NEHEMIA 13:25 - Jinghpaw Common Language Bible 2009

²⁵ Ngai gaw dai lasha ni hpe daru sharin ai, shanhte hpe matsa dagam ai, anu kayat ai hte shanhte a kara ni hpe gang baw kau ya we ai. Dai hpang ngai gaw shanhte mung, shanhte a kashu kasha ni mung, maigan masha ni hte kayau kaya rai dinghku galoi mung n de shajang na matu Karai Kasang a mying nsang hta shanhte hpe dagam shaka shangun nngai.

Jinghpaw Hanson Version Bible

²⁵ Dai rai nna, ngai shanhte hpe daru kau ai hte dagam dala kau nme ai; nkau mi hpe ngai anu kayat nna, shanhte a kara mun ni hpe baw kau ya let, “Nanhte gaw, nanhte a shayi sha ni hpe shanhte a shadang sha ni hte n ya sha nna, shanhte a shayi sha ni hpe nanhte a shadang sha ni matu mung, nanhte hkum nan a matu mung, n hpyi la na lam, nga nna Karai Kasang a amying gang let, shanhte hpe dagam shangun nngai.

NEHEMIA 13:25 ပူးပေါင်းရင်းမြစ်များ

2 HKAWHKAM 2:24

Shi gaw nhtang kayin yu let shanhte hpe mada azi yu nna, dai Madu a mying ningsang hta shanhte hpe dagam kau wu ai. Dai hpang tsap yi lahkawng maling de nna pru wa nhtawm lasha ma mali shi lahkawng hte hpe ashep ashin di amya je da nga ai.

EZRA 10:5

Dai rai nna, Shehkania hpaji jaw tang shawn ai hte maren, shanhte hkan galaw lu hkra nga, Ezra gaw hkinjawng ningbaw ni, Lewi masha ni hte ngam nga ai amyu masha ni hpe dagam shangun hpang wa wu ai.

EZRA 7:26

Na a Karai Kasang a tara ni hte hkawseng mungdan a tara ni hpe tawt lai ai wa kadai hpe mung sat kau ai, kaga mungdan de shapraw kau ai, shi a sutgan magawn la kau ya ai, hte htawng bang ai ari kalang lata hkrum lu na rai nga ai.”

NEHEMIA 13:11

Ngai gaw Nawku Htingnu hpe n gawn n sawn di kau shangun mu ai du salang ni hpe daru sharin we ai. Ngai mung Lewi masha ni hte mahkawn mangoi chye ai ni hpe Nawku Htingnu de bai woi la nhtawm amu bai galaw shangun we ai.

NEHEMIA 13:17

Ngai mung Yuda ningbaw ni hpe, “Nanhte galaw nga ai n hkru ai amu hpe yu yu mu! Nanhte gaw Bansa Nhtoi hpe n chyoi n pra shangun nga myit hka!

NEHEMIA 13:24

Shanhte a kashu kasha ka-ang hkup daram gaw Ashdod ga shaga ma ai, nkau mi kaga ga shaga ma ai majaw anhte a ga kaning ngu shaga na n chye ma ai.

NEHEMIA 5:13

Dai hpang nye a nshang grup grup hpun da ai palawng galu hpe raw ahpu let, “Nanhte a ga sadi hpe n hkan shatup ai kadai hpe mung ndai zawn Karai Kasang ahpu kau nna, nanhte a dum nta ni hte nanhte madu ai arai magup shagu hte hpe shi dawm la kau nhtawm nanhte hpe kaman tawn kau da na ra ai,” ngu nna ngai tsun ni ai. Dai yang e nga nga ai masha shagu hte gaw, “Amen,” ngu nhtawm dai Madu hpe Amen ngu nna shakawn kungdawn ma ai. Ningbaw ni mung shanhte a ga sadi hpe hkan shatup ma ai.

NEHEMIA 5:6

Shanhte a aput angun ai ga hpe ngai na jang, masin pawt nngai rai nna,

SHAKAWN KUNGDAWN 119:53

Tara n lang ai ni na a tara hpe n hkan ai sha, jahten nga ma ai hpe ngai mu ai shaloi; ngai masin kahtet nga nngai.

SHAKAWN KUNGDAWN 15:4

Shi gaw Karai Kasang hpe nyet kau ai ni hpe matsat nga ai; Madu a ga madat mara ai ni hpe shagrau sha-a nga ai. Ga sadi shatup na matu kade wa yak hkra rai ti mung, shi jaw da ai ga sadi ni hpe tut nawng e galaw shatup nga ai.

PRU MAT 34:16

Nanhte a shadang sha ni mung maigan num ni hpe la nhtawm ngai hta sadi n dung shangun ai hte shanhte a tara maigan hpara ni hpe woi nawku shangun na mara ai.

GA SHAGAWP 28:4

Tara hpe nang n hkungga ai rai yang, nang gaw tara nlang ai masha ni a hpang maga de nga nga ndai; rai ti mung, dai tara hpe nang hkan nang ai wa rai yang chyawm gaw shanhte hte nang nhtan shai nga ai.

ESAIA 50:6

Ngai hpe kayat ai ni hpe nye a shingma shakrin ja ya nngai. Shanhte ngai hpe n kaw n law di nna, nye a nhka mun ni hpe gang baw ai hte nye a myi man hpe mayen mahtaw bun ai shaloi, ngai shanhte hpe jahkring we ai n rai.

TARA JAHPRANG 6:13

Dai Madu nanhte a Karai Kasang hpe shagrau sha-a nna shi hpe chyu sha nawku nhtawm shi a mying ningsang hta sha nanhte a ga sadi ni hpe tawn da lu na rai myit dai.

TARA JAHPRANG 7:3

Shanhte hta na kadai hpe mung la lu na n rai; nanhte a ma ni kadai mung shanhte hta na kadai hte mung la shangun lu na myit dai n rai;

YAWSHU 23:12

Nanhte mahtang sadi n dung ai sha, dai ni du hkra nanhte hta naw ngam nga ai kaga amyu baw ni hte makyit mahkai let num la num ya rai myit yang chyawm gaw,