NEHEMIA 6:1 - Jinghpaw Common Language Bible 2009

¹ Sanbalat, Tobia, Geshem hte naw ngam nga ai anhte a gumlau hpyen ni gaw chyinghka lam ni hta chyinghka ni hpe anhte garai n shakap lu ti mung, anhte bunghku kum ngut sai lam hte dai ni hta n gaw hkrup ai sha shangam da ai lam hpa mung n nga sai shiga hpe na ma ai.

Jinghpaw Hanson Version Bible

¹ Ya, dai aten e pyi, ngai gaw mare chyinghka ni hpe garai n noi da timung, mare bunghku ni ngut wa ai hte, waw malawng ai shara ni chyip wa ai lam, Sanbalat, Tobia, Arabi masha Geshem hte anhte hpe hpyen ai kaga ni na ma yang,

NEHEMIA 6:1 ပူးပေါင်းရင်းမြစ်များ

NEHEMIA 13:4

Nawku Htingnu a sut gawk ni hpe hpareng ai hkinjawng Eliashib gaw shaning na na kaw nna Tobia hte kanawn wa sai wa rai nga ai.

NEHEMIA 2:10

Rai ti mung, Israela amyu masha ni a matu mai kaja ai amu galaw na marai langai mi sa wa sai lam, Bet Horon mare na Sanbalat hte Amon mungdaw a du Tobia yan na ma ai shaloi, shan nachying masin pawt nga ma ai.

NEHEMIA 2:19

Ya anhte galaw sa wa na lam hpe Sanbalat, Tobia hte Geshem mying ai Arab masha langai ni na jang, anhte hpe mani asawng let, “Hpa lam myit lu nna nanhte galaw nga myit ni? Hkawseng wa hpe nanhte gumlau nga myit ni?,” ngu nna tsun mi ai.

NEHEMIA 3:1

Da ndai gaw mare bunghku hpe kaning rai bai galaw da ai lam rai nga ai. Hkinjawng Kaba Eliashib hte shi a hkinjawng manang ni Sagu Chyinghka hpe bai galaw nna dai hpe ap nawng nhtawm de a shara hta chyinghka ni hpe shakap tawn ma ai. Shanhte gaw Latsa Langchyi hte Hananela Langchyi du hkra shangut da lu ai bunghku hpe ap nawng ma ai.

NEHEMIA 3:3

Hasena amyu lakung gaw Nga Chyinghka galaw ma ai. Shanhte gaw dangbat hte chyinghka ni hpe shara hte shara tawn da ma ai, chyinghka la lu na matu shingla ni hte htinggrang ni hpe shakap da ma ai.

NEHEMIA 3:6

Pasea a kasha Yoiada hte Besodia a kasha Meshulam yan gaw Yeshana Chyinghka hpe bai galaw da ma ai. Shanhte gaw dangbat ni hte chyinghka ni hpe shara hte shara mara tawn da ma ai, chyinghka la lu na matu shingla hte htinggrang ni hpe mung shakap da ma ai.

NEHEMIA 4:1

Anhte Yuda masha ni bunghku bai galaw hpang da lu saga ai lam hpe Sanbalat na wu ai shaloi, shi ja ja masin pawt ai hte anhte hpe asawng asang di hpang nga mi ai.

NEHEMIA 7:1

Ya bunghku bai gaw gap nna chyinghka ni yawng shi shara hte shara shakap da ngut jang, Nawku Htingnu sin ai ni, chyoi pra ai mahkawn mangoi hpung ni hte kaga Lewi masha ni hpe shanhte a amu hta san da ai hkrum nga sai.

Daniela 9:25

Dai hpe matsing da ai hte dai hpe chye tawn u. Yerusalem hpe bai gaw gap na hkang da ai ga pru wa ai aten kaw nna Karai Kasang lata la hkrum ai ningbaw du sa ai aten du hkra sanit ning sanit lang gaw lai mat wa na ra ai. Yerusalem mung mare lam ni hte ngang ai dahpran shara ni hte bai gaw gap da ai gaw shi lahkawng ning sanit lang na na rai nga ai, rai ti mung dai gaw ru yak tsin-yam tsindam hkrum ai aten rai na ra ai.