4

Dai Madu gaw dai bum e wan kaw na nanhte hte myi man chyaw ga tsun shaga manit dai.