NEHEMIA 12:39 - Jinghpaw Common Language Bible 2009

³⁹ dai kaw nna Ehprim Chyinghka, Yeshana Chyinghka, Nga Chyinghka, Hananela Langchyi hte Latsa Langchyi ni hpe lai kau da nhtawm Sagu Chyinghka de du ga ai. Anhte gaw Nawku Htingnu de sa wa ai Chyinghka makau e hkring nga ga ai.

Jinghpaw Hanson Version Bible

³⁹ bai, Ehprim chyinghka, Dingsa chyinghka, Anga chyinghka hte Hananela hte Hamea langchyi ni lai nna, Sagu chyinghka du nhtawm, sin langa ni a lam makau e tsap hkring nga ga ai.

NEHEMIA 12:39 ပူးပေါင်းရင်းမြစ်များ

2 HKAWHKAM 14:13

Yehoasha gaw Amazia hpe bawng masha zawn rim la nna Yerusalem mare de lung wa nhtawm Ehprim chyinghka kaw nna Jut Chyinghka du hkra pe kru tsa daram galu ai mare bunghku hpe run kau mu ai.

NEHEMIA 12:40

Dai rai nna, Karai Kasang hpe chyeju shakawn ai hpung lahkawng gaw Nawku Htingnu shara de du dep wa ma ai. Dai hta sha n-ga, ngai hte rau rai nga ai ningbaw ni hte nye a hpung hta lawm nna pahtau dum ai hkinjawng ni gaw,

NEHEMIA 3:1

Da ndai gaw mare bunghku hpe kaning rai bai galaw da ai lam rai nga ai. Hkinjawng Kaba Eliashib hte shi a hkinjawng manang ni Sagu Chyinghka hpe bai galaw nna dai hpe ap nawng nhtawm de a shara hta chyinghka ni hpe shakap tawn ma ai. Shanhte gaw Latsa Langchyi hte Hananela Langchyi du hkra shangut da lu ai bunghku hpe ap nawng ma ai.

NEHEMIA 3:25

Uzai a kasha Pala gaw bunghku jut npawt e mung, sin langa a wang makau lahta hkawhkam htingnu a langchyi hpe mung galaw wu ai; Parosha a kasha Pedaia gaw Hka Chyinghka makau, sinpraw maga na matu hte Nawku Htingnu hpe sin ai langchyi du hkra galaw nga ai. (Dai shara gaw Nawku Htingnu amu galaw masha ni nga ai Ohpela mying ai mare daw mi hte htep rai nga ai.)

NEHEMIA 3:3

Hasena amyu lakung gaw Nga Chyinghka galaw ma ai. Shanhte gaw dangbat hte chyinghka ni hpe shara hte shara tawn da ma ai, chyinghka la lu na matu shingla ni hte htinggrang ni hpe shakap da ma ai.

NEHEMIA 3:6

Pasea a kasha Yoiada hte Besodia a kasha Meshulam yan gaw Yeshana Chyinghka hpe bai galaw da ma ai. Shanhte gaw dangbat ni hte chyinghka ni hpe shara hte shara mara tawn da ma ai, chyinghka la lu na matu shingla hte htinggrang ni hpe mung shakap da ma ai.

NEHEMIA 8:16

Dai re ai majaw amyu masha ni mung lakung lakying ni hpe la wa nhtawm tinang nang a nta numgaw ntsa e mung, tinang nang a wang kata e mung, Nawku Htingnu wang kata e mung, Hka Chyinghka hte Ehprim Chyinghka makau na dam lada re ai shawa shara hta sum ni hpe gap da ma ai.

YEREMIA 31:38

Dai Madu gaw, “Hananela langchyi kaw nna mare Jut Chyinghka du hkra, Yerusalem mare hpe nye a mare zawn bai gaw gap ai nhtoi du wa na ra ai.

YEREMIA 32:2

Dai aten hta Babelon hkawhkam wa a hpyen luksuk ni gaw Yerusalem hpe htim gasat nga ma ai, ngai gaw hkawhkam htingnu wang e nga ai htawng hta rawng da hkrum nga nngai.

ZEHPANI 1:10

Dai Madu gaw, “Dai shani hta e, Yerusalem na Nga Chyinghka lam hta hkrap shabam ai nsen nanhte na lu na ra ai. Dai mare a lawk nnan daw hkan na masha ni a yawn shabam ai nsen hte kawng ntsa hkan nga ai dum nta ni hpe hpya jahten kau ai nsen ni hpe na lu na ra ai.

YAWHAN 5:2

Yerusalem mare na Sagu Chyinghka makau e Hebre ga hku Betzahta ngu ai hka lawng langai mi nga ai, dai hka lawng hpe shinggrup nna jarawp manga mung gap da ma ai.