NEHEMIA 7:70 - Jinghpaw Common Language Bible 2009

^70-72 Amyu masha law law hte gaw Nawku Htingnu bai gaw gap ai manu jaw karum nga ma ai: Munggyi wa 270 ja awng sa -- 50 poi shingra hta lang na wan -- 530 hkinjawng ni a matu palawng galu ni Amyu lakung ni a ningbaw ni 337 ja pawng ni -- 3,215 gumhpraw pawng ni Ngam ai amyu masha ni 337 ja pawng ni -- 2,923 gumhpraw pawng ni -- 67 hkinjawng ni a matu palawng galu ni

Jinghpaw Hanson Version Bible

⁷⁰ Ya, kaji kawa ni a dap lakung ni a agyi ni nkau mi gaw, dai amu bungli a matu alu jaw ma ai. Munggyi wa gaw, ja den-ga hkying mi, angdung manga shi, hkinjawng labu palawng manga tsa sumshi hpe, sutdek hta bang da wu ai.

NEHEMIA 7:70 ပူးပေါင်းရင်းမြစ်များ

1 HKAWHKAM LABAU 28:17

Shi gaw zun kabrang ni, hka wan ni hte hka yam ni galaw ai hta ja jet gade lang ra ai hpe mung, ban hka wan ni galaw ai hta ja gumhpraw gade lang ra ai hpe mung,

2 HKAWHKAM LABAU 4:11

Huram gaw di bu, shingban hte hka wan ni hpe mung galaw wu ai. Nawku Htingnu a matu shi galaw na ngu nna Hkawhkam Shawlumon hpe shi ga sadi jaw da nu ai arai yawng hte hpe shi galaw shangut da wu ai. Dai ni gaw: Shadaw lahkawng Shadaw ntsa na hka wan zawn re ai magum ni Magum shagu a ntsa e hkri da ai Saidawng kasi Magum shagu a ntsa e grup grup de yan lahkawng grang da ai magri mang hkainu si 400 rawng nga ai. Leng shi Angdung shi Hka lawng Hka lawng hpe madi da ai usu shi lahkawng Di bu, shingban hte zun labra ni rai nga ai. Lata sama Huram gaw dai Madu a Nawku Htingnu kata hta lang na matu Hkawhkam Shawlumon shi hpe hkang da nu ai hte maren, dai arai yawng mayawng hpe magri mang jet hte galaw shatsawm da wu ai.

NEHEMIA 10:1

Shawng nnan lata masat shakap ai gaw Hahkalia a kasha, munggyi Nehemia rai nga ai; dai hpang Zedekia lata masat shakap ai. Ndai ni mung lata masat shakap ma ai: Seraia, Azaria, Yeremia, Pashura, Amaria, Malhkiya, Hatusha, Shebania, Maluk, Harim, Meremot, Obadia, Daniela, Ginehton, Baruk, Meshulam, Abiya, Miyamin, Mazia, Bilgai hte Shemaia ni rai nga ai. Azania a kasha Yeshua, Henadad lakung na Binui Kadmiela, Shebania, Hodia, Kelita, Pelaia, Hanan, Mihka, Rehob, Hashabia, Zahkura, Sherebia, Shebania, Hodia, Bani, hte Beninu ni rai nga ai. Parosha, Pahat Moba, Elam, Zatu, Bani, Buni, Azgad, Bebai, Adoniya, Bigwai, Adin, Atera, Hezekia, Azura, Hodia, Hashum, Bezai, Harip, Anahtot, Nebai, Magpia, Meshulam, Hezira, Meshezabela, Zadok, Yadua, Pelatia, Hanan, Anaia, Hoshea, Hanania, Hashuba, Halohesha, Pilha, Shobek, Rehum, Hashabna, Masea, Ahia, Hanan, Anan, Maluk, Harim hte Bana ni rai nga ai.

NEHEMIA 7:65

Urim hte Htumim chye lang ai hkinjawng langai garai n pru dingsa, Karai Kasang hpe nawng jau ya ai lusha n sha lu na lam, Yuda munggyi wa shanhte hpe hkang da nga ai.

NEHEMIA 8:9

Ya amyu masha ni Tara laika ga hpa rai nga ai lam na jang, shanhte grau sit sa nna hkrap ngu hkrap ngoi hpang wa ma ai. Dai rai nna munggyi Nehemia, hkinjawng Ezra ngu ai tara sara ninghkrin hte amyu masha ni yawng hpe Tara a lam tsun shaleng dan ai Lewi masha ni gaw, “Dai ni na nhtoi gaw dai Madu nanhte a Karai Kasang a matu chyoi pra nga ai shani rai nga ai, dai rai nna nanhte gaw yawn hkyen ai hte hkrap ngu hkrap ngoi na myit dai n rai.

PRU MAT 12:22

Kungla lakung langai la nna dusat asai rawng ai jarung hta dai hpe kapruk la nhtawm nanhte a nta chyinghka hkadun hte hkanoi ni hta asai hpe arut shakap da na rai myit dai. Kadai mung jahpawt du hkra nanhte a nta kaw na pru lu na myit dai n rai.

PRU MAT 24:6

Mawshe gaw yam nga asai ka-ang hkup la nhtawm jarung ni hta bang da wu ai; kaga ngam ai ka-ang hkup hpe tawn hkungri hta lapri bun wu ai.

YEREMIA 52:19

Shanhte gaw aja gumhpraw ni hte galaw da ai ban jarung ni hte wan n-ga mara lang ai di ni, shagu hkungga nawng jau ai kaw na sai lapri yang lang ai jarung ban ni, wan n-wu dagawt kau ai ban pa ni, pyengdin shadun ni, manam pyaw ai baw hkungga nawng jau yang lang ai jarung ni hte sabyi hkungga ru jaw ai shaloi lang ai jarung nga manga mahkra hte hpe mung la mat wa ma ai.