NEHEMIA 6:13 - Jinghpaw Common Language Bible 2009

¹³ Shan gaw nye a arawng sadang jahten ya nna shagrit shanem kau lu hkra nga, ngai hpe jahkrit let yubak kap wa na matu shan gaw shi hpe saw la nga ma ai.

Jinghpaw Hanson Version Bible

¹³ Ngai hkrit wa nna, shan tsun ai hte maren galaw nna, ngai hta yubak kap wa ai majaw, masha ni ngai hpe mara shagun let, asawng asang ai lu hkra, shan gaw dai myihtoi wa hpe grau mu ai.

NEHEMIA 6:13 ပူးပေါင်းရင်းမြစ်များ

NEHEMIA 6:12

Ngai gaw dai lam hpe myit sawn yu yang, Karai Kasang gaw Shemaia hpe tsun ai n rai; ngai hpe mahtang ndai sadi jaw na matu Tobia hte Sanbalat yan mahtang shi hpe mayun kumhpa jaw da nga ai majaw rai nga ai hpe ngai dum chye we ai.

NEHEMIA 6:6

Dai hta ning nga nna rawng nga ai: “Nang hte Yuda amyu masha ni gumlau rawt na maw mawn nga myit dai majaw nang bunghku bai gaw gap nga ndai nga nna grup yin na masha amyu ni ashi langai pru ai lam Geshem ngai hpe tsun dan nga ai. Shi gaw nang hkum nan hkawhkam tai na maw mawn ai hte,

GA SHAGAWP 22:1

Arawng lu ai mying hte sut gan lu su ai lam hta na, nang ra ai lata la na rai yang; arawng lu ai mying hpe lata la u.

GA SHAGAWP 29:5

Na a manang ni hpe nang abawk ai rai yang, na a matu, nang mahkam hkam la nga ndai.

HPAJI NINGLI 7:1

Kaja ai mying gumhkawng ai gaw hpu reng ai manam pyaw ai baw hta grau mai kaja nga ai; nang si wa ai nhtoi gaw shangai wa ai nhtoi hta grau kaja nga ai.

ESAIA 51:7

“Teng man ai amu hpe chye nna nye a sharin achyin ga hpe na a myit masin ni hta kyem da ai wa e, nye a ga madat u. Amyu masha ni nang hpe ashu nna n kaw n law di yang, hkum hkrit et;

ESAIA 57:11

Dai Madu gaw, “Nanhte ngai hpe masu magaw ga tsun nna ngai hpe tsep kawp malap kau na matu nanhte hpe hkrit shangun ai ndai karai ni gaw kadai ni rai nga ma ta? Ngai na na wa atsin sha nga nga nngai majaw nanhte ngai hpe shagrau sha-a nga ai amu hpe jahkring kau myit dai n rai ni?

YEREMIA 1:17

Yeremia e, tsun na matu ngai nang hpe hkang da ai lam magup shanhte hpe sa tsun dan su. Ya shanhte hpe hkum hkrit nga et, nang shanhte hte rau nga ai shaloi, ngai nang hpe grau nna pyi hkrit shangun na nngai.

YEREMIA 18:18

Dai hpang, amyu masha ni gaw, “Anhte Yeremia hpe lam lama mi jawm galaw yu ga! Anhte hpe sharin shaga na matu hkinjawng ni, anhte hpe hpaji jaw la na matu hpaji rawng ai masha ni, hte Karai Kasang a mungga hkaw tsun na matu myihtoi ni tut nawng e nga nga na mara ai. Shi tsun ai ga hpe n madat ai sha, shi hpe mara jawm tam yu ga,” ngu nna tsun ma ai.

YEREMIA 20:10

Masha shagu gaw, “Hkrit hpa gaw shara shagu hkan nga nga ai! shing rai anhte shi hpe ahkaw ahkang lu ai ni hpang de tang madun ga!,” nga nna kadum kahte tsun ai ga hpe ngai na nngai. Nye a hku hkau ai jinghku ni pyi nye a hkrat sum na lam hpe la mada yu nga ma ai. Shanhte gaw, “Shi hpe mahkoi lau la lu nhten; shaloi anhte shi hpe lu rim ai hte matai dawp lu na ga ai,” nga nna tsun ai.

EZEKELA 2:6

“Rai ti mung, si chye ai masha wa e, nang gaw shanhte hpe hkrit ra ai n rai, shanhte tsun ai ga hpa hpe mung hkum hkrit et. Shanhte gaw nang hpe ninghkap nna n kaw n law di na mara ai; dai gaw n-gaw gawk ni a lapran e nga nga ai zawn rai na ra ai. Shanhte gumlau ai hpe mung, shanhte tsun ai ga hpa hpe mung hkum hkrit nga et.

MAHTE 10:28

Nanhte a hkum hkrang hpe sha sat kau nna Wenyi hpe n sat kau lu ai ni hpe hkum hkrit mu: Wenyi hte hpawn hkum hkrang hpe ngarai mung hta e jahten kau lu ai wa hpe grau nna hkrit nga mu.

MAHTE 22:15

Hparishe ni pru mat wa nna Yesu hpe mara shagun lu hkra gara hku ga san ni san na lam bawng ban ma ai.

MAHTE 26:59

Shaloi hkinjawng agyi ni hte salang Kongsi hpawng ting gaw Yesu hpe sat kau lu hkra shi a lam masu ai sakse mu tam hkra shakut ma ai.

KASA 6:13

Dai hpang shanhte gaw masu ai sakse ni hpe shaga shawn dat mu ai rai nna shanhte gaw, “Dai wa, ndai Chyoi Pra ai Nawku Htingnu hte Mawshe a Tara hpe jahpoi asawng ai ga atsun nga ai.

2 KORINHTU 11:12

Anhte galaw ai hte maren shanhte mung galaw ga ai nga nna kaga “Kasa ni” tsun gumrawng na ahkang n lu mu ga, ya ngai galaw ai hte maren matut nna ngai naw agalaw nga na nngai.

1 TIMOHTI 5:14

Dai rai nna hpyen ni gaw anhte a lam n kaja ai hku tsun na lam ginjang n nga hkra aprat kaji ai gaida jan ni gaw hkungran nna kashu kasha shangai ai hte shanhte a kun dinghku ni hpe yu lajang nga na hpe ngai grau ra sharawng nga nngai.

2 TIMOHTI 1:7

Hpa majaw nga yang, Karai Kasang anhte hpe jaw ai Wenyi e, anhte hpe hkrit agam ai myit jaw mi ai n rai; Dai Madu a Wenyi gaw anhte hpe n-gun atsam, tsaw ra myit hte tinang hkum hpe hkang la lu ai myit she jaw mi ai.

TITU 2:8

Na a hpyen ni gaw nanhte hpe hpa lam hta mung mara n mu tam ai majaw kaya hkrum mu ga, nang gaw masha ni a mara shagun n hkrum hkra teng man ai ga ni hte shadum sharin nga u.

YAKU 4:17

Dai re majaw dai mai kaja ai amu galaw ra nga ai ngu nna chye ninglen n galaw ai wa gaw mara lu nga ai.

SHINGRAN 21:8

Rai ti mung, hkrit ai myit rawng ai ni, n kam n sham nna sadi n dung ai ni, n hkru n kaja matsat shabat re ai ni, masha sat ai ni, hpye ai amu galaw ai ni, mandan lakle galaw ai ni, sumla nawku ai ni hte, masu magaw ga tsun ai ni yawng hte gaw, wan hte kan grung ai nawng hta ari hkrum lu na mara ai: dai gaw lahkawng lang na si ai lam rai nga ai, nga nna ngai hpe tsun ai.