NEHEMIA 2:14 - Jinghpaw Common Language Bible 2009

¹⁴ Dai hpang mare a sinpraw maga, Hka Hpawk Chyinghka hte hkawhkam wa a Hka Lawng nga ai dingdung maga de ngai sa wa nngai. Shaloi ngai jawn nga ai lawze a matu, wut shingyun lai lam kaga n mu tam lu sai,

Jinghpaw Hanson Version Bible

¹⁴ Dai hpang, hka hpawk chyinghka hte hkawhkam hka lawng lai hkra, ngai hkawm yu yang, ngai jawn ai gumra matu lai na lam n nga ai.

NEHEMIA 2:14 ပူးပေါင်းရင်းမြစ်များ

2 HKAWHKAM 18:17

Asuri hkawseng wa gaw Yerusalem mare e nga ai Hezekia hpe Lahkisha mare kaw nna htim gasat na matu hpyen hpung kaba langai mi dat dat wu ai: dai luksuk hpe shi a npu na tsaw htum ai du kaba masum e up hkang da nga ma ai. Shanhte Yerusalem mare de du shang wa jang, lahta hka lawng kaw nna hka la yu wa ai hka hkawng makau e hpun nba hkrut ai ni lang ai nmaw lam hpe sa madu la nga ma ai.

2 HKAWHKAM 20:20

Hkawhkam Hezekia galaw ai amu magup ngu na shi a share shagan ai sat lawat ni, hka lawng hte hka hkawng hpe shi kaning rai galaw nna mare kata de hka shalen ai lam ni hpe Yuda Hkawhkam ni a Labau Laika hta ka matsing da nga ai.

2 HKAWHKAM LABAU 32:30

Ndai gaw Gihon Hka Hpawk de lwi shang wa ai hka shi hpe pat kau nhtawm hka lawng hku Yerusalem mare a bunghku kata ang ang de shalen dat ai wa gaw Hkawhkam Hezekia rai nga ai. Hezekia gaw shi galaw ai lam shagu awng dang nga ai rai nna,

NEHEMIA 12:37

Shanhte gaw Hka Hpawk Chyinghka de du ai shaloi, Dawi a Mare de hkrang ai lakang hkan nna shanhte lung wa nhtawm Dawi a hkawhkam htingnu hpe lai kau da ai hte dai mare a sinpraw maga Hka Chyinghka na bunghku de nhtang mat wa ma ai.

NEHEMIA 3:15

Hkolahoze a kasha Mizpa ginwang up ai Shalum gaw Hka Hpawk Chyinghka hpe galaw wu ai. Shi gaw chyinghka lam hpe galup nna, chyinghka ni hpe shara hte shara tawn da nna shingla ni hte htinggrang ni hpe shakap da nga ai. Hkawhkam sun makau na Shela Hka Lawng bunghku hpe Dawi a Mare kaw nna yu wa ai lakang du hkra galaw da nga ai.

NEHEMIA 3:16

Betzura ginwang ka-ang hkup up ai Azbuk a kasha Nehemia gaw dai hte yep kaw nna Dawi a lup, hka lawng hte hpyen dap nta ni de du hkra galaw nga ai.

HPAJI NINGLI 2:6

Ngai gaw dai ni hpe hka shalen jaw na matu nawng ni htu da nngai.