NEHEMIA 5:15 - Jinghpaw Common Language Bible 2009

¹⁵ Nye a shawng e rung dung ai munggyi shagu gaw amyu masha ni hpe lit li gun shangun ma ai rai nna, lusha hte sabyi ntsin a matu lani mi gumhpraw dengga mali shi shi hpyi la ya ma ai. Shanhte a shangun ma ni du hkra, amyu masha ni hpe dip gamyet sha lai wa masai. Rai ti mung ngai gaw Karai Kasang hpe shagrau sha-a nngai majaw dai hte shai ai hku ngai galaw nngai.

Jinghpaw Hanson Version Bible

¹⁵ Shawng de na munggyi ni chyawm gaw, mung masha ni a hkaulaw sha ma ai rai nna, muk hte tsabyi jahku mung, gumhpraw shekela mali shi mung, sha ma ai: shanhte a mayam ni pyi mung masha ni a ntsa e up nga ma ai. Ngai chyawm gaw Karai Kasang hpe hkrit kamyin ai majaw, dai zawn n galaw nngai.

NEHEMIA 5:15 ပူးပေါင်းရင်းမြစ်များ

NINGPAWT NINGHPANG 20:11

Abraham gaw, “Ndai yang e Karai Kasang hpe hkrit ai masha kadai mung n nga ai; nye madu jan hpe woi la lu na matu, ngai hpe sat kau na mu ai, ngu ngai myit nawn kau nngai.

NINGPAWT NINGHPANG 42:18

Masum ya du ai shani hta Yosep gaw shanhte hpe, “Ngai gaw Karai Kasang hpe hkrit kamyin ai wa rai nga nngai. Dai rai nna mabyin lam langai mi a ntsa hta ngai nanhte a asak hpe jahkrung da ya na made ai rai nna ning di mu:

NEHEMIA 5:16

Ngai gaw bunghku bai gaw gap ai amu hta nye a n-gun atsam yawng bang nngai ai majaw hpa sut gan mung n hpyi lajin yu nngai. Nye a matu nga nna amu galaw ai masha shagu hte gaw bai gaw gap ai amu hta jawm shang galaw nga ma ai.

NEHEMIA 5:9

Dai hpang ngai gaw, “Nanhte galaw nga myit dai amu gaw shut nga a hka! Nanhte gaw Karai Kasang a ga hpe madat mara nna, jaw ai amu galaw ang myit dai. Anhte hpe mara kata asawng asang di na matu anhte a gumlau hpyen ni hte tara maigan masha ni a lata de n mai ap ya na myit dai.

YOBA 31:23

Karai Kasang a ari hpe ngai hkrit ai majaw, dai zawn re ai amu ngai galoi mung galaw lu nngai n rai.

SHAKAWN KUNGDAWN 112:1

Dai Madu hpe shakawn mu! Dai Madu hpe shagrau sha-a nna shi a hkang da ai ga ni hpe madat mara hkan sa na hta awng sharawng nga ai wa gaw a nga ai.

SHAKAWN KUNGDAWN 147:11

Rai ti mung, shi hpe shagrau sha-a ai ni hte shi a dinggrin tsaw ra myit hta kam hpa nga ai ni hpe shi ra sharawng nga ai.

GA SHAGAWP 16:6

Sadi dung nna kangka rai nga u, shing rai yang Karai Kasang gaw na a yubak hpe raw dat kau ya na ra ai. Dai Madu a ga madat u, shaloi n hkru ai lam hpa mung nang hta byin hkrum hkra wa na n rai.

GA SHAGAWP 29:12

Mung du wa gaw n teng n man ai shiga hpe madat yang, shi a rap daw salang ni yawng masu magaw ai ni rai na mara ai.

ESAIA 50:10

Dai Madu hpe shagrau sha-a ai nanhte yawng gaw shi a shangun ma wa a n-gup aga ni hpe madat mara nga ai, nang hkawm sa ai lam gaw kaja wa nsin sin chye nga ai, rai ti mung dai Madu hpe kam hpa nna, na a Karai Kasang hta shamyet shanat nga u.

YEREMIA 32:9

Ngai gaw Hanamela a sun hpe mari la ai hte gumhpraw shekela shi sanit shi hpe shen ya ni ai.

SHARUNG SHAYAWT 5:8

Anhte gaw mayam ni hta grau n kaja ai masha ni a up hkang ai hkrum ga ai, kadai mung shanhte a lata kaw nna anhte hpe n hkye mawai la lu nga ai.

MAHTE 5:47

Nanhte a nhpu nnau ni hpe sha hkrum shaga myit yang gaw, nanhte a sat lawat gaw hpa laklai shagrau shara nga na rai ta? Tara maigan ni mung, dai hte maren galaw ma ai n rai ni?

2 KORINHTU 11:9

Dai hta n ga, ngai gaw nanhte hte rau nga nga ai ten e ja gumhpraw ra wa ai shaloi karum la na matu ngai nanhte hpe n shatsang nngai. Makedoni mung na sa du ai hpu nau ni chyawm gaw ngai ra mara a matu la sa wa ya ma ai. Lai wa sai ten hta mung, nanhte hpe lit n shali nngai zawn, du na ra ai ten hta mung nanhte hpe ngai galoi mung lit n shali na nngai.

2 KORINHTU 12:13

Nanhte kaw na karum gumhpraw n la ai hta lai nna, ngai nanhte hpe kaga buga hpung ni hte madang yawm ai hku galaw lai wa yu ni ai kun? Ndai zawn n tara ai hku galaw hkrup ai hpe chyeju hte mara naw dat kau ya mi.

1 SAMUELA 8:15

Nanhte a nsi naisi hte sabyi htam shi hta na htam mi hpe shi a tara rung na du salang ni hte kaga du salang ni a matu hta la na rai wu ai.