NEHEMIA 13:7 - Jinghpaw Common Language Bible 2009

⁷ Yerusalem mare de nhtang wa nngai. Dai yang e Eliashib gaw Tobia hpe Nawku Htingnu kata na gawk langai lang na ahkang jaw ya ai hpe ngai wa mu kajawng nngai.

Jinghpaw Hanson Version Bible

⁷ Yerusalem de bai wa nngai; dai shaloi Eliashib gaw Karai Kasang a nta wang kata e Tobia matu, n shawp ai amu ngu ai, gawk lajang da ai lam, ngai na chye nngai.

NEHEMIA 13:7 ပူးပေါင်းရင်းမြစ်များ

1 HKAWHKAM LABAU 3:24

Elioenai gaw shadang sha sanit lu nga ai; dai ni gaw Hodawia, Eliashib, Pelaia, Akub, Yohanan, Delaia hte Anani ni rai nga ai.

EZRA 9:1

Ndai amu ni galaw ngut ai hpang, Israela amyu masha ni a ningbaw nkau mi ngai kaw sa nna, amyu masha ni, hkinjawng ni hte Lewi masha ni nan htingbu mungdan ni rai nga ai Amon, Moba, hte Egutu, shing n rai Hkanani, Hiti, Perizi, Yebusi hte Amori masha ni hte shanhte nan n daw n hka ai sha nga nga ma ai rai nna, dai masha ni galaw ai matsat shabat amu ni hte maren shanhte hkan galaw nga ma ai lam tsun dan mi ai.

NEHEMIA 13:1

Amyu masha ni hpe Mawshe a Tara ja ja hti dan mu ai shaloi, dai laika hta Amon hte Moba masha kadai mung Karai Kasang a amyu masha ni hte galoi mung matut mahkai lu na ahkang n nga nga ai.

NEHEMIA 13:5

Shi gaw Tobia hpe Nawku Htingnu hta lang ai nsi naisi hkungga, manam pyaw ai baw hte arung arai hpe mung, hkinjawng ni a matu hkungga ni hpe mung, Lewi masha ni, Nawku Htingnu na mahkawn mangoi chye ai ni hte Nawku Htingnu sin ai ni hpe jaw ya ai htam shi hta na htam mi re ai nai mam nsi naisi, sabyi ntsin hte tsanlun sau re ai ni hpe tawn da na matu shatawng shada da ai gawk kaba langai mi lang na ahkang jaw ya wu ai.

SHARUNG SHAYAWT 1:10

Gumlau hpyen ni gaw shi a sut gan yawng hpe kashun la kau manu ai. Shi gaw maigan masha ni n shang na matu dai Madu hkum da ai Nawku Htingnu de Shanhte shang wa ai hpe shi mu wu ai.

1 KORINHTU 1:11

Hpa majaw nga yang, ngai hpu ngai nau ni e, nanhte shada da ga li ga law rai nga myit dai lam hpe Hkloe a nta na masha nkau mi ngai hpe asan sha sa tsun shana dan mi ai.