NEHEMIA 8:10 - Jinghpaw Common Language Bible 2009

¹⁰ Ya chyawm gaw, dum nta de nhtang wa nna mu mai ai lusha sha manu. Alaw alam n lu ai ni hpe nanhte a malu masha hte sabyi ntsin ni karan jaw mu. Dai ni gaw anhte a Madu a matu chyoi pra ai shani rai nga ai, dai rai nna hkum yawn nga myit. Dai Madu nanhte hpe jaw ai kabu gara lam gaw nanhte hpe n-gun ja shangun na ra ai,” ngu nna tsun ma ai.

Jinghpaw Hanson Version Bible

¹⁰ Bai shi gaw, “Sa wa mu; sau ai hpe sha mu, dwi ai hpe lu mu; n lu ai ni hpe gam jaw mu: dai ni gaw Madu a chyoi pra ai shani rai nga ai; myit hkum kaji myit; Yehowa hta kabu gara nga ai gaw, nanhte a n-gun atsam rai nga ai.”

NEHEMIA 8:10 ပူးပေါင်းရင်းမြစ်များ

1 HKAWHKAM 8:66

Ya matsat ya ngu na shani hta Shawlumon gaw amyu masha ni hpe nta de wa kau shangun nga ai. Shanhte mung shi hpe shakawn kungdawn let shi a shangun ma Dawi hte shi a amyu masha Israela hpe dai Madu shaman ya ai chyeju yawng a majaw kabu gara ai hte tinang nang a dum nta de wa mat wa ma ai.

1 HKAWHKAM LABAU 16:27

Hpung shingkang hte daru magam n-gun gaw shi hpe gawan da nna; n-gun atsam hte kabu gara ai gaw shi a Nawku Htingnu hta hpring nga ai.

NEHEMIA 8:11

Lewi masha ni gaw ndai zawn chyoi pra ai shani hta amyu masha ni atsin sha nga nna n yawn n hkyen na matu shanhte hpe tsun ma ai.

NEHEMIA 8:12

Dai rai nna amyu masha ni yawng gaw shanhte hpe hti dan ai lam hpe chye na hkawn hkrang nga ma ai majaw shanhte yawng dum nta de wa nna kabu gara ai hte lu lu sha sha rai nhtawm kaga ni hpe lusha karan jaw ma ai.

ESHTA 9:19

Dai re ai majaw kahtawng kaji hkan nga ai Yuda masha ni gaw Adara shata shi mali ya shani hpe kabu gara ai bansa shani shatai nhtawm lusha poi galaw nna langai hte langai kumhpa ni karan jaw hkat nga ma ai.

ESHTA 9:22

Dai gaw Yuda masha ni shanhte nan shanhte a gumlau hpyen ni hpe yeng seng kau ai shani rai nga ai majaw myit htum yawn hkyen ai kaw nna kabu gara myit pyaw ai de kayin wa ai shata rai nga ai; shanhte gaw dai shani ni hta lusha poi ni hpe mung, shada hku hkau ka manawt lusha ai lam hpe mung galaw let langai hte langai lusha kumhpa karan nna matsan mayan ni hpe gam jaw gam ya na lam hkan galaw na tsun da hkrum nga ma ai.

SHAKAWN KUNGDAWN 149:2

Israela amyu masha ni e, nanhte a Hpan Madu a majaw kabu gara nga mu; Ziun a amyu masha ni e, nanhte a hkawhkam wa a majaw kabu gumrawng nga mu!

SHAKAWN KUNGDAWN 89:17

Nang anhte hpe awng padang kaba jaw ya nga ndai; na a tsaw ra myit hta, anhte hpe nang awng dang shangun nga ndai.

GA SHAGAWP 17:22

Kabu gara ai gaw nang hpe hkam kaja shangun nga ai, aten tup myi man muk muk rai nga ai wa gaw angwi sha si wa ai lam rai nga ai.

HPAJI NINGLI 11:2

Na a arang ni hpe shara shagu, shara law law hkan arang bang u; hpa majaw nga yang, ndai mungkan ga hta n kaja ai baw amu hpa byin na hpe nang galoi mung n chye lu nga ndai.

HPAJI NINGLI 2:24

Anhte galaw lu ai kaja htum ai amu gaw lu lu sha sha hte anhte galaw lu ai amu hta kabu gara na lam sha rai nga ai. Ti mung, dai pyi Karai Kasang kaw na rai nga ai hpe ngai dum hprang nngai.

HPAJI NINGLI 3:13

Anhte yawng gaw anhte galaw da sai amu a majaw kabu gara ai hte lu lu sha sha rai ang nga ga ai. Dai gaw Karai Kasang a chyeju kumhpa rai nga ai.

HPAJI NINGLI 5:18

Yu u, Karai Kasang shi hpe jaw da sai aprat kadun mi laman, shi galaw da sai amu hta, lu let, sha let, kabu gara rai ngamu ngamai hkra galaw lu ai wa kadai mung mai kaja htum ai lam rai nga ai hpe ngai mu tam da se ai. Dai gaw masha a gam maka rai nga ai.

HPAJI NINGLI 9:7

Sa wa magang su, kabu gara ai hte na a lusha sha u; na a sabyi ntsin lu nna kabu pyaw nga u. Dai gaw Karai Kasang ra ai lam rai nga ai.

Shawlumon A Mahkawn Ga 5:1

Nye a nja jan, nye a num nnan e, ngai gaw nye a sun de shang ni ai. Ngai gaw manam pyaw ai namji namya ni hte mura ni hpe shinggyin la nngai; lagat ntsin hte gitbaw hpe ngai sha nna, sabyi ntsin hte ngachyu hpe ngai lu nga nngai. Tsaw ra ni e, nanhte gaw tsaw ra myit hte lu nang mat ai aten du hkra lu lu sha sha rai nga mu!

ESAIA 49:5

Ngai garai n shangai yang, dai Madu gaw ngai hpe san da nu ai; shi a amyu masha ni hpe woi nhtang wa na matu mung, bra mat wa sai Israela amyu masha ni hpe bai woi nhtang wa na matu mung, shi gaw ngai hpe shi a shangun ma shatai nu ai. Dai Madu gaw ngai hpe arawng sadang jaw nga ai; shi gaw nye a n-gun a npawt rai nga ai.

ESAIA 61:10

Dai Madu galaw sai amu a majaw Yerusalem gaw kabu gara nga ai. Yerusalem gaw hkungran poi a matu mawn sumli da ai num nnan hte bung nga ai. Karai Kasang gaw hkye hkrang la ai hte awng dang ai lam hte hpun da nga nu ai.

YOELA 2:23

Ziun a amyu masha ni e, kabu gara nga mu, dai Madu nanhte a Karai Kasang nanhte a matu galaw ya sai amu hta kabu sharawng nga mu. Shi gaw nanhte hpe aten ram ai marang nhpaw jaw manit dai; shi gaw nshung marang hpe mung, marang shadoi hpe mung, shawng de na hte maren, nanhte a matu jahtu ya nga sai.

ZEHKARIA 14:21

Yerusalem hte Yuda mung yawng hta nga ai shat shadu di shagu gaw Chyahtum Chyalai N-gun rawng ai dai Madu a matu lang na san da na mara ai. Shagu hkungga ni nawng ya ai amyu masha ni mung hkungga shan shadu na matu dai ni hpe lang na mara ai. Dai aten du jang, Chyahtum Chyalai N-gun rawng ai dai Madu a Nawku Htingnu hta hpaga ga ai masha kadai mung galoi mung nga sana ra ai n rai.

LUKA 11:41

Rai ti mung, nanhte a gawm hte ban ni hta rawng ai arai ni hpe matsan mayan ni e jaw kau mu, shing rai galaw yang, nanhte a matu nga manga san pra wa na malit dai.

2 KORINHTU 8:2

Shanhte hkam lai wa sai tsin-yam tsindam ni hta shanhte n htum n ni dinglik hkrum ma ai; rai ti mung shanhte a kabu gara ai myit nachying kaba nga malu ai rai nna shanhte gaw grai matsan mayan re ai ni rai ma ti mung, shanhte a jaw ya ai lam hta shadawn shadang n nga ai tsaw ra shawang myit rawng nga ma ai.

HPILIPI 3:4

Ngai chyawm gaw matu gadoi hkam ai zawn re ai shinggan maka kumla ni hpe sha kam ra ai nga yang, kamhpa na lam ngai lu nngai. Shinggan maka kumla ni hpe kam hpa na lam lu nngai nga nna masha langai ngai myit a yang gaw, ngai grau nna lu da we ai.

SHINGRAN 11:10

Ga ntsa e nga ai masha ni gaw, dai myihtoi lahkawng si ai majaw, kabu gara rai nna shada da kumhpaw kumhpa ni galai jaw chyai rai, poi galaw na mara ai; hpa majaw nga yang, dai myihtoi yan gaw ga ntsa e nga ai masha amyu ni hpe nni nkri grai jahkrum yu masai rai nga ai.

1 SAMUELA 25:8

Shanhte hpe naw san yu u, shanhte nang hpe tsun dan na mara ai. Anhte gaw lusha poi shani e sa saga ai rai nna Dawi mung anhte hpe atsawm sha hkap hkalum la na matu nang hpe san yu nga ai. Dai re ai majaw, chyeju hte na a shangun ma anhte hpe mung, na a jinghku wa Dawi hpe mung, nang dang di lu ai daram mi chyeju hte jaw dat na lam hkang dat mi ai.”