NEHEMIA 12:25 - Jinghpaw Common Language Bible 2009

²⁵ Ndai Matania, Bakbukia, Obadia, Meshulam, Tolmon hte Akub hte gaw Nawku Htingnu sin ai ni rai nga ma ai, dai ni gaw Nawku Htingnu de shang wa ai chyinghka makau na sut gawk ni hpe sin hpareng ai ni rai ma ai.

Jinghpaw Hanson Version Bible

²⁵ Matania, Bakbuk, Obadia, Meshulam, Talmon, Akub hte gaw chyinghka sin ai ni rai nga nna, chyinghka lam makau na, rai tawn da ai nta ni hpe sin nga ma ai.

NEHEMIA 12:25 ပူးပေါင်းရင်းမြစ်များ

2 HKAWHKAM 7:10

Dai rai nna shanhte gaw Suri dap kaw nna pru mat wa nhtawm Samari mare de nhtang wa nna chyinghka sin ai sin langa ni hpe wa shaga shapraw ma ai: “Anhte gaw Suri masha ni a dap de sa saga ai; kadai hpe mung n mu, kadai shaga ai nsen mung n na rai ga ai; gumra ni hte lawze ni hpe sha dun da nga ma ai, sum ni mung dai raw Suri masha ni tawn kau da ma ai.”

1 HKAWHKAM LABAU 23:32

Shanhte gaw dai Madu a hpung shingkang shanu nga ai Sum hpe yu lajang na matu mung, shanhte a makyin jinghku ni, Arun kaw nna pra hkrat wa ai hkinjawng ni Nawku Htingnu kata nawku daw jau amu galaw ai shaloi karum shingtau ai ni rai ma ai.

1 HKAWHKAM LABAU 26:12

Dinghku hku hkan nna Nawku Htingnu sin ai ni hpe hpung hku garan da nga ai rai nna, shanhte gaw kaga Lewi masha ni zawn Nawku Htingnu kata hta bungli galaw na lit shatsam da ai hkrum nga ma ai.

1 HKAWHKAM LABAU 26:15

Obed Edom mahtang dingda chyinghka de ang nga ai; shi a shadang sha ni gaw arai tawn da ai gawk ni hpe sin na lit garan la nga ma ai.

1 HKAWHKAM LABAU 26:17

Sinpraw maga, shani shagu sin na sin langa kru, dingdung maga marai mali, dingda maga marai mali, arai tawn da ai gawk ni hta shani shagu sin langa marai mali, arai tawn da ai gawk a matu marai lahkawng hkawng rai nga ai.

2 HKAWHKAM LABAU 8:14

Shi gaw shi a kawa Dawi jahkrat tawn da ai tara ni hte maren hkinjawng ni a shani shagu galaw na amu hte mahkawn mangoi ai hte amu galaw ai hkinjawng ni hpe karum shingtau ai Lewi masha ni hpe hpaw ninghtan tawn wu ai. Shi gaw Karai Kasang a masha Dawi e hkang da nu ai hte maren chyinghka shagu hta shanhte gun hpai ang ai shani shagu na bungli lit ni hpe hpung hte hpung garan gun na matu Nawku Htingnu sin ai masha ni hpe mung hpaw ninghtan tawn wu ai.

ESAIA 21:8

Dai sin langa wa gaw, “Madu e, Ngai gaw nye a sin shara hta shani shana tsap let sin nngai,” ngu nna jahtau tsun wu ai.