NEHEMIA 6:15 - Jinghpaw Common Language Bible 2009

¹⁵ Bungli galaw ai nhtoi manga shi lahkawng ya na ai hpang, bunghku mahkra hpe Elula shata hkun manga ya shani e shangut da lu sai.

Jinghpaw Hanson Version Bible

¹⁵ Shing rai nhtoi manga shi lahkawng ya na yang, bunghku gaw Elula shata hkun manga ya e ngut wa sai.

NEHEMIA 6:15 ပူးပေါင်းရင်းမြစ်များ

EZRA 6:14

Yuda ningbaw ni mung myihtoi Hagi hte Zehkaria yan n-gun jaw ya ma ai majaw dai Nawku Htingnu hpe kaja rawt jat galu kaba ai hku galaw da nga ma ai. Shanhte gaw dai Nawku Htingnu hpe Israela Karai Kasang hkang da ai ga hte mung, Persi Hkawseng Kuru, Dari hte Artazazi ni hkang dat ai hte mung galaw shangut da lu manu ai.

EZRA 6:15

Hkawseng Dari hkaw dung ai kru ning na Adara shata masum ya shani e, shanhte dai Nawku Htingnu hpe galaw shangut da manu ai.

NEHEMIA 7:1

Ya bunghku bai gaw gap nna chyinghka ni yawng shi shara hte shara shakap da ngut jang, Nawku Htingnu sin ai ni, chyoi pra ai mahkawn mangoi hpung ni hte kaga Lewi masha ni hpe shanhte a amu hta san da ai hkrum nga sai.

SHAKAWN KUNGDAWN 1:3

Shanhte gaw hka kau e tu nna, shi a aten hta asi si nhtawm alap mung n hkraw mat ai hpun ni hte bung nga ai. Shanhte galaw ai lam shagu awng dang nga ai.

SHAKAWN KUNGDAWN 147:2

Dai Madu gaw Yerusalem mare hpe bai de da nna, bra hkawm mat wa sai Israela amyu masha ni hpe bai shinggyin la nga ai.

Daniela 9:25

Dai hpe matsing da ai hte dai hpe chye tawn u. Yerusalem hpe bai gaw gap na hkang da ai ga pru wa ai aten kaw nna Karai Kasang lata la hkrum ai ningbaw du sa ai aten du hkra sanit ning sanit lang gaw lai mat wa na ra ai. Yerusalem mung mare lam ni hte ngang ai dahpran shara ni hte bai gaw gap da ai gaw shi lahkawng ning sanit lang na na rai nga ai, rai ti mung dai gaw ru yak tsin-yam tsindam hkrum ai aten rai na ra ai.