NEHEMIA 8:7 - Jinghpaw Common Language Bible 2009

⁷ Dai hpang shanhte gaw shanhte a shara ni hta rawt tsap nga ma yang, ndai Lewi masha ni rai nga ai Yeshua, Bani, Sherebia, Yamin, Akub, Shabehtai, Hodia, Masea, Kelita, Azaria, Yozabad, Haman, Pelaia hte gaw Tara a lam shanhte hpe tsun shaleng dan ma ai.

Jinghpaw Hanson Version Bible

⁷ Dai hta kaga, Yeshua, Bani, Sherebia, Yamin, Akub, Shabehtai, Hodia, Masia, Kalita, Azaria, Yozabad, Hanan, Pelaia hte hte Lewi masha ni gaw, dai tara laika a ga lachyum, mung masha ni hpe shapraw dan mu ai: mung masha ni gaw tinang a shara e nga nga ma ai.

NEHEMIA 8:7 ပူးပေါင်းရင်းမြစ်များ

1 HKAWHKAM 8:14

Dai yang e amyu masha ni tsap nga ma yang, Hkawhkam Shawlumon shanhte hpang de myi man kayin nhtawm shanhte a ntsa Karai Kasang a chyeju shaman ya na matu hpyi ya wu ai.

2 HKAWHKAM LABAU 30:22

Hezekia mung dai Madu hpe nawku daw jau ai hta chye chyang kungkyang ai Lewi masha ni hpe shakawn shagrau nga wu ai. Ya shanhte gaw sanit ya tup dai Madu shanhte a kaji kawa ni a Karai Kasang hpe shakawn kungdawn let shagu hkungga ni nawng ya ngut jang,

2 HKAWHKAM LABAU 35:3

Shi gaw dai Madu a matu ap nawng ai Israela a sara ni ngu ai Lewi masha ni hpe ndai matsun maroi ga ni hpe mung jaw wu ai: “Dawi a shadang sha Hkawhkam Shawlumon gap da ai Nawku Htingnu kata hta dai Chyoi Pra Ai Ga Shaka Sumpu tawn da mu. Nanhte gaw dai hpe shara mi kaw nna shara mi de galoi mung hpai sit lu na myit dai n rai; rai ti mung nanhte gaw dai Madu nanhte a Karai Kasang hte shi a amyu masha Israela hpe daw jau lu na rai myit dai.

EZRA 8:18

Shanhte mung Karai Kasang a chyeju hte Sherebia, marai rawng ai masha langai, Mali amyu lakung na Lewi masha langai hte rau shi a kasha ni hte kahpu kanau ni marai shi matsat hte hpe shangun dat ma ai.

NEHEMIA 11:16

Shabehtai hte Yozabad yan gaw dan hkung ai Lewi masha yan rai nna Nawku Htingnu shinggan amu woi hpareng ai yen rai ma ai.

NEHEMIA 12:33

Hkinjawng ni rai nga ai Azaria, Ezra, Meshulam, Yuda, Benyamin, Shemaia hte Yeremia ni pahtau dum let pru sa wa ma ai. Dai hpang Shemaia a kashu, Yonahtan a kasha Zehkaria rai nga ai. (Shi a kaji kawa Matania, Mihkaia hte Zahkura ngu na Asap lakung ni mung lawm nga ai.)

NEHEMIA 3:17

Ndai lawu de na Lewi masha ni gaw bunghku hpe daw hte daw galaw da nga ma ai: Bani a kasha Rehum gaw dai hte yep re ai shara hpe galaw nga ai; Dai hte yep hta Keila ginwang ka-ang hkup up ai Hashabia gaw shi a ginwang a matu galaw da wu ai;

NEHEMIA 3:19

Mizpa mare up ai Yeshua a kasha Ezera gaw dai hte yep re ai hpyen rai tawn da ai nta man kaw nna bunghku jut shara kaw du hkra galaw wu ai;

NEHEMIA 3:23

Benyamin hte Hashub yan gaw shan a nta man hte yep rai nga ai shara hta galaw ma ai; shan hte yep hta, Anania a kashu, Masea a kasha Azaria gaw shi a nta ndaw e galaw nga ai;

NEHEMIA 8:12

Dai rai nna amyu masha ni yawng gaw shanhte hpe hti dan ai lam hpe chye na hkawn hkrang nga ma ai majaw shanhte yawng dum nta de wa nna kabu gara ai hte lu lu sha sha rai nhtawm kaga ni hpe lusha karan jaw ma ai.

NEHEMIA 8:4

Ezra mung lak san galaw shachyaw da ai hpun pinra ntsa e rawt tsap nga ai. Ndai masha ni gaw shi a hkra maga de tsap ma ai; dai ni gaw Matihtia, Shema, Anaia, Uria, Hilkia hte Masea hte rai ma ai. Pai maga de mahtang Pedaia, Mishaela, Malhkiya, Hashum, Hashbadana, Zehkaria hte Meshulam ni rai ma ai.

NEHEMIA 8:6

Ezra gaw, “Dai Madu galu kaba ai Karai Kasang hpe shakawn kungdawn mu!,” ngu nna tsun wu ai. Amyu masha ni yawng mung ntsa de lata sharawt nhtawm, “Amen! Amen!,” ngu nna htan ma ai. Shanhte gaw ga de du hkra gum dagup let hput di nawku ma ai.

NEHEMIA 8:8

Shanhte gaw Karai Kasang a Tara hpe n-gup hte ga byan dan nna shaleng dan ma ai majaw amyu masha ni dai lam hpe chye na lu ma ai.

NEHEMIA 9:3

Shanhte gaw dai Madu shanhte a Karai Kasang a Tara hpe nayi hkum masum hti nna, ngam ai nayi hkum masum hta shanhte a yubak mara ni hpe hpyi nem ai hte dai Madu shanhte a Karai Kasang hpe nawku ma ai.

NEHEMIA 9:4

Yeshua, Bani, Kadmiela, Shebania, Buni, Sherebia, Bani hte Hkenani ni gaw Lewi masha ni a matu galaw da ai pinra ntsa e rawt tsap nhtawm dai Madu shanhte a Karai Kasang kaw ja ja akyu hpyi nga ma ai.

JAW JAU 10:11

Mawshe hpe ngai jaw ya sai tara ni yawng hpe mung, Israela amyu masha ni hpe nanhte sharin achyin ya lu na rai myit dai,” ngu nna tsun wu ai.

MALAHKI 2:7

Karai Kasang a teng man ai machye machyang hpe sharin ya na gaw hkinjawng ni a lit rai nga ai. Nye a myit ra ai lam hpe sharin la na matu, masha gaw shanhte hpang de sa ang nga ma ai, hpa majaw nga yang, shanhte gaw Chyahtum Chyalai N-gun rawng ai dai Madu a kasa ni rai ma ai.

TARA JAHPRANG 33:10

Shanhte gaw na a Tara madat mara na matu na a amyu masha ni hpe sharin ya na mara ai; Na a tawn hkungri ntsa hta shagu hkungga ni hpe shanhte nawng jau na mara ai.