NEHEMIA 4:14 - Jinghpaw Common Language Bible 2009

¹⁴ Ngai gaw amyu masha ni myit ru myit tsang hkrum nga ma ai hpe mu ai rai nna, shanhte hpe, “Anhte a gumlau hpyen ni hpe hkum hkrit nga myit. Kade sha galu kaba nna hkrit mai nga ai dai Madu hpe dum nga mu; nanhte a kahpu kanau ni, ma kaji ni, madu jan ni hte nanhte a dum nta ni a matu gasat mu,” ngu nna tsun nngai.

Jinghpaw Hanson Version Bible

¹⁴ Bai, amu ni hpe yu hpajang ngut nhtawm, ngai rawt nna, agyi salang ni, du ni hte naw ngam nga ai mung masha ni hpe shaga la nna, “Hpyen ni hpe hkum hkrit myit, galu kaba ai hte hkrit mai ai Madu hpe dum mu; nanhte a nhpu nnau ni, shayi shadang sha ni, kasha kanu ni hte tinang nta ni a matu gasat mu,” nga nna tsun nngai.

NEHEMIA 4:14 ပူးပေါင်းရင်းမြစ်များ

2 SAMUELA 10:12

N-gun dat nna nden shaja da ting u! Anhte a amyu masha ni hte anhte a Karai Kasang a mare ni a matu anhte ja ja gasat ga. Dai Madu a myit ra sharawng ai hku tai wa u ga!,” ngu nna tsun wu ai.

2 HKAWHKAM LABAU 32:7

“Myit jahkut daw dan ai hte kam sham nga mu. Asuri Hkawseng hte shi woi awn ai hpyen luksuk hpe hkum hkrit nga myit. Anhte a maga hta rawng ai daru magam n-gun gaw shi a maga hta rawng ai hta grau nna anhte lu nga ga ai.

NEHEMIA 1:5

“Madu Sumsing lamu a Karai Kasang e! Nang gaw galu kaba nga ndai rai nna, anhte nang hpe hkrit kamyin nga ga ai. Nang hpe tsaw ra ai ni hte tawn da ai ga shaka hpe nang sadi sahka hte shatup ya nga ndai; nang gaw hkang da ai ga hte maren galaw ndai.

YOBA 37:22

Dingdung maga de aja zawn htoi gala nga ai hpe mu lu nga ai, Karai Kasang a hpung shingkang gaw anhte hta hkrit hpa hte hpring nga ai.

SHAKAWN KUNGDAWN 143:5

Ngai gaw lai mat wa sai nhtoi ni hpe adum nga nngai; nang galaw dan lai wa sai amu ni yawng a lam ni hpe, ngai myit sawn yu nga nngai, na a amu ni yawng hpe ngai myit aru yu nga nngai.

SHAKAWN KUNGDAWN 20:7

Nkau mi shanhte a majan leng ni hte bai nkau mi shanhte a jawn gumra ni hpe kam hpa nga ma ai; rai ti mung, nanhte gaw anhte a Madu Karai Kasang a daru magam n-gun hpe kam hpa nga ga ai.

SHAKAWN KUNGDAWN 27:1

Madu gaw nye a nhtoi hte hkye hkrang la ai wa rai nga ai; kadai hpe mung ngai n hkrit na nngai. Dai Madu gaw hkrithpa shara yawng kaw na ngai hpe makawp maga la nga ai rai nna; ngai galoi mung hkrit na nngai n rai.

SHAKAWN KUNGDAWN 46:11

Chyahtum Chyalai n-gun rawng ai dai Madu gaw anhte hte rau nga nga ai; Yaku a Karai Kasang gaw anhte a shingbyi shara rai nga ai law.

SHAKAWN KUNGDAWN 65:5

Nang anhte hpe awng padang jaw ya ai hku, anhte hpe htan ya nga ndai, anhte hpe hkye hkrang la na matu, mauhpa magam amu ni hpe nang galaw nga ndai. Mungkan ga ting hte panglai ni din ai shara shagu na amyu masha ni gaw nang hpe kam hpa nga ma ai.

SHAKAWN KUNGDAWN 66:3

“Nang galaw ai amu ni gaw kade wa mauhpa rai nga a hka! Na a daru magam n-gun grai galu kaba nga ai majaw, na a gumlau hpyen ni gaw na a man e, hkrit ai hte gum dagup nga ma ai.

SHAKAWN KUNGDAWN 66:5

Karai Kasang galaw dan sai amu hte shinggyim masha ni a lapran e, shi galaw dan sai mauhpa magam amu ni hpe, sa nna yu yu mu.

PRU MAT 14:14

Dai Madu gaw nanhte hpa mung n galaw ra hkra, nanhte a matu gasat ya na ra ai,” ngu nna tsun wu ai.

PRU MAT 14:25

Shi gaw shanhte a leng dingsen ni hpe malawk kau ya mu ai rai nna, shanhte grai sa yak nga ma ai. Egutu masha ni gaw, “Dai Madu gaw Israela maga de tsap nna anhte hpe gasat mi ai. Anhte ndai yang kaw nna hprawng mat wa saga!,” ngu nna tsun ma ai.

HPAJI NINGLI 12:1

Dai rai nna, ram prat naw rai nga yang, nang gaw, “Asak hkrun lam hpe ngai n ra sharawng nngai,” ngu nna myit ru myit tsang ai nhtoi ni hte shaning ni garai n du yang, na a Hpan Wa Ningsang hpe adum nga u.

Daniela 11:32

Shanhte a nawku makam masham hpe kabai kau da masai ni a karum la lam hpe hkawhkam wa hkalem la lu na ra ai, rai ti mung Karai Kasang a hpang hkan ai ni shanhte hpe nhtang gasat na mara ai.

ZEHKARIA 14:3

Dai hpang, shi gaw lai sai aten ni hta majan gasat gala nga ai hte maren dai Madu pru sa nna masha amyu baw ni hpe gasat na mara ai.

BU HKAWM 14:9

Dai Madu hpe hkum gumlau nga myit; dai mung e nga ai masha ni hpe mung hkum hkrit nga myit. Anhte gaw shanhte hpe aloi sha dang kau lu na ga ai. Dai Madu gaw anhte hte rau anga nga ai majaw shanhte hpe makawp maga la na karai ni hpe dang kau na nu ai; dai re ai majaw hkum hkrit nga myit,” ngu nna tsun ma ai.

MAHTE 10:28

Nanhte a hkum hkrang hpe sha sat kau nna Wenyi hpe n sat kau lu ai ni hpe hkum hkrit mu: Wenyi hte hpawn hkum hkrang hpe ngarai mung hta e jahten kau lu ai wa hpe grau nna hkrit nga mu.

TARA JAHPRANG 10:17

Dai Madu nanhte a Karai Kasang gaw Karai ni yawng hta daru magam n-gun tsaw htum ai wa rai nga ai. Shi gaw galu kaba nna chyalai n-gun hte hpring nga ai majaw hkrit kang mai nga ai. Shi gaw masha a myi man hpe tau ai n rai, mayun kumhpa hkap la ai n rai.

HEBRE 13:6

Dai re ai majaw, “Dai Madu gaw ngai hpe karum ai wa rai nga ai, ngai hpa hpe mung hkrit kang na n rai. Kadai wa ngai hpe hpa di lu na rai ta?,” nga nna nden ja ai myit hte anhte tsun nga ga.

YAWSHU 1:9

Ngai nang hpe hkang da sade ai hte maren, myit jahkut daw dan nna kam hpa nga na hpe adum nga u! Hkum hkrit et; myit hkum daw hkum hten et. Dai Madu na a Karai Kasang ngai gaw nang hkawm sa ai shara shagu hta nang hte rau rai nga nngai,” ngu nna tsun wu ai.

TARA AGYI 3:27

Shi gaw dai yang na Ehprim bum ga de du wa yang, hpyen majan rawt na Israela amyu masha ni hpe shaga dat na nga, pahke dum dat wu ai. Dai hpang shi gaw shanhte hpe bum ga kaw na woi yu wa wu ai.