NEHEMIA 12:31 - Jinghpaw Common Language Bible 2009

³¹ Ngai gaw Yuda ningbaw ni hpe bunghku ntsa e jahpawng tawn nna Karai Kasang a chyeju hpe shakawn let mare grup grup nawt hkawm na hpung kaba lahkawng hpe woi hpareng da shangun nngai. Shawng na hpung mi gaw bunghku ntsa hkra maga hku Maza Chyinghka maga de hkawm sa wa ma ai.

Jinghpaw Hanson Version Bible

³¹ Shaloi ngai gaw Yuda du salang ni hpe bunghku ntsa de shaga la nhtawm, mahkawn mangoi let nawt hkawm ai hpung kaba lahkawng, san da nngai; hpung mi gaw bunghku a hkra maga, maza htawm kau ai chyinghka de hkawm wa ma ai:

NEHEMIA 12:31 ပူးပေါင်းရင်းမြစ်များ

1 HKAWHKAM LABAU 13:1

Dawi gaw hpyenla hkying mi up, latsa up ai du ni yawng hte hte jawm bawng ban yu wu ai.

1 HKAWHKAM LABAU 28:1

Hkawhkam Dawi gaw Israela du salang ni yawng hpe Yerusalem mare hta zup hpawng nga na matu hkang dat wu ai. Dai rai nna amyu bawsang ni a du ni yawng mung, mungdan a magam amu ni hpe up hkang nga ai du ni mung, amyu lakung ni a ningbaw ni mung, hkawhkam hte shi a shadang sha ni hte seng ai sut rai ni hte yam nga hpung ni hpe yu lajang ai ni mung, hkawhkam htingnu kata na du salang ni yawng mung, hpyenla ni hpe woi awn ai ni hte ahkyak ai masha ni yawng Yerusalem mare e sa zup hpawng ma ai.

2 HKAWHKAM LABAU 5:2

Dai hpang Hkawhkam Shawlumon gaw Israela amyu bawsang ni hte lakung lama ni yawng a ningbaw ni hpe Yerusalem mare de sa zup hpawng nhtawm dai Madu a Ga Shaka Sumpu hpe Ziun ngu ai Dawi a Mare kaw nna Nawku Htingnu kata de jashawn da na matu hkang dat wu ai.

NEHEMIA 12:32

Dai mahkawn mangoi chye ai ni a hpang e, Hoshaia hte Yuda ningbaw ka-ang hkup mi hkan nang ma ai.

NEHEMIA 12:38

Chyeju dum shakawn ai kaga hpung mi gaw bunghku ntsa, pai maga na lam dingyang de hkawm sa wa ma ai. Ngai hte amyu masha ka-ang hkup hte mung hkan nang ga ai. Anhte gaw Wan Htung Langchyi hpe lai kau da nhtawm Dam Ai Bunghku de hkawm kanawt sa wa ga ai,

NEHEMIA 12:40

Dai rai nna, Karai Kasang hpe chyeju shakawn ai hpung lahkawng gaw Nawku Htingnu shara de du dep wa ma ai. Dai hta sha n-ga, ngai hte rau rai nga ai ningbaw ni hte nye a hpung hta lawm nna pahtau dum ai hkinjawng ni gaw,

NEHEMIA 2:13

Ngai gaw shana e naw rai nga yang sinna maga na Kadit Chyinghka lam hku mare kaw nna pru mat wa nhtawm, dingda maga Baren Hka Hpawk hte Maza Chyinghka lam de du hkra lai yu wa nngai. Ngai lai hkawm wa ai shaloi, daw agrawp mat sai mare bunghku ni hte wan hkru mat sai chyinghka ni hpe san jep yu nngai.