NEHEMIA 13:26 - Jinghpaw Common Language Bible 2009

²⁶ Ngai gaw, “Hkawhkam Shawlumon hpe yubak galaw shangun ai mung maigan num ni a majaw rai nga ai. Shi gaw kaga masha amyu baw ni a hkawhkam ni hta grau nna galu kaba ai wa rai nga ai. Karai Kasang gaw shi hpe tsaw ra ai hte Israela amyu yawng a matu shi hpe hkawhkam shatai nu ai; ti mung shi gaw yubak kata de lup shang mat wa nu ai.

Jinghpaw Hanson Version Bible

²⁶ Hpa majaw nga yang, Israela hkawhkam Shawlumon gaw, dai lam galaw nna, shut nga ai, n rai ni? mung mi hte mung mi shi hte bung ai hkawhkam n nga ai; shi a Karai Kasang mung shi hpe tsawra nna, Israela amyu ting a ntsa e hkawhkam shatai nu ai; rai timung, shi nan, maigan num ni a majaw shut hpyit nga a hka.

NEHEMIA 13:26 ပူးပေါင်းရင်းမြစ်များ

1 HKAWHKAM 21:25

(Shi a madu jan Yezebela hkan shadut ai amu mahkra hpe galaw ai Ahab zawn dai Madu a man e n kaja ai amu hpe shi hkum nan myit jung ai hte htum hkra galaw kau lu ai wa kadai mung nga nga ai n rai.

1 HKAWHKAM 3:12

nang hpyi ai hte maren, ngai galaw ya na we ai. Shawng de mung n nga yu, htawm hpang de mung n nga yu na sai, masha kadai hta mung grau ai hpaji byeng-ya hte chye na hkawn hkrang ai hpaji ngai nang hpe jaw na de ai.

1 HKAWHKAM 3:13

Nang n hpyi shalawm ai na a asak hkrun lam yawng hta nang hkam la na sut gan hte arawng sadang hpe mung ngai jaw na de ai; dai gaw kaga hkawhkam ni hkam la ai hta grau na ra ai.

1 HKAWHKAM 4:1

Ya Shawlumon gaw Israela mung ting a hkawhkam rai nga ai,

2 HKAWHKAM LABAU 1:12

Ngai gaw hpaji byeng-ya hte chye chyang ai nyan hpaji nang hpe jaw na we ai; dai sha n-ga, na a shawng na hte hpang na hkawhkam ni kadai mung n hkam la yu ai sut gan, manu dan ai sut arung arai, mying dan hkung ai lam ngai nang hpe grau jaw ya na de ai,” ngu nna tsun htang wu ai.

2 HKAWHKAM LABAU 9:22

Hkawhkam Shawlumon gaw mungkan ga na kaga hkawhkam ni kadai hta mung grau nna sut su ai hte hpaji byeng-ya rawng nga ai.

GA SHAGAWP 31:3

Na a shinggyim n-gun yawng hpe shinggyim maka ngang gayut ai amu hta n-gun maku hkum shadaw kau et. Nang jai lang ai na a gumhpraw yawng hpe numsha ni hta hkum jai shama kau nga et. Shanhte gaw hkawhkam ni hpe alau jahten kau yu masai.

HPAJI NINGLI 7:26

Ngai gaw si hkrung si htan hta grau ahkup ahka nga ai arai lama mi mu se ai, dai gaw mahkam zawn re ai numsha rai nga ai. Shi nang hpe nawng ya ai tsaw ra myit gaw sumgawn zawn nang hpe rim la na ra ai; Shi a lata lahpum gaw hpri saidawng zawn nang hpe gyit hkang la na ra ai. Karai Kasang hpe awng sharawng ai wa hprawng lawt lu ti mung, yubak kap ai wa hpe chyawm gaw shi rim la lu nga ai.