NEHEMIA 4:17 - Jinghpaw Common Language Bible 2009

¹⁷ Gaw gap arung arai hpai ai ni pyi lata maga mi hte galaw nna, kaga maga hta laknak langai ngai lang da shajang ma ai rai nna,

Jinghpaw Hanson Version Bible

¹⁷ Bunghku kum ai ni hte lit gun hpai ai ni gaw, amu hta shaja ma ai; langai hte langai lata maga hkawn mi de amu galaw, bai maga hkawn mi de gaw, ri nhtu lang nga ma ai:

NEHEMIA 4:17 ပူးပေါင်းရင်းမြစ်များ

NEHEMIA 4:13

Dai rai nna, ngai gaw amyu masha ni hpe nhtu, nri hte ndan ni lang shangun nna, garai n lu ngut ai bunghku shingdu e amyu lakung hku hkan nna san da shangun we ai.

NEHEMIA 4:16

Dai aten kaw nna, nye a masha ka-ang hkup gaw amu galaw nna, ka-ang hkup mahtang hpyen palawng bu hpun nna nri, ninggang hte ndan ni hpe lang nga ma ai. Anhte a ningbaw ni mung bunghku gaw ai amyu masha ni hpe n-gun tup madi shadaw ya ma ai.

NEHEMIA 4:18

gaw gap amu galaw ai ni langai hte langai, tinang a nshang hta nhtu langai ngai tsat da ma ai. Sadi jaw pahtau dum ai wa mung ngai hte rau nga nga ai.

SHAKAWN KUNGDAWN 149:6

Masha amyu baw ni hpe awng dang kau na matu hte amyu masha ni hpe ari jaw na matu mung,

Shawlumon A Mahkawn Ga 3:8

Shanhte yawng gaw nhtu hta kungkyang ma ai; shanhte gaw majan htat ai shara de shawng majen je ai salang ni rai ma ai. Shanhte langai hte langai gaw tinang nhtu hpye let, shana e htim gasat na hpe hkap nga ma ai.

Daniela 9:25

Dai hpe matsing da ai hte dai hpe chye tawn u. Yerusalem hpe bai gaw gap na hkang da ai ga pru wa ai aten kaw nna Karai Kasang lata la hkrum ai ningbaw du sa ai aten du hkra sanit ning sanit lang gaw lai mat wa na ra ai. Yerusalem mung mare lam ni hte ngang ai dahpran shara ni hte bai gaw gap da ai gaw shi lahkawng ning sanit lang na na rai nga ai, rai ti mung dai gaw ru yak tsin-yam tsindam hkrum ai aten rai na ra ai.

YOELA 2:8

kadai mung manang wa hpe n hkra ai sha tinang lam hkan ma ai. Shanhte gaw hpyen dap hku dumbrat gamawng hkawm ma ai rai nna, hpa mung shanhte hpe jahkring da lu ai n rai.

1 KORINHTU 16:13

A maja nga mu, dai makam masham hta ngang ngang kang kang tsap nga mu, nden marai rawng nga mu, n-gun lapyin ja nga mu.

1 KORINHTU 16:9

Hpa majaw nga yang, dai mare hta ngai hpe ninghkap ai hpyen ni law law nga nga ma ai; rai ti mung, akyu rawng nna kaba la ai magam bungli gun hpai na ahkaw ahkang kaja mung nga nga ai.

1 KORINHTU 9:12

Sara kaga ni nanhte kaw na lu la na myit mada na ahkang lu ma yang gaw, anhte grau nna lu ang ga ai n rai ni? Rai ti mung dai ahkaw ahkang hpe n la ga ai. Ahkaw ahkang la na malai, Hkristu a lam Kabu Gara Shiga hpe shingdang da ai dingbai dingna n byin u ga, yak hkak ai lam shagu hpe anhte hkrum katut shakut sharang nga ga ai.

2 KORINHTU 6:7

anhte hkaw tsun ai teng man ai mungga hte Karai Kasang a n-gun atsam hku nna mung, anhte gaw Karai Kasang a shangun nchyang ni rai nga ga ai lam shadan dan saga ai. Anhte gaw wenyi lam hte seng ai majan htim gasat na hte anhte a hkum hpe hkap makawp maga na matu dai teng man ai lam hpe anhte a laknak shatai nna lang ga ai.

HPILIPI 1:28

Dai hta kaga nanhte gaw hpyen ni hpe; hkum hkrit nga myit, tut nawng e nden marai rawng nga mu. Dai gaw shanhte sum hkrum nna nanhte awng dang wa na sakse kumla tai na ra ai; hpa majaw nga yang nanhte hpe awng padang jaw ai gaw Karai Kasang shi nan rai nga ai.

2 TIMOHTI 2:3

Hkristu Yesu hta sadi dung ai hpyen ma kaja zawn ru tsang hpe hkam sharang u.

2 TIMOHTI 4:7

Ngai gaw gat shingjawng ai lam hta atsam htum hkra gat shakut se ai; gat na matu tawn da ai shadawn shadang hpe htum hkra gat shadu se ai; dai makam masham hpe ngai hkan shatup ni ai.