NEHEMIA 13:14 - Jinghpaw Common Language Bible 2009

¹⁴ Nye a Karai Kasang e, na a Nawku Htingnu a matu mung, dai hte seng ai nawku daw jau ai amu ngu ai ngai galaw ni ai ndai amu yawng hte hpe adum nga u law.

Jinghpaw Hanson Version Bible

¹⁴ Nye a Karai Kasang e, dai amu majaw ngai hpe dum e; nye a Karai Kasang a nta matu mung, dai hte seng ai daw jau ai amu matu mung, ngai galaw ai mai kaja ai amu hpe hkum shaprai kau ya e.

NEHEMIA 13:14 ပူးပေါင်းရင်းမြစ်များ

2 HKAWHKAM 20:3

“Madu e, ngai gaw nang hpe kangka ai hte sadi dung let daw jau ni ai; nang ra sharawng ai hpa lam hta rai ti mung ngai tut nawng shakut shaja galaw ai amu ni hpe dum ya e law.” Shi gaw ahkup ahka nga mat hkra hkrap let hpyi nem wu ai.

1 HKAWHKAM LABAU 29:3

Karai Kasang a Nawku Htingnu hpe tsaw ra ai majaw ngai jaw ya sai ndai ni yawng hta jan nna, nye a sut gan hta na ja, gumhpraw ni hpe mung ngai ap ya se ai.

2 HKAWHKAM LABAU 24:16

Israela amyu masha ni a matu mung, Karai Kasang a matu mung, Nawku Htingnu a matu mung shi galaw nu ai amu hpe matsing masat ya na matu shi hpe Dawi a Mare hkawhkam lupwa hta lup makoi da nga ma ai.

EZRA 7:20

Nawku Htingnu a matu nang hta lama ma ra ai rai yang, hkawhkam sut dek kaw na lu la mai nga ndai.

EZRA 7:24

Hkinjawng ni, Lewi masha ni, mahkawn mangoi ai ni, sin langa ni, amu galaw masha ni hte ndai Nawku Htingnu hte matut mahkai nga ai kadai kaw na mung ahkun hkanse n lahkawn la lu na rai ndai.

EZRA 7:27

Ezra gaw, “Dai Madu anhte a kaji kawa ni a Karai Kasang hpe shakawn mu! Shi gaw Yerusalem na dai Madu a Nawku Htingnu hpe ndai hku nna shagrau sha-a na matu hkawseng wa hpe myit lawm shangun nu ai.

NEHEMIA 13:22

Ngai gaw Lewi masha ni shanhte hkum jasan jaseng na matu mung, Bansa Nhtoi hpe teng teng chyoi pra nga na matu mung chyinghka ni hpe sin na matu mung, hkang da se ai. O Karai Kasang, ndai lam a majaw ngai hpe dum nga e law, na a galu kaba ai tsaw ra myit a majaw ngai hpe matsan dum la e law.

NEHEMIA 13:31

Ngai gaw htuk manu ai aten ni hta, shagu hkungga nat na hpun hte shawng si ai nsi naisi hte shawng myin ai namsi namsaw ni la sa na matu lajang da nngai. O Karai Kasang e, ndai amu yawng mayawng hpe adum ya nga rit; dai amu a majaw ngai hpe chyeju jaw ya e law.

NEHEMIA 5:19

O Karai Kasang e, ndai amyu masha ni hpe ngai galaw ni ai amu a majaw ngai hpe chyeju madun na dum ya e law, ngu nna ngai nang kaw hpyi nem nngai.

ESAIA 38:3

“Madu e, ngai gaw nang hpe kangka ai hte sadi dung let daw jau ni ai, nang ngai hpe galaw shangun mayu ai amu hpe tut nawng shakut galaw ni ai amu ni hpe dum ya e law. Shi gaw ahkup ahka nga hkra jahtau hkrap hpang wa wu ai.

HEBRE 6:10

Hpa majaw nga yang, Karai Kasang gaw n tara ai wa n rai nga ai. Shi gaw nanhte galaw gun hpai lai wa sai magam bungli hpe mung, Madu hpe tsaw ra ai lam nanhte madun dan na matu lai wa sai ten kaw nna ya du hkra Hkristan masha shada da karum la hkat ai hpe mung, Karai Kasang malap kau wu ai n rai.

SHINGRAN 3:5

Awng padang lu ai ni gaw ning re ai hpraw ai hpun palawng bu hpun lu na mara ai; shanhte a amying ni hpe asak laika hta na ngai shaprai kau ya na n rai. Nye Wa a man e mung, shi a lamu kasa ni a man e mung, shanhte gaw ngai hte seng ai ni rai ma ai ngu nna, dan dan leng leng ngai tsun shana yin la na nngai.