NEHEMIA 8:1 - Jinghpaw Common Language Bible 2009

¹ Shata sanit ngu na hta, Israela amyu masha ni yawng shanhte a mare ni hkan nga nga ma ai. Dai shata a shawng shani e, shanhte yawng gaw Yerusalem mare na Hka Chyinghka kata maga de na dam lada shara hta sa hpawng nga ma ai. Shanhte gaw dai Madu gaw Israela hpe Mawshe a lata hku jaw da sai Tara Laika buk hpe Tara sara ninghkrin hkinjawng Ezra kaw hpyi ma ai.

Jinghpaw Hanson Version Bible

¹ Shaloi jang, shawa hpawng ting hka chyinghka ndaw na dam lada ai shara hta myit langai sha hte sa hpawng nna, “Yehowa gaw Israela hpe hkang tawn da ai Mawshe a tara laika hpe la sa rit,” ngu nna chyare wa Ezra hpe hpyi mu ai.

NEHEMIA 8:1 ပူးပေါင်းရင်းမြစ်များ

2 HKAWHKAM 23:2

hkinjawng ni hte myihtoi ni, naw ngam nga ai amyu masha ni, matsan mayan hte sut su ai masha ni n nga hkan gumbawm nang let Nawku Htingnu de sa wa ma ai. Dai hpang shanhte yawng a man e hkawhkam wa gaw Nawku Htingnu kata hta mu tam la ai ga shaka laika buk ting hpe nsen ja ja hte hti dan wu ai.

2 HKAWHKAM LABAU 34:15

Shi gaw Shahpan hpe, “Ndai Nawku Htingnu kata hta Tara laika buk ngai mu ni ai,” ngu nna tsun wu ai. Shi gaw dai laika buk Shahpan hpe jaw wu ai rai nna,

2 HKAWHKAM LABAU 34:30

hkinjawng ni, Lewi masha ni, sut su ai, matsan ai mi n nga, naw ngam nga ai amyu masha ni yawng hkan gumbawm nang let Nawku Htingnu de shanhte sa wa ma ai. Shanhte yawng a shawng e hkawhkam wa gaw Nawku Htingnu kata hta mu tam la sai ga shaka laika ting hpe aja awa hti dan wu ai.

EZRA 7:1

Shaning ram ram na mat wa ai hpang, Persi Hkawseng Artazazi hkaw dung nga yang, Ezra mying ai masha langai nga nga ai. Shi a kaji kawa ni a labau lasang hpe nhtang gawn yu yang, Hkinjawng Agyi Arun kaw nna ning rai gawn da nga ai. Ezra gaw Seraia a kasha, Seraia gaw Azaria a kasha, Azaria gaw Hilkia a kasha,

EZRA 7:10

Ezra chyawm gaw dai Madu a Tara hpe sharin achyin ya let dai hpe ta tut hkan sa nna, Israela amyu masha ni hpe de a tara hte hkan sa na matsun maroi ga ni hpe sharin achyin ya na, shi a asak ap nawng da nu ai.

EZRA 7:11

Artazazi gaw dai Madu Israela hpe jaw ya sai tara hte hkang da ai ga ni hpe azin ayang chye chyang ai hpaji ninghkrin hkinjawng Ezra hpang de ndai laika jaw dat wu ai:

EZRA 7:6

Ezra gaw dai Madu Israela Karai Kasang Mawshe hpe jaw ya ai Tara hpe azin ayang chye chyang ai hpaji ninghkrin wa rai nga ai. Ezra gaw dai Madu shi a Karai Kasang a shaman chyeju hkam la nu ai majaw hkawseng wa mung shi hpyi mahpyi lam magup jaw ya wu ai. Artazazi hkaw dung ai sanit ning hta Ezra gaw Israela masha ni hta hkinjawng ni, Lewi masha ni, htingnu mahkawn mangoi masha ni, Nawku Htingnu sin ai ni hte amu galaw masha ni lawm ai hpung mi hte Babelon mung kaw nna Yerusalem mare de wa ma ai.

NEHEMIA 12:26

Ndai amyu masha ni gaw Yehozadak a kashu, Yawshu a kasha Yoiakim a prat e mung, munggyi Nehemia a prat e mung, Tara sara ninghkrin hkinjawng Ezra a prat e mung nga nga ma ai.

NEHEMIA 12:37

Shanhte gaw Hka Hpawk Chyinghka de du ai shaloi, Dawi a Mare de hkrang ai lakang hkan nna shanhte lung wa nhtawm Dawi a hkawhkam htingnu hpe lai kau da ai hte dai mare a sinpraw maga Hka Chyinghka na bunghku de nhtang mat wa ma ai.

NEHEMIA 8:16

Dai re ai majaw amyu masha ni mung lakung lakying ni hpe la wa nhtawm tinang nang a nta numgaw ntsa e mung, tinang nang a wang kata e mung, Nawku Htingnu wang kata e mung, Hka Chyinghka hte Ehprim Chyinghka makau na dam lada re ai shawa shara hta sum ni hpe gap da ma ai.

NEHEMIA 8:3

Shi gaw jahpawt kaw nna shani ka-ang du hkra, chyinghka makau na dam lada ai shara hta Tara laika hti dan wu ai rai nna shanhte yawng myit maju jung ai hte madat la nga ma ai.

ESAIA 8:20

Nanhte gaw shanhte hpe, “Dai Madu nanhte hpe kaning nga sharin nga ai hpe madat mu! Nat myihtoi ni tsun ai ga hpe hkum madat myit, shanhte nanhte hpe tsun ai ga gaw ru yak tsin-yam hpe yeng seng kau ya lu ai n rai,” ngu nna htan na myit dai.

JAW JAU 9:5

Shanhte gaw Sum a man de Mawshe hkang da sai lam magup hte hpe la sa ma ai; dai Madu hpe nawku na nga dai yang e shawa hpung ting sa hpawng nga ma ai.

MALAHKI 4:4

“Israela amyu masha ni yawng hkan sa madat mara na matu, Sina Bum e nye a shangun ma Mawshe hpe ngai jaw ya sai shi a sharin achyin ga, jep ai tara hte hkang da ai ga ni hpe adum nga u.

MAHTE 13:52

Bai shi gaw, “Dai rai nna sumsing lamu a Mungdan hta e sape langai mi tai wa sai tara sara shagu gaw, tinang a sut dek hta na nnan baw mung, dingsa baw mung shapraw ai nta madu wa hte bung nga ai,” ngu nna shanhte hpe htan mu ai.

MAHTE 23:13

“Hpyi hpun ai tara sara ni hte Hparishe ni e, nanhte dingnye lu myit dai! Nanhte gaw masha ni a man e sumsing lamu a chyinghka hpe pat da mu ai. Nanhte nan mung n shang myit dai hte, shang na matu shakut ai ni hpe mung shang na ahkang n jaw myit dai.

MAHTE 23:2

“Tara sara ni hte Hparishe ni gaw Mawshe a jep ai Tara hpe lachyum htai dan na ahkaw ahkang lu da ai ni rai ma ai.

MAHTE 23:34

Dai rai nna, nanhte hpe ngai tsun made ai gaw, myihtoi ni, hpaji rawng ai ni hte tara sara ni hpe nanhte hpang de ngai shangun dat na mawe ai rai nna, shanhte hta na nkau mi hpe sat kau na ma ai, nkau mi hpe wudang hta jen da na hte, nkau mi hpe tara jawng ni hta anu kayat di nna mare mi hte mare mi de hkan shachyut rim zingri na maru ai.

TARA JAHPRANG 31:11

Israela amyu masha ni san da ai nawku shara hta dai Madu nanhte a Karai Kasang hpe sa nawku myit dai shaloi, dai tara laika shanhte hpe hti dan na rai myit dai.

TARA AGYI 20:1

Dingdung maga Dan mare kaw nna dingda maga Berasheba du hkra nga ai Israela amyu masha ni yawng hte, sinpraw hkran Gilead mung na ni mung saw shaga ai ga htan ya ma ai. Shanhte gaw Mizpa mare e hkum langai hku dai Madu a man e zup hpawng ma ai.

TARA AGYI 20:8

Amyu masha ni yawng rau sha rawt tsap let, “Anhte kadai mung tinang sum, tinang nta de n wa saga.