NEHEMIA 6:17 - Jinghpaw Common Language Bible 2009

¹⁷ Dai aten laman hte tup hta e, Yuda ningbaw ni gaw Tobia hte laika matut mahkai hkat ma ai.

Jinghpaw Hanson Version Bible

¹⁷ Dai aten hta e Yuda du ni gaw Tobia hpang de laika law law shagun dat mu ai; Tobia kaw na laika ni mung, shanhte lu la ma ai.

NEHEMIA 6:17 ပူးပေါင်းရင်းမြစ်များ

NEHEMIA 13:28

Yoiada gaw Hkinjawng Kaba Eliashib a kasha rai nga ai, rai ti mung Yoiada a shadang sha langai mi gaw Bet Horon mare na Sanbalat a shayi sha hpe hkungran la nga ai; dai rai nna ngai gaw Yoiada hpe Yerusalem kaw nna pru mat wa shangun nngai.

NEHEMIA 13:4

Nawku Htingnu a sut gawk ni hpe hpareng ai hkinjawng Eliashib gaw shaning na na kaw nna Tobia hte kanawn wa sai wa rai nga ai.

NEHEMIA 3:5

Tekoa mare masha ni gaw dai hte yep re ai daw galaw ma ai, rai ti mung mare a woi awn masha ni mahtang shanhte hpe woi hpareng ai ni masat ya ai lata amu hpe n galaw ma ai.

NEHEMIA 5:7

dai amu jum na matu myit jahkut da nngai. Ngai mung amyu masha ni a ningbaw ni hte du salang ni hpe, “Nanhte gaw nanhte a kahpu kanau ni hpe dip gamyet sha nga myit hka!,” ngu nna shanhte hpe daru kau nngai. Ngai gaw manghkang dai hpe hpyan ya na matu shawa hpawng hpe shaga la nna,

NEHEMIA 6:16

Ndai lam hpe grup yin amyu baw ni hkan nga ai anhte a gumlau hpyen ni na mu yang, Karai Kasang karum la ai a jaw e, bungli galaw la sai hpe masha shagu chye wa ma ai; shanhte myi man sum mat nga masai hpe dum chye wa ma ai.

NEHEMIA 6:18

Dai sha n-ga, Ara a kasha Shehkania ngu ai shi a Yuda katsa wa a majaw Yuda mung na amyu masha ni shi a hpang maga de nga nga ma ai. Dai sha n-ga, shi a kasha Yehohanan mung Berehkia a kasha Meshulam a shayi sha hpe hkungran la nga ai.