NEHEMIA 13:22 - Jinghpaw Common Language Bible 2009

²² Ngai gaw Lewi masha ni shanhte hkum jasan jaseng na matu mung, Bansa Nhtoi hpe teng teng chyoi pra nga na matu mung chyinghka ni hpe sin na matu mung, hkang da se ai. O Karai Kasang, ndai lam a majaw ngai hpe dum nga e law, na a galu kaba ai tsaw ra myit a majaw ngai hpe matsan dum la e law.

Jinghpaw Hanson Version Bible

²² Bai, Lewi masha ni gaw, laban nhtoi hpe shachyoi shapra na matu tinang hkum hpe shachyoi shapra nna, chyinghka ni hpe sin nga na lam, ngai shanhte hpe hkang da nngai. Nye a Karai Kasang e, dai lam majaw mung ngai hpe dum ya e; na n-gaw nwai ai myit galu kaba ai hte maren, ngai hpe matsan dum la e law.

NEHEMIA 13:22 ပူးပေါင်းရင်းမြစ်များ

2 HKAWHKAM 20:3

“Madu e, ngai gaw nang hpe kangka ai hte sadi dung let daw jau ni ai; nang ra sharawng ai hpa lam hta rai ti mung ngai tut nawng shakut shaja galaw ai amu ni hpe dum ya e law.” Shi gaw ahkup ahka nga mat hkra hkrap let hpyi nem wu ai.

2 HKAWHKAM 23:4

Dai hpang Yoshia gaw Bala hpe mung, Ashera karai num hpe mung, shagan ni hpe mung nawku ai hta lang ai arung arai ni yawng hpe Nawku Htingnu shinggan de shapraw da na matu Hkinjawng Kaba Hilkia hte shi hpe karum ai hkinjawng ni, Nawku Htingnu de shang wa ai chyinghka e lit ang ai sin langa ni hpe hkang da wu ai. Hkawhkam wa mung dai arai ni yawng hpe mare shinggan ngu na Kidron Kadit makau e sa nat kau wu ai; de a wan dap ni hpe Behtela mare de hpai kau ma ai.

2 HKAWHKAM LABAU 29:24

Dai hpang amyu masha ni yawng a shut hpyit yubak mara htingrai ya na matu hkinjawng ni gaw bainam ni sat nhtawm dai ni a asai hpe tawn hkungri ntsa e shagu hkungga hku nna ru hkaw ma ai. Hpa majaw nga yang, hkawhkam wa gaw Israela yawng a matu wan nat hkungga hte htingrai hkungga nawng ya na hkang da wu ai.

2 HKAWHKAM LABAU 29:27

Hezekia gaw wan nat hkungga nawng ya na matu hkang da wu ai hte maren, dai hkungga nawng hpang wa yang, amyu masha ni mung dai Madu hpe shakawn kungdawn nhtawm, mahkawn mangoi ai ni gaw pahtau ni hte kaga madum sumpyi ni yawng hpe dum hpang wa ma ai.

2 HKAWHKAM LABAU 29:30

Hkawhkam wa hte amyu baw a ningbaw ni gaw Dawi hte myihtoi Asap ka jahtuk da sai shakawn mahkawn ga hte dai Madu hpe mahkawn shakawn na matu Lewi masha ni hpe tsun mu ai. Dai rai nna masha shagu hte gaw nachying kabu gara ai hte mahkawn let Karai Kasang hpe lahput hput di ai hte nawku ma ai.

NEHEMIA 12:10

Yawshu gaw Yoiakim a kawa, Yoiakim gaw Eliashib a kawa, Eliashib gaw Yoiada a kawa;

NEHEMIA 12:30

Hkinjawng ni hte Lewi masha ni gaw htung hte maren shanhte hkum ni hpe jasan jaseng la nna, amyu masha ni hpe mung, chyinghka ni hpe mung, mare bunghku hpe mung hkan galaw ma ai.

NEHEMIA 13:14

Nye a Karai Kasang e, na a Nawku Htingnu a matu mung, dai hte seng ai nawku daw jau ai amu ngu ai ngai galaw ni ai ndai amu yawng hte hpe adum nga u law.

NEHEMIA 13:31

Ngai gaw htuk manu ai aten ni hta, shagu hkungga nat na hpun hte shawng si ai nsi naisi hte shawng myin ai namsi namsaw ni la sa na matu lajang da nngai. O Karai Kasang e, ndai amu yawng mayawng hpe adum ya nga rit; dai amu a majaw ngai hpe chyeju jaw ya e law.

NEHEMIA 5:19

O Karai Kasang e, ndai amyu masha ni hpe ngai galaw ni ai amu a majaw ngai hpe chyeju madun na dum ya e law, ngu nna ngai nang kaw hpyi nem nngai.

SHAKAWN KUNGDAWN 130:7

Israela e, shi a tsaw ra myit gaw dinggrin anga nga ai hte; shi anhte hpe hkye hkrang la na matu, tut nawng e, ra sharawng nga ai majaw, dai Madu hta kam hpa nga mu.

SHAKAWN KUNGDAWN 5:7

Rai ti mung, na a galu kaba ai tsaw ra myit a majaw ngai na a nta de sa lu nngai; na a chyoi pra ai Nawku Htingnu hta ngai nawku lu nna nang hpe hkrit hkungga ai hte dingnyawm lu nga nngai.

SHAKAWN KUNGDAWN 51:1

Karai Kasang e, na a dinggrin tsaw ra myit a majaw, ngai hpe matsan dum la e. Na a galu kaba ai matsan dum myit a majaw, nye a yubak ni hpe arut kau ya e.

ESAIA 38:3

“Madu e, ngai gaw nang hpe kangka ai hte sadi dung let daw jau ni ai, nang ngai hpe galaw shangun mayu ai amu hpe tut nawng shakut galaw ni ai amu ni hpe dum ya e law. Shi gaw ahkup ahka nga hkra jahtau hkrap hpang wa wu ai.

ESAIA 49:23

Hkawhkam ni gaw na a matu kawa ni zawn tai na mara ai; hkawhkam jan ni gaw kanu ni zawn tai na mara ai. Shanhte gaw na a man e gum dagup ai hte nang hpe shagrau sha-a na mara ai; shanhte gaw shagrit shanem ai hte nang hpe hkrit hkungga lam madun na mara ai. Dai hpang nanhte gaw ngai nan dai Madu rai nga nngai hpe chye na marin dai; nye a karum la lam ala nga ai ni kadai mung myit daw hten ai hkrum na ra ai n rai.”

ESAIA 55:7

N hkru ai ni gaw shanhte a asak hkrun lam hpe kau da nna shanhte a myit mang ai lam galai shai kau nga mu ga. Shanhte gaw dai Madu anhte a Karai Kasang hpang de kayin wa mu ga; shi gaw matsan dum chye ai wa rai nna mara raw dat ya na matu lawan nga ai.

2 KORINHTU 1:12

Anhte myit kata hta asan sha gumrawng na lam langai mi nga ai; dai gaw, ndai mungkan hta anhte a asak hkrung lam, grau nna nanhte hte kanawn mazum matut mahkai ai lam ni hta masha a machye machyang hta n shamyet shanat ai sha Karai Kasang a chyeju atsam hte anhte gaw Karai Kasang jaw ai teng man san seng ai myit masin e up hkang ai hku nna amu galaw ai lam rai nga ai.

TARA JAHPRANG 5:12

“ ‘Dai Madu nanhte a Karai Kasang rai nga ai ngai nan nanhte hpe hkang da made ai hte maren Bansa Nhtoi hpe shachyoi shapra na dai hpe hkan galaw nga mu.