NEHEMIA 5:17 - Jinghpaw Common Language Bible 2009

¹⁷ Kaga grup yin mungdan de na ngai kaw du sa ai masha amyu ni yawng hta kaga, Yuda amyu masha ni hte shanhte a ningbaw ni latsa manga shi hte gaw nye a sha ku hta man man jaw sha nga nngai.

Jinghpaw Hanson Version Bible

¹⁷ Grup yin e nga ai, maigan amyu ni hta na anhte kaw sa manam ai ni hta kaga, Yuda masha ni hte arawng lu ai ni latsa e manga shi, nye sha ku hta lusha nga ma ai.

NEHEMIA 5:17 ပူးပေါင်းရင်းမြစ်များ

2 SAMUELA 9:13

Dai rai nna lagaw lahkawng maga hten ai Mehpiboshet gaw Yerusalem mare hta nga nna hkawhkam wa a sha ku hta shi a lusha sha nga ai.

2 SAMUELA 9:7

Dawi chyawm gaw, “Hkum hkrit et. Na nwa Yonahtan a jaw e, ngai nang hpe matsan dum la na de ai. Na a nji Shawlu e madu da ai lamu ga mahkra ngai nang hpe bai jaw na de ai; nang gaw nye a sha ku hta tut nawng sha nga lu na rai ndai,” ngu nna tsun wu ai.

1 HKAWHKAM 18:19

Hkarmela Bum e ngai hte hkrum na matu Israela amyu masha ni yawng hpe ya hkang dat u. Bala myihtoi 450 hte hpawn hkawhkam jan Yezebela e karum da ai Ashera karai num a myihtoi 400 hpe mung woi sa wa u,” ngu nna htan wu ai.

1 HKAWHKAM 5:3

“Nye kawa Dawi gaw shi hpe wang shinggrup da ai gumlau mungdan ni yawng hpe htim gasat ai n htum majan ni a majaw shi a gumlau hpyen ni yawng hpe gasat dang kau lu ai awng padang dai Madu shi hpe jaw ya ai shani du hkra, dai Madu shi a Karai Kasang hpe nawku na htingnu langai shi gap lu na wu ai n rai nga ai hpe nang chye nga ndai.

NEHEMIA 5:16

Ngai gaw bunghku bai gaw gap ai amu hta nye a n-gun atsam yawng bang nngai ai majaw hpa sut gan mung n hpyi lajin yu nngai. Nye a matu nga nna amu galaw ai masha shagu hte gaw bai gaw gap ai amu hta jawm shang galaw nga ma ai.

ESAIA 32:8

Rai ti mung shagrau ging ai wa chyawm gaw myit malang ai hku amu galaw nna ding man ai amu a matu ngang ngang tsap nga ai.

ROMA 12:13

Ra kadawn nga ai nanhte a Hkristan hpu nau ni hpe tinang lu ai arung arai ni gam jaw gam ya nga mu; chyasam manam ni hpe hkap hkalum daw jaw daw ya nga mu.