NEHEMIA 12:43 - Jinghpaw Common Language Bible 2009

⁴³ Dai shani e, shagu hkungga law law nawng ya ma ai rai nna Karai Kasang gaw shanhte hpe kabu shangun wu ai majaw, amyu masha ni hta kabu gara ai myit hpring nga ai. Numsha ni hte ma kaji ni mung dai poi hta shang lawm nga ma ai rai nna shanhte jahtau ai nsen hpe tsan tsan kaw nna na lu nga ai.

Jinghpaw Hanson Version Bible

⁴³ Dai shani jang shanhte gaw grai kaba ai shagu hkungga ni nawng ya nna, Karai Kasang shanhte hpe ja ja kabu shangun ai majaw, shanhte gaw kabu gara nga ma ai: kasha kanu ni hte kashu kasha ni mung kabu gara nga ma ai rai nna, Yerusalem a kabu gara ai gaw, tsan tsan kaw nna na lu ma ai.

NEHEMIA 12:43 ပူးပေါင်းရင်းမြစ်များ

2 HKAWHKAM LABAU 20:13

Yuda masha ni yawng gaw shanhte a madu jan ni hte kashu kasha ni hte rau dai yang na Nawku Htingnu hta e tsap nga ma ai.

2 HKAWHKAM LABAU 20:27

Dai Madu gaw shanhte a gumlau hpyen ni hpe gasat dang kau ya nu ai rai nna Yehoshahpat mung shi a hpyen hpung ni hpe awng padang ninglaw hte Yerusalem mare de bai woi nhtang wa wu ai.

2 HKAWHKAM LABAU 7:10

Shata sanit a nhtoi hkun masum ya shani e, Shawlumon gaw amyu masha ni hpe nta wa kau shangun wu ai. Shi a amyu masha Israela hpe mung, Dawi hte Shawlumon hpe mung dai Madu jaw ya ai shaman chyeju yawng a majaw shanhte kabu gara shajang ma ai.

EZRA 3:13

Shanhte ja ja jahtau garu ai nsen a majaw kadai mung kabu gara jahtau garu ai nsen hte hkrap agru ai nsen hpe n chye ginhka lu nga ai. Dai ngoi ai nsen hpe tsan tsan kaw nna na lu nga ai.

NEHEMIA 12:27

Yerusalem mare bunghku ap nawng ya ai shaloi, Lewi masha ni nga nga ai shara kaw nna shanhte hpe jashawn la ma ai shaloi shanhte gaw ap nawng ya ai poi hta chyeju dum ai mahkawn mangoi ni hte rau, shup sheng, tingse ni dum let shang lawm lu ma ai.

NEHEMIA 12:42

Masea, Shemaia, Eleaza, Uzi, Yehohanan, Malhkiya, Elam hte Ezera hte rai ma ai. Yezrahia gaw mahkawn mangoi chye ai ni hpe woi nna, bunghku ntsa e ja ja mahkawn shakawn nga ma ai.

YOBA 34:29

Karai Kasang gaw hpa mung n galaw na hku daw dan ai rai yang, kadai mung shi hpe sharu lu ai n rai. Shi a myi man makoi kau ai rai yang, masha gaw karum la lam kata rai na wu ai.

SHAKAWN KUNGDAWN 27:6

Shing rai, ngai gaw ngai hpe wang shinggrup da ai nye a gumlau hpyen ni hpe dang kau nngai; shi a Nawku Htingnu hta kabu gara jahtau garu nhtawm shagu hkungga ni hpe nawng jau na ring ngai. Ngai gaw Madu hpe mahkawn mangoi let shi hpe shakawn na ring ngai.

SHAKAWN KUNGDAWN 28:7

Dai Madu gaw ngai hpe makawp maga ai hte ninggang tai ya nga ai; ngai shi hpe kam hpa nga nngai. Shi gaw ngai hpe karum la ai lam jaw ya ai hte ngai hpe kabu gara shangun nga ai; Ngai shi hpe kabu gara ai mahkawn ga ni hte shakawn nga nngai.

SHAKAWN KUNGDAWN 9:2

Na a majaw, kabu gara ai hte ngai mahkawn mangoi nga na nngai; Chyahtum Chyalai n-gun rawng ai Karai Kasang e, ngai nang hpe mahkawn shakawn nga na nngai.

SHAKAWN KUNGDAWN 92:4

Madu e, na a mauhpa magam amu ni gaw ngai hpe kabu shangun nga ai; nang galaw da sai bungli ni a majaw ngai kabu gara mahkawn shakawn nga nngai.

ESAIA 61:3

Ziun hta sharung shayawt nga ai ni hpe yawn madai na malai Kabu gara ai hte kabu pyaw ai lam, Yawn hkyen ai a malai mahkawn shakawn na lam jaw ya na matu shangun dat ni ai. Shanhte gaw dai Madu shi nan hkai da sai Hpun ni zawn tai na mara ai. Shanhte gaw ding man ai amu yawng mayawng hpe galaw na mara ai, Karai Kasang gaw shi galaw sai amu ni a majaw shakawn kungdawn ai hkrum na ra ai.

YEREMIA 31:13

Dai hpang, numsha ni gaw ka manawt ai hte kabu gara na mara ai, lasha kaji kaba ni gaw kabu gara na mara ai. Ngai gaw shanhte hpe shalan shabran ai hte shanhte a sharung shayawt ai hpe kabu gara lam shatai ya na nngai, shanhte a yawn hkyen ai hpe kabu pyaw shangun na nngai.

YEREMIA 33:11

nang gaw kabu gara garu jahtau nsen, mani pyaw ai nsen hte kabu gara ai hkungran poi lusha sha ai nsen ni hpe kalang mi bai na lu na rin dai. Shanhte gaw nye a Nawku Htingnu de mahku hkungga ni la sa let mahkawn shakawn ai nsen hpe nang na lu na rin dai; shanhte gaw, ‘Shi gaw mai kaja nga ai hte shi a tsaw ra myit htani htana prat dingsa agrin nga ai majaw, Chyahtum Chyalai N-gun Rawng ai dai Madu hpe chyeju dum mu,’ ngu nna tsun na mara ai. Ngai gaw ndai mungdan hpe shawng na hte maren, ngamu ngamai shangun na nngai. Dai Madu ngai nan tsun ni ai,” nga nna tsun wu ai.

BU HKAWM 10:10

Kabu gara ai shani ngu ai Shata Praw hta galaw ai Poi ni hte kaga nawku htung hte seng nna galaw ai poi ni hta mung, wan nat hkungga hte mahku hkungga ni hpe nanhte nawng jau ai shaloi mung, dai pahtau ni dum na rai myit dai. Dai shaloi ngai nanhte hpe karum la na made ai. Ngai gaw dai Madu nanhte a Karai Kasang rai nga nngai,” ngu nna tsun wu ai.

MAHTE 21:15

Hkinjawng agyi ni hte Tara sara ni chyawm gaw, shi galaw ai mauhpa amu ni hte, “Dawi a Kasha hpe shakawn kungdawn mu law!,” nga nna Nawku Htingnu kata hta jahtau ai ma ni hpe mu mu yang, shanhte masin pawt ma ai.

MAHTE 21:9

Yesu a shawng e sa wa ai ni hte hpang e hkan nang ai masha wunawng ni gaw, “Dawi a Kasha a hpung shingkang hpe shakawn mu! Madu a mying nsang hte du sa ai wa gaw a nga ai law! Karai Kasang a hpung shingkang hpe shakawn kungdawn nga mu law!,” nga nna jahtau garu ma ai.

YAWHAN 16:22

Dai hte maren nanhte ya yawn hkyen nga myit dai; rai ti mung nanhte hte ngai bai hkrum lu nna, nanhte a kraw lawang ni hta kabu gara ai hte hpring na ra ai; dai nanhte a kabu gara ai hpe nanhte kaw na kadai mung kashun la ya lu sana n rai.

EHPESU 5:19

Nanhte shada da shakawn kungdawn mahkawn mangoi ga, Wenyi makam masham hte seng ai laka ga hte tsun shaga hkat nga let, nanhte a kraw lawang kata hta Madu hpe mahkawn mangoi nna shakawn kungdawn nga mu.

YAKU 5:13

Nanhte hta na langai ngai ruyak jam jau hkrum nga myit ni? Shi akyu hpyi nga u ga. Langai ngai myit pyaw nga a ni? Shi mahkawn shakawn nga u ga.

1 SAMUELA 4:5

Dai Ga Shaka Sumpu du jang, Israela amyu masha ni gaw ginding aga ashun hkra kabu gara ai hte ja ja jahtau garu nga ma ai.