NEHEMIA 12:27 - Jinghpaw Common Language Bible 2009

²⁷ Yerusalem mare bunghku ap nawng ya ai shaloi, Lewi masha ni nga nga ai shara kaw nna shanhte hpe jashawn la ma ai shaloi shanhte gaw ap nawng ya ai poi hta chyeju dum ai mahkawn mangoi ni hte rau, shup sheng, tingse ni dum let shang lawm lu ma ai.

Jinghpaw Hanson Version Bible

²⁷ Ya Yerusalem a mare bunghku hpe Karai Kasang hpe ap ya ai shaloi jang, ap ya ai poi hta, kabu gara ai hte chyeju dum let, mahkawn mangoi nna, shupsheng, doria, hte tingse dum na matu, shara shagu hkan nga ai Lewi masha ni hpe tam nna, Yerusalem de woi lung wa mu ai.

NEHEMIA 12:27 ပူးပေါင်းရင်းမြစ်များ

2 SAMUELA 6:12

Dai Madu a Ga Shaka Sumpu a majaw Obed Edom a dinghku masha ni hte shi lu malu mahkra hte hpe shaman ya nu ai lam Dawi na jang, Dawi gaw poi kaba galaw let dai Ga Shaka Sumpu hpe Obed Edom a nta kaw nna Yerusalem mare de shawn la wu ai.

1 HKAWHKAM 8:63

Shi gaw mahku hkungga a matu dumsu 822,000 hte sagu 120,000 hpe sak nawng ya wu ai; shing rai hkawhkam wa hte amyu masha ni yawng dai Nawku Htingnu hpe ap nawng ai hte dingshawn shang ma ai.

1 HKAWHKAM LABAU 13:8

Dawi hte amyu masha ni yawng Karai Kasang hpe shagrau sha-a na nga, shanhte a n-gun lagaw mahkra hte ka manawt nga ma ai. Shanhte gaw mahkawn mangoi ni hte tingse, doria, chying, shupsheng hte pahtau ni hpe dum ma ai.

1 HKAWHKAM LABAU 15:12

Shi gaw Lewi masha ni hpe, “Nanhte gaw Lewi amyu lakung lama ni a ningbaw ni rai nga myit dai. Dai Madu Israela a Karai Kasang a Ga Shaka Sumpu hpe de a matu hkyen lajang da ya ai shara de hpai la na matu nanhte hte nanhte a Lewi kahpu kanau ni tinang hkum jasan jaseng da mu.

1 HKAWHKAM LABAU 15:16

Dawi gaw kabu gara ai myit hte mahkawn mangoi chye nna sumpyi, doria, tingse, shupsheng chye dum ai Lewi masha ni hpe san da na matu Lewi ningbaw ni hpe hkang da wu ai.

1 HKAWHKAM LABAU 15:28

Dai rai nna Israela masha ni yawng kabu gara jahtau garu let pahke, pahtau hte shupsheng ni dum ai hte tingse, doria ni hpe shangoi nhtawm Ga Shaka Sumpu a hpang hkan gumbawm nang let Yerusalem mare de hpai lung wa ma ai.

1 HKAWHKAM LABAU 15:4

Dai hpang shi gaw Arun a amyu matu ni hte Lewi masha ni hpe mung shaga shangun dat wu ai.

1 HKAWHKAM LABAU 16:42

Mahkawn mangoi let shakawn kungdawn nga ma yang, Heman hte Yeduhtun yan mung pahke hte shupsheng ni hpe mung, kaga madum sumpyi ni hpe mung woi awn dum ma ai. Yeduhtun a amyu lakung ni chyawm gaw chyinghka ni hpe sin nga ma ai.

1 HKAWHKAM LABAU 16:5

Asap gaw ningbaw aya hta san da hkrum ai wa rai nna shi hpe karum na matu Zehkaria nga nga ai. Bai Yeiela, Shemiramot, Yehiela, Matihtia, Eliaba, Benaia, Obed Edom hte Yeiela hte gaw dawraw tingse dum na rai ma ai. Asap mahtang shupsheng dum nna,

1 HKAWHKAM LABAU 23:5

sin langa amu galaw na matu masha hkying mali hte ndai amu a matu hkawhkam wa shatawng shada let jaw ya ai madum sumpyi arung arai ni hpe lang nna dai Madu hpe shakawn kungdawn na masha hkying mali hte hpe san tawn da wu ai.

1 HKAWHKAM LABAU 26:31

Yeria gaw Hebron amyu matu ni a ningbaw rai nga ai. Dawi hkawhkam tai nga ai mali shi ning hta e Hebron a amyu matu na dinghku ru sai ni hpe jep sagawn yu yang, dai dinghku kaw na laklai share shagan ai hpyenla ni, Gilead mung Yazera mare e nga nga ma ai hpe mu hkrup ma ai.

2 HKAWHKAM LABAU 29:25

Dai hkawhkam wa gaw hkawhkam wa a myihtoi rai nga ai Gad hte myihtoi Nahtan yan a ga hku nna hkawhkam Dawi hpe dai Madu jaw ya ai Nawku Htingnu kata e tingse sumpyi, shupsheng ni hte,

2 HKAWHKAM LABAU 29:30

Hkawhkam wa hte amyu baw a ningbaw ni gaw Dawi hte myihtoi Asap ka jahtuk da sai shakawn mahkawn ga hte dai Madu hpe mahkawn shakawn na matu Lewi masha ni hpe tsun mu ai. Dai rai nna masha shagu hte gaw nachying kabu gara ai hte mahkawn let Karai Kasang hpe lahput hput di ai hte nawku ma ai.

2 HKAWHKAM LABAU 7:6

Hkinjawng ni gaw shanhte a matu masat da ya ai shara ni hta Lewi masha ni gaw hkinjawng ni maga de myi man hkrum rai tsap nga nhtawm Hkawhkam Dawi tawn da sai htung hte maren, “Shi a tsaw ra myit htani htana agrin nga ai!,” nga nna mahkawn mangoi ai mahkawn ga hpe madum sumpyi ni hte dai Madu hpe shakawn kungdawn ma ai. Hkinjawng ni gaw amyu masha ni yawng tsap nga yang pahtau dum ma ai.

EZRA 6:16

Dai hpang Israela amyu masha ni, hkinjawng ni, Lewi masha ni hte bawng dung ai kaw nna nhtang wa ai kaga ni yawng hte gaw kabu gara ai myit hte dai Nawku Htingnu hpe ap nawng ma ai.

NEHEMIA 11:20

Ngam nga ai Israela masha ni, hkinjawng ni hte Lewi masha ni gaw tinang a sut gan arung arai hte hpawn Yuda mung kaga mare kahtawng ni hkan nga nga ma ai.

NEHEMIA 12:43

Dai shani e, shagu hkungga law law nawng ya ma ai rai nna Karai Kasang gaw shanhte hpe kabu shangun wu ai majaw, amyu masha ni hta kabu gara ai myit hpring nga ai. Numsha ni hte ma kaji ni mung dai poi hta shang lawm nga ma ai rai nna shanhte jahtau ai nsen hpe tsan tsan kaw nna na lu nga ai.

NEHEMIA 8:17

Bawng dung hkrum ai kaw nna bai nhtang wa ai amyu masha ni yawng gaw sum ni hpe gap nna rawng nga ma ai. Nun a kasha Yawshu a aprat kaw nna ndai shani du hkra, ndai lang shawng galaw ai rai nna, masha shagu mung mau kajawng ai hte kabu gara nga ma ai.

SHAKAWN KUNGDAWN 149:3

Shi a mying nsang hpe ka manawt let shakawn mu; chying bau ni hte tingse ni hpe dum nna shi hpe shakawn mu.

SHAKAWN KUNGDAWN 30:1

Madu e, nang ngai hpe hkye hkrang la nit dai, nye a gumlau hpyen ni ngai hpe dang kau ai kaw na, nang ngai hpe makawp maga la nit dai majaw, ngai nang hpe shakawn nngai.

TARA JAHPRANG 16:11

Tinang a kashu kasha, shangun ma ni hte nanhte a mare hta nga ai Lewi masha ni, maigan masha ni, jahkrai nmai ni hte gaida gaina ni yawng dai Madu a man e rau sha kabu gara nga mu. Ndai amu hpe nawku daw jau ai shara langai hta sha galaw mu.

TARA JAHPRANG 20:5

“Shaloi du salang ni mung masha ni hpe, ‘Nta gap ti mung dingshawn garai n shang ai ndai yang e kadai nga nga a ta?, nga ai rai yang, shi gaw nta de wa na rai wu ai. Dai n rai, majan pa e shi sat kau ai hkrum yang, marai langai ngai shi a nta hpe dingshawn shang na rai wu ai.

HPILIPI 4:4

Dai Madu hta nanhte tut nawng e kabu gara nga myit ga, bai ngai tsun nngai, kabu gara nga mu.

SHINGRAN 5:8

Dai laika hpe lu la ai shaloi jang, dai dusat amyu mali hte salang hkun mali gaw, dai Sagu Kasha a man e dingnyawm ma ai. Shanhte langai hte langai gaw tingse hte Karai Kasang a masha ni a akyu hpyi ai ga ngu ai manam pyaw ai baw hte hpring chyat nga ai ja gawm ni hpe mung lang nga ma ai.