NEHEMIA 13:23 - Jinghpaw Common Language Bible 2009

²³ Dai aten e, Yuda lasha law law ni mung Ashdod, Amon hte Moba numsha ni hpe hkungran la nga ma ai hpe ngai mu nngai.

Jinghpaw Hanson Version Bible

²³ Dai aten e, Ashdod, Ammon, Moba amyu shayi sha ni hpe hkungran la ai Yuda masha nkau mi hpe ngai mu nngai.

NEHEMIA 13:23 ပူးပေါင်းရင်းမြစ်များ

1 HKAWHKAM 11:1

Shawlumon gaw maigan numsha law law hpe tsaw ra wu ai. Egutu hkawhkam a shayi sha hta kaga, Hiti numsha ni, Moba, Amon, Edom hte Sidon mung na numsha ni hpe hkungran la wu ai.

EZRA 10:10

Hkinjawng Ezra rawt tsap nna shanhte hpe ga tsun wu ai. Shi gaw, “Nanhte gaw n kam n sham manit dai hte maigan numsha ni hpe hkungran la let Israela hta mara dun shakap da nga manit dai.

EZRA 10:44

Ndai lasha ni yawng gaw maigan num lu shajang ma ai. Shanhte gaw dai ni yawng hpe jahka kau nhtawm shanhte hte shanhte a kashu kasha ni hpe wa kau shangun ma ai.

NEHEMIA 10:30

Anhte gaw anhte a mungdan hta nga nga ai maigan masha ni hte kayau kaya dinghku de na ga ai n rai.

NEHEMIA 10:31

Maigan masha ni anhte hpe Bansa Nhtoi hte kaga chyoi pra ai shani hta nai mam nsi naisi hte kaga arung arai la sa nna sa dut ya ai rai yang, anhte gaw shanhte kaw na mari la na ga ai n rai. Anhte gaw sanit ning du shagu yi sun n galaw na ga ai, hka kap ai yawng hpe shaprai kau na ga ai.

NEHEMIA 13:1

Amyu masha ni hpe Mawshe a Tara ja ja hti dan mu ai shaloi, dai laika hta Amon hte Moba masha kadai mung Karai Kasang a amyu masha ni hte galoi mung matut mahkai lu na ahkang n nga nga ai.

NEHEMIA 13:24

Shanhte a kashu kasha ka-ang hkup daram gaw Ashdod ga shaga ma ai, nkau mi kaga ga shaga ma ai majaw anhte a ga kaning ngu shaga na n chye ma ai.

NEHEMIA 13:27

Anhte gaw nanhte a kasi hkan let anhte a Karai Kasang a ga hpe n madat ai sha maigan numsha ni hpe hkungran la mai nga ga ni?,” ngu nna tsun wu ai.

NEHEMIA 4:7

Anhte mung Yerusalem mare bunghku gaw ai lam hte waw malawng mat ai bunghku ni hpe bai pat shachyip ai lam hta gaw sharawt da lu saga ai hpe Sanbalat, Tobia yan hte Arab, Amon hte Ashdod masha ni na jang, shanhte masin grai pawt ma ai.

PRU MAT 34:11

Dai ni, ngai nang hpe jaw ya ai tara ni hpe madat mara hkan sa nga u; nang rawt lung wa ai shaloi, Amori, Hkanan, Hiti, Hperizi, Hiwi hte Yebusi masha ni hpe ngai gawt shapraw kau ya na we ai.

2 KORINHTU 6:14

N kam n sham ai ni hte rau ginrun nna amu bungli hkum jawm gun hpai nga mu, hpa majaw nga yang, rau ginrun nna gun hpai na n mai byin ai. Jaw ai hte shut ai gaw kaning rai nna rau ginrun nga lu na rai ta? Nhtoi hte nsin gaw kaning rai nna rau nga lu a ta?

TARA JAHPRANG 7:1

Dai Madu nanhte a Karai Kasang gaw nanhte madu la na mungdan de woi shawn nna, dai mung na amyu baw law law hte hpe gawt shapraw kau na rai wu ai. Nanhte rawt lung wa myit yang, shi gaw nanhte hta grau galu kaba nna n-gun grau rawng ai amyu sanit rai nga ai Hiti, Girgashi, Amori, Hkanani, Perizi, Hiwi hte Yebusi masha ni hpe gawt shapraw kau na ra ai.

RUHTA 1:4

dai shadang sha yan mung Moba num ni rai nga ai Orpa hte Ruhta yan hpe la ma ai. Shi ning daram na mat wa ai hpang,

1 SAMUELA 5:1

Hpilisti masha ni dai Ga Shaka Sumpu hpe rim la kau ya ai hpang, dai hpe Ebeneza kaw nna shanhte a mare Ashdod de hpai wa nhtawm, shanhte a hpara Dagon hpe tawn da ai htingnu kata de dai hpe la jashawn ai hte shi a sumla makau e shadun da nga ma ai.