NEHEMIA 5:19 - Jinghpaw Common Language Bible 2009

¹⁹ O Karai Kasang e, ndai amyu masha ni hpe ngai galaw ni ai amu a majaw ngai hpe chyeju madun na dum ya e law, ngu nna ngai nang kaw hpyi nem nngai.

Jinghpaw Hanson Version Bible

¹⁹ Nye a Karai Kasang e, ndai mung masha ni hpe ngai galaw ai amu mahkra majaw, ngai hpe chyeju madun na dum e law.

NEHEMIA 5:19 ပူးပေါင်းရင်းမြစ်များ

NINGPAWT NINGHPANG 40:14

Rai ti mung, lam shagu hta nang ngamu ngamai wa ndai shaloi, chyeju hte ngai hpe dum nga e; hkawhkam wa a man e nye a lam tsun dan lu nit ga, chyeju hte ngai hpe matsan dum la e. Ndai htawng kaw nna pru lu na mung, ngai hpe karum la e.

2 HKAWHKAM 20:3

“Madu e, ngai gaw nang hpe kangka ai hte sadi dung let daw jau ni ai; nang ra sharawng ai hpa lam hta rai ti mung ngai tut nawng shakut shaja galaw ai amu ni hpe dum ya e law.” Shi gaw ahkup ahka nga mat hkra hkrap let hpyi nem wu ai.

NEHEMIA 13:14

Nye a Karai Kasang e, na a Nawku Htingnu a matu mung, dai hte seng ai nawku daw jau ai amu ngu ai ngai galaw ni ai ndai amu yawng hte hpe adum nga u law.

NEHEMIA 13:22

Ngai gaw Lewi masha ni shanhte hkum jasan jaseng na matu mung, Bansa Nhtoi hpe teng teng chyoi pra nga na matu mung chyinghka ni hpe sin na matu mung, hkang da se ai. O Karai Kasang, ndai lam a majaw ngai hpe dum nga e law, na a galu kaba ai tsaw ra myit a majaw ngai hpe matsan dum la e law.

NEHEMIA 13:31

Ngai gaw htuk manu ai aten ni hta, shagu hkungga nat na hpun hte shawng si ai nsi naisi hte shawng myin ai namsi namsaw ni la sa na matu lajang da nngai. O Karai Kasang e, ndai amu yawng mayawng hpe adum ya nga rit; dai amu a majaw ngai hpe chyeju jaw ya e law.

SHAKAWN KUNGDAWN 106:4

Madu e, na a amyu masha ni hpe nang karum ndai shaloi, ngai hpe mung dum nga et; shanhte hpe nang hkye hkrang la ai shaloi, ngai hpe mung shalawm la et.

SHAKAWN KUNGDAWN 40:17

Madu e, ngai gaw gawng kya nga nngai hte matsan mayan re ai wa rai nga nngai, rai ti mung, nang gaw ngai hpe malap kau nga ndai n rai. Nang gaw nye a hkye hkrang la ai wa hte nye a Karai Kasang rai nga ndai- ngai hpe karum la na tin tin du rit law!

YEREMIA 29:11

Nanhte a matu ngai hta rawng ai yaw shada lam ni hpe ngai chyu sha chye nngai, dai yaw shada lam gaw tsin-yam tsindam n rai, ngamu ngamai shangun na lam rai nga ai; nanhte myit mada nga ai du na ra ai aten hte seng ai yaw shada lam ni rai nga ai.

MAHTE 10:42

Ngai nanhte hpe teng teng tsun made ai gaw, nye a sape myi man hpe tau nna, nye a sape ni hta na kaji dik ai wa hpe ntsin katsi gawm mi sha jaw wu yang, shi gaw nye a sape rai nga ai majaw, dai jaw ai wa gaw shabrai teng teng n lu la ai nga na n rai,” ngu nna tsun mu ai.

MARKU 9:41

Ngai nanhte hpe teng teng tsun made ga, nanhte ngai hte seng ai ni rai nga ai nga nna nanhte hpe ntsin gawm mi jaw lu ai wa kadai mung, shi a shabrai teng teng hkam la lu na ra ai.