NEHEMIA 4:15 - Jinghpaw Common Language Bible 2009

¹⁵ Anhte a gumlau hpyen ni mahtang shanhte hpaji daw maw mawn nga ma ai amu hpe anhte mu chye kau ya sai lam na mu yang Karai Kasang gaw shanhte a maw mawn ai lam hpe dang kau nu ai lam shanhte dum chye wa ma ai. Dai hpang anhte yawng mung bunghku bai gaw gap ai shara de bai wa ga ai.

Jinghpaw Hanson Version Bible

¹⁵ Shing rai, anhte dai lam dum chye nna, Karai Kasang gaw shanhte a hpaji daw ai lam shanut kau ya ai hpe, hpyen ni na ma ai, shaloi jang, anhte langai hte langai bunghku kum na matu, tinang a amu de bai wa ga ai.

NEHEMIA 4:15 ပူးပေါင်းရင်းမြစ်များ

2 SAMUELA 15:31

Ahihtohpela mahtang Absalom a gumlau hpung hte matut mat sai shiga Dawi na jang, shi gaw, “Madu e, chyeju hte Ahihtohpela a hpaji daw ya ai lam hpe angawk kau ya u!,” ngu nna hpyi wu ai.

2 SAMUELA 17:14

Absalom hte Israela masha ni yawng gaw, “Hushai a hpaji jaw ai ga mahtang Ahihtohpela jaw ai ga hta grau kaja nga ai,” ngu nna tsun ma ai. Dai gaw Ahihtohpela a kaja ai hpaji jaw ga hta n hkan mat wa lu hkra, Absalom a ntsa ru yak tsin-yam tsindam shapraw dat ai dai Madu a daw dan hpajang ai lam rai nga ai.

NEHEMIA 4:16

Dai aten kaw nna, nye a masha ka-ang hkup gaw amu galaw nna, ka-ang hkup mahtang hpyen palawng bu hpun nna nri, ninggang hte ndan ni hpe lang nga ma ai. Anhte a ningbaw ni mung bunghku gaw ai amyu masha ni hpe n-gun tup madi shadaw ya ma ai.

GA SHAGAWP 21:30

Dai Madu gaw nang hpe ninghkap ai rai yang, shinggyim masha a hpaji byeng-ya myit let nyan sam ai hte kraw dung nyan gade sung ti mung; dai gaw hpa mung akyu n rawng nga ai.

ESAIA 44:25

Ngai gaw gumhpan hpan ai wa a angawk ai lam ni hpe shadan dan nna, shata shagan shaba wawt ai ni a tau tsun ga ni hpe shamak ya nngai. Hpaji chye ai wa a ga ni hpe ngai jashuk ai hte shanhte a hpaji byeng-ya gaw angawk angak lam rai nga ai hpe madun dan nngai.

ESAIA 8:10

Nanhte a hpyen zai ladat shaw mu! Rai ti mung dai ni gaw galoi mung awng dang na mara ai n rai. Nanhte ra ai lam mahkra tsun mu! rai ti mung dai lam yawng kaman lila rai nga ai, hpa majaw nga yang Karai Kasang gaw anhte hte rau rai nga ai.

MARKU 13:34

Dai gaw, tsan ai ga de dum nta kaw na pru hkawm sa wa na masha langai mi, shi a nta hpe shangun ma ni a lata hta ap da nhtawm, shanhte langai hte langai galaw na bungli garan ya ngut jang, chyinghka sin ai wa hpe mung maja nga na matu hkang da ai hte bung nga ai.

ROMA 12:11

Lagawn lamawn n re ai sha magam bungli hpe n-gun lapyin dat let shakut shaja galaw nga mu. Tup hkrak maju jung ai myit masin hte dai Madu a bungli hpe agalaw nga mu.

1 HTESALONI 4:11

Nanhte gaw shawng e anhte tsun htet da sai hte maren, sim sa ai hku hkan sa asak hkrung nga na matu mung, kaga masha ni a lam hta n hkan chyau lau hkawm na matu mung, tinang a kan bau bungli hpe tinang dai galaw sha nga na matu mung, myit jasat da nga mu ga.