NEHEMIA 3:15 - Jinghpaw Common Language Bible 2009

¹⁵ Hkolahoze a kasha Mizpa ginwang up ai Shalum gaw Hka Hpawk Chyinghka hpe galaw wu ai. Shi gaw chyinghka lam hpe galup nna, chyinghka ni hpe shara hte shara tawn da nna shingla ni hte htinggrang ni hpe shakap da nga ai. Hkawhkam sun makau na Shela Hka Lawng bunghku hpe Dawi a Mare kaw nna yu wa ai lakang du hkra galaw da nga ai.

Jinghpaw Hanson Version Bible

¹⁵ Mizpa ginwang chyen mi up ai du, Hkola-hoze kasha Shalum gaw, hka hpawk chyinghka hpe lajang da wu ai: shi dai hpe galaw nna, galup da ai hte, de a chyinghka ni noi da nna, de a shingla ni hte htinggrang ni shakap da nhtawm, hkawhkam sun makau na Shela hka lawng bunghku hpe, Dawi mare na yu wa ai lakang du hkra gaw da wu ai.

NEHEMIA 3:15 ပူးပေါင်းရင်းမြစ်များ

2 SAMUELA 5:9

Dai hpyen dap hpe gasat dang kau ngut ai hpang, dai shara e Dawi dung nna dai hpe, “Dawi a Mare,” ngu nna shamying wu ai. Shi gaw dai mare grup grup hte kawng a sinpraw maga de na lamu ga shara ni hta gaw gap galaw lajang da wu ai.

2 HKAWHKAM 25:4

mare bunghku ni hpe tawk waw pru wa ma ai. Babelon masha ni gaw dai mare hpe wang shinggrup da nga ma ti mung, share shagan ai hpyenla ni yawng gaw hkawhkam wa a sun makau na bunghku lahkawng a lapran na chyinghka lam hku shana e shanhte pru nhtawm Yawdan Kadit ang ang de hprawng pru mat wa ma ai.

2 HKAWHKAM LABAU 32:30

Ndai gaw Gihon Hka Hpawk de lwi shang wa ai hka shi hpe pat kau nhtawm hka lawng hku Yerusalem mare a bunghku kata ang ang de shalen dat ai wa gaw Hkawhkam Hezekia rai nga ai. Hezekia gaw shi galaw ai lam shagu awng dang nga ai rai nna,

NEHEMIA 12:37

Shanhte gaw Hka Hpawk Chyinghka de du ai shaloi, Dawi a Mare de hkrang ai lakang hkan nna shanhte lung wa nhtawm Dawi a hkawhkam htingnu hpe lai kau da ai hte dai mare a sinpraw maga Hka Chyinghka na bunghku de nhtang mat wa ma ai.

NEHEMIA 2:14

Dai hpang mare a sinpraw maga, Hka Hpawk Chyinghka hte hkawhkam wa a Hka Lawng nga ai dingdung maga de ngai sa wa nngai. Shaloi ngai jawn nga ai lawze a matu, wut shingyun lai lam kaga n mu tam lu sai,

NEHEMIA 2:17

Rai ti mung ya chyawm gaw ngai shanhte hpe, “Yerusalem hten run mat nna de a chyinghka ni hten za mat sai majaw kaning re ai tsin-yam tsindam anhte hkrum sha nga ga ai hpe yu yu mu! Anhte gaw mare hpe bai de da ai hte anhte a sari hpoi hkrum ai amu hpe jahtum kau saga,” ngu nna tsun we ai.

NEHEMIA 3:12

Yerusalem ka-ang hkup up ai Halohesha a kasha Shalum gaw dai hte yep hta galaw nga ai. (Shi a shayi sha ni dai amu galaw karum ma ai.)

NEHEMIA 3:14

Hahkerim ginwang up ai Rehkab a kasha Malhkiya gaw Maza Chyinghka hpe bai galaw da nga ai. Shi gaw chyinghka ni hpe shara hte shara tawn da nhtawm shingla ni hte htinggrang ni hpe shakap da wu ai.

NEHEMIA 3:19

Mizpa mare up ai Yeshua a kasha Ezera gaw dai hte yep re ai hpyen rai tawn da ai nta man kaw nna bunghku jut shara kaw du hkra galaw wu ai;

NEHEMIA 3:7

Gibeon kaw na Melatia, Meronot kaw na Yadon, Gibeon hte Mizpa na masha ni gaw dai hte yep hta galaw ma ai. Dai ni gaw Uhprat a Sinna maga up ai nga shara du hkra rai nga ai.

NEHEMIA 3:9

Yerusalem ginwang ka-ang hkup up ai Hura a kasha Rehpaia gaw dai hte yep hta galaw nga ai.

HPAJI NINGLI 2:6

Ngai gaw dai ni hpe hka shalen jaw na matu nawng ni htu da nngai.

ESAIA 8:6

Shi gaw, “Ndai amyu masha ni gaw asim sha lwi nga ai Shilo hka shi hpe kau da nna, Hkawhkam Rezin hte Hkawhkam Peka yan a man e hkrit gari nga ma ai majaw,

YEREMIA 40:6

Ngai gaw Mizpa mare hta nga ai Gedalia hpang de wa nna, dai mungdan hta naw ngam nga ai amyu masha ni hte rau nga nga nngai.

LUKA 13:4

Siloam ngu ai shara na langchyi daw hkrat nna gamyet si ai masha marai shi matsat gaw, Yerusalem mare masha ni yawng hta mara grau law ai ni rai ma ai, ngu nna nanhte myit da mu ni?

YAWHAN 9:7

“Silum hka lawng de sa kashin su,” ngu nna shi hpe tsun dat wu ai. Dai hte maren sa kashin nna myi mu ai hte bai wa ai. (Silum ngu ai a lachyum gaw “shangun dat ai,” rai nga ai.)

TARA AGYI 20:1

Dingdung maga Dan mare kaw nna dingda maga Berasheba du hkra nga ai Israela amyu masha ni yawng hte, sinpraw hkran Gilead mung na ni mung saw shaga ai ga htan ya ma ai. Shanhte gaw Mizpa mare e hkum langai hku dai Madu a man e zup hpawng ma ai.

TARA AGYI 20:3

Dai aten hta kaga Israela masha ni yawng Mizpa e zup hpawng nga masai lam Benyamin masha ni na ma ai. Israela amyu masha ni gaw, “Hpa baw shut hpyit kau manit ni? Anhte hpe dai lam tsun dan mi,” ngu nna san ma ai.