NEHEMIA 7:73 - Jinghpaw Common Language Bible 2009

⁷³ Hkinjawng ni, Lewi masha ni, Nawku Htingnu sin ai ni, mahkawn chye mahkawn ai ni, yu maya masha law law hte Nawku Htingnu amu galaw masha ni ngu na Israela amyu masha ni yawng Yuda mung na mare kahtawng ni hkan nga nga ma ai.

Jinghpaw Hanson Version Bible

⁷³ Shing rai, hkinjawng ni, Lewi masha ni, chyinghka sin ai ni, mahkawn mangoi chye ai ni, mung masha nkau mi, Nehtinim masha ni hte Israela amyu ting, tinang a mare ni hta nga nga ma ai. Ya shata sanit du ma yang, Israela kashu kasha ni gaw, tinang a mare ni hta de nga ma ai.

NEHEMIA 7:73 ပူးပေါင်းရင်းမြစ်များ

2 HKAWHKAM 7:10

Dai rai nna shanhte gaw Suri dap kaw nna pru mat wa nhtawm Samari mare de nhtang wa nna chyinghka sin ai sin langa ni hpe wa shaga shapraw ma ai: “Anhte gaw Suri masha ni a dap de sa saga ai; kadai hpe mung n mu, kadai shaga ai nsen mung n na rai ga ai; gumra ni hte lawze ni hpe sha dun da nga ma ai, sum ni mung dai raw Suri masha ni tawn kau da ma ai.”

1 HKAWHKAM LABAU 9:2

Shanhte a sut gan arung arai nga ai mare ni de shawng nhtang wa ai ni hta Israela masha ni, hkinjawng ni, Lewi ni hte Nawku Htingnu gaw ai masha ni lawm ma ai.

EZRA 2:70

Hkinjawng ni, Lewi masha ni hte amyu masha nkau mi gaw Yerusalem mare hte grup yin hkan nga nga ma ai; mahkawn mangoi chye ai ni, Nawku Htingnu sin ai ni hte Nawku Htingnu amu galaw masha ni chyawm gaw mare kahtawng makau mayan hkan e nga ma ai; ngam ai Israela masha ni mahtang shanhte a kaji kawa ni nga ai mare ni hta nga nga ma ai.

EZRA 3:1

Israela amyu masha ni gaw shata sanit hta shanhte a kahtawng ni hkan yawng nga nga ma ai. Dai hpang shanhte yawng Yerusalem hta zup hpawng nga ma ai.

NEHEMIA 11:3

Kaga mare kahtawng hkan nga ai Israela amyu masha ni, hkinjawng ni, Lewi masha ni, Nawku Htingnu amu galaw ai ni, Shawlumon a shangun ma ni a amyu matu ni chyawm gaw shanhte a sut gan shanhte a mare ni hta nga nga ma ai. Ndai gaw Yuda mungdaw Yerusalem mare hta nga ai woi awn myit su ni a jahpan rai nga ai. Zehkaria a kashu, Uzia a kasha Ahtaia. Kaga shi a kaji kawa ni rai nga ai Amaria, Shehpatia, Mahalalela, hte Yuda a kasha Peret a amyu matu ni lawm ma ai.