NEHEMIA 6:16 - Jinghpaw Common Language Bible 2009

¹⁶ Ndai lam hpe grup yin amyu baw ni hkan nga ai anhte a gumlau hpyen ni na mu yang, Karai Kasang karum la ai a jaw e, bungli galaw la sai hpe masha shagu chye wa ma ai; shanhte myi man sum mat nga masai hpe dum chye wa ma ai.

Jinghpaw Hanson Version Bible

¹⁶ Anhte hpe hpyen ai ni dai lam na ma yang, grup yin na amyu masha ni yawng hkrit kaya ai hte, ndai amu gaw anhte a Karai Kasang kaw na rai nga ai hpe, chye mu ai majaw, myi man grai sum ma ai.

NEHEMIA 6:16 ပူးပေါင်းရင်းမြစ်များ

NEHEMIA 2:10

Rai ti mung, Israela amyu masha ni a matu mai kaja ai amu galaw na marai langai mi sa wa sai lam, Bet Horon mare na Sanbalat hte Amon mungdaw a du Tobia yan na ma ai shaloi, shan nachying masin pawt nga ma ai.

NEHEMIA 4:1

Anhte Yuda masha ni bunghku bai galaw hpang da lu saga ai lam hpe Sanbalat na wu ai shaloi, shi ja ja masin pawt ai hte anhte hpe asawng asang di hpang nga mi ai.

NEHEMIA 4:7

Anhte mung Yerusalem mare bunghku gaw ai lam hte waw malawng mat ai bunghku ni hpe bai pat shachyip ai lam hta gaw sharawt da lu saga ai hpe Sanbalat, Tobia yan hte Arab, Amon hte Ashdod masha ni na jang, shanhte masin grai pawt ma ai.

NEHEMIA 6:17

Dai aten laman hte tup hta e, Yuda ningbaw ni gaw Tobia hte laika matut mahkai hkat ma ai.

SHAKAWN KUNGDAWN 109:27

Ngai hpe hkye hkrang la ai wa gaw nang rai nga ndai hpe nye a gumlau hpyen ni hpe chye shangun e law.

SHAKAWN KUNGDAWN 126:2

Anhte kaning rai mani ai, kaning rai kabu gara mahkawn mangoi saga ai! Dai shaloi kaga amyu baw ni gaw, “Dai Madu shanhte a matu, amu kaba galaw ya nu ai,” nga nna anhte a lam hpe tsun mi ai.

SHAKAWN KUNGDAWN 129:5

Ziun hpe n dawng n yawt nga ai ni nlang hte gaw, kaya kahpa hte sum mat nna, jahtaw kau ai hkrum nga mu ga.

SHAKAWN KUNGDAWN 147:2

Dai Madu gaw Yerusalem mare hpe bai de da nna, bra hkawm mat wa sai Israela amyu masha ni hpe bai shinggyin la nga ai.

PRU MAT 14:25

Shi gaw shanhte a leng dingsen ni hpe malawk kau ya mu ai rai nna, shanhte grai sa yak nga ma ai. Egutu masha ni gaw, “Dai Madu gaw Israela maga de tsap nna anhte hpe gasat mi ai. Anhte ndai yang kaw nna hprawng mat wa saga!,” ngu nna tsun ma ai.

YEREMIA 33:9

Yerusalem mare masha ni hte ndai mare a ngamu ngamai na lam a matu, ngai galaw ai mai kaja ai amu ni a lam, shanhte na ma ai shaloi, mungkan ga na amyu baw shagu hte gaw hkrit gari wa na mara ai; Yerusalem gaw nye a matu kabu gara ai, arawng sadang hkam la ai hte gumrawng shara hka hpawk tai na ra ai,” ngu nna tsun ai.

BU HKAWM 23:23

Israela amyu baw hpe matsa ai hta lawng hpaji, hpyi lamum hpaji hpa mung shang lu na n rai; Ya chyawm gaw masha amyu ni Israela a lam hpe, ‘Yu mu, Karai Kasang shing di kau nu hka!,’ ngu nna kajai na mara ai.

KASA 5:38

Dai rai nna ya ndai amu hta ngai nanhte hpe tsun made ga, ndai masha ni hpe hpa hkum di myit, ra mi nga nga mu ga! Shanhte maw mawn ai lam hte galaw ai lam ni shinggyim masha kaw na rai yang, dai gaw mat mat wa na ra ai.

YAWSHU 2:11

Anhte shing re ai lam hpe na ga ai shaloi jang pyi hkrit gari nga saga ai; nanhte a lam na ga ai majaw anhte yawng myit daw mat saga ai. Dai Madu nanhte a Karai Kasang chyawm gaw sumsing lamu lahta tang hta mung, ndai ginding aga ntsa e mung Karai Kasang rai nga ai.

YAWSHU 2:9

shan hpe, “Dai Madu nanhte hpe ndai mungdan jaw kau sai mung, mung masha shagu nanhte hpe hkrit kajawng nga saga ai mung, ngai chye nngai.

YAWSHU 5:1

Israela amyu masha ni Yawdan hka rap kawt mat wa ai aten du hkra, dai Madu Yawdan hka jahkyet kau ai lam, Yawdan hka a sinna hkran de nga ai Amori hkawhkam ni yawng hte Ka-ang Panglai mayan hku nga ai Hkanani hkawhkam ni yawng mung na ma ai. Dai Israela amyu masha ni a majaw shanhte hkrit gari mat ai hte myit daw myit htum mat ma ai.