NEHEMIA 2:19 - Jinghpaw Common Language Bible 2009

¹⁹ Ya anhte galaw sa wa na lam hpe Sanbalat, Tobia hte Geshem mying ai Arab masha langai ni na jang, anhte hpe mani asawng let, “Hpa lam myit lu nna nanhte galaw nga myit ni? Hkawseng wa hpe nanhte gumlau nga myit ni?,” ngu nna tsun mi ai.

Jinghpaw Hanson Version Bible

¹⁹ Ya, Horoni masha Sanbalat, mayam rai nga ai Ammon masha Tobia hte Arabi masha Geshem hte gaw dai lam na jang, shanhte asawng asang mani let anhte hpe roi nna, “Nanhte galaw ai lam hpa rai ta? Hkawhkam wa hpe gumlau na myit ni?” ngu nna tsun mi ai.

NEHEMIA 2:19 ပူးပေါင်းရင်းမြစ်များ

NEHEMIA 13:28

Yoiada gaw Hkinjawng Kaba Eliashib a kasha rai nga ai, rai ti mung Yoiada a shadang sha langai mi gaw Bet Horon mare na Sanbalat a shayi sha hpe hkungran la nga ai; dai rai nna ngai gaw Yoiada hpe Yerusalem kaw nna pru mat wa shangun nngai.

NEHEMIA 2:10

Rai ti mung, Israela amyu masha ni a matu mai kaja ai amu galaw na marai langai mi sa wa sai lam, Bet Horon mare na Sanbalat hte Amon mungdaw a du Tobia yan na ma ai shaloi, shan nachying masin pawt nga ma ai.

NEHEMIA 4:1

Anhte Yuda masha ni bunghku bai galaw hpang da lu saga ai lam hpe Sanbalat na wu ai shaloi, shi ja ja masin pawt ai hte anhte hpe asawng asang di hpang nga mi ai.

NEHEMIA 6:6

Dai hta ning nga nna rawng nga ai: “Nang hte Yuda amyu masha ni gumlau rawt na maw mawn nga myit dai majaw nang bunghku bai gaw gap nga ndai nga nna grup yin na masha amyu ni ashi langai pru ai lam Geshem ngai hpe tsun dan nga ai. Shi gaw nang hkum nan hkawhkam tai na maw mawn ai hte,

NEHEMIA 6:9

Shanhte chyawm gaw bungli jahkring kau ya na matu anhte hpe jahkrit maw nga ma ai. Ngai gaw, “Karai Kasang e, ya rai tim, ngai hpe n-gun shaja ya e law!,” ngu nna hpyi we ai.

YOBA 30:1

Rai ti mung, ya chyawm gaw, ngai hta grau kaji ai ni ngai hpe mani asawng nga ma ai! Shanhte a kawa ni gaw tut nawng hpu reng nga ma ai n rai dai rai nna, sagu sin na nye a gwi ni hpe shanhte hpe karum shangun na nngai n rai.

SHAKAWN KUNGDAWN 123:4

Anhte gaw lu su ai ni a asawng asang re ai hte gumrawng gumtawng hte dip gamyet sha ai ni a shatan nhkan hpe hkam sha ai aten mung nau wa na mat wa saga ai.

SHAKAWN KUNGDAWN 79:4

Htingbu mungdan amyu masha ni mung anhte hpe asawng asang di mi ai; anhte hpe mani ai hte n kaw n law di da mi ai.

SHAKAWN KUNGDAWN 80:6

Nang gaw anhte a lamu ga hpe, grup yin mungdan ni hpe sa gasat shangun nga ndai; anhte a gumlau hpyen ni mung anhte hpe n kaw n law di mi ai.

SHAKAWN KUNGDAWN 80:7

Chyahtum Chyalai n-gun rawng ai Karai Kasang e, anhte hpe bai woi nhtang wa mi law! Na matsan dum lama ai myit anhte hpe madun ya mi, shaloi anhte hkye hkrang la ai hkrum na raga ai!

ESAIA 36:5

Shi gaw, “N-gup aga ni gaw hpyen zai ladat hte hpyen n-gun lagaw a malai asung mai jashawn nga ai ngu, nanhte myit nawn nga myit ni? Asuri hpe gumlau na, nang hpe karum la na kadai wa rai na nanhte myit yu nga myit ni?

YEREMIA 20:8

Ngai ga tsun ai aten shagu, ngai gaw marawn jahtau ai hte, “Kashun kashe du daw sai hkaw lam! Hten byak lam!,” ngu nna marawn garu nngai. Madu e, ngai gaw na a mungga hkaw tsun nngai majaw, ngai gaw asawng hkrum ai hte aten shagu jahpoi hkrum nga nngai.

YEREMIA 41:10

Dai hpang, shi gaw hkawhkam wa a shayi sha ni hte Gedalia a up hkang ai npu hta taw nga na matu hpyen du Nebuzaradan hkang da ai hte maren Mizpa mare hta naw ngam nga ai amyu masha ni mahkra hte hpe, woi wa shangun wu ai. Ishmaela gaw shanhte hpe bawng masha hku rim woi wa ai hte Amon mung maga de rawt sa mat wa nga ma ai.

MAHTE 9:24

Shi gaw, “Yawng yen mu! Dai numsha ma gaw yup pyaw nga ai sha rai nga ai,” ngu mu ai. Shaloi shanhte yawng shi hpe mani asawng kau ma ai.

MARKU 5:40

Shanhte chyawm gaw shi hpe mani asawng kau mu ai; Shi mahtang shanhte yawng hpe shaden kau ngut jang, dai ma a kanu yan kawa hte sape ni marai masum hpe shaga la nna dai ma taw nga ai gawk de shang wa ma ai.

LUKA 23:2

Shanhte gaw, “Ndai wa gaw, anhte a amyu hpe lam woi shadam ai hte, hkawseng kaw hkanse bang na lam hkum da nna, shi hkum dai hkawhkam rai nngai, nga nna tsun nga ai hpe anhte mu ga ai,” ngu nna shi hpe mara shagun mu ai.

YAWHAN 19:12

Dai ga na jang Pilat gaw Yesu hpe shalawt kau dat na lam tam nga ai. Rai ti mung shawa masha ni gaw, “Nang dai wa hpe shalawt dat sayang gaw, nang Hkawseng wa a jinghku n rai nit dai! Kadai rai ti mung tinang hkum hpe hkawhkam rai nngai nga ai wa gaw hkawseng wa hpe gumlau ai wa rai nga ai,” nga nna jahtau ma ai.

KASA 24:5

Ndai wa gaw, grai hkrit tsang ra ai dingbai dingna jaw ai wa, mungkan ting na Yuda masha ni kabring kabrawng woi galaw ai wa re ai hta n ga, Nazaret wa a hpung hta lawm ai ningbaw ningla langai mi mung rai nga ai.

HEBRE 11:36

Nkau mi gaw asawng asang anu kayat di nna gyit hkang sharen ai hte htawng hta bang da ai hkrum ma ai.