NEHEMIA 12:24 - Jinghpaw Common Language Bible 2009

²⁴ Hashabia, Sherebia, Yeshua, Binui hte Kadmiela ni lam madun matsun ai npu hta taw let, Lewi masha ni hpe hpung hpaw da nga ai. Dai rai nna Karai Kasang a masha, Hkawhkam Dawi jaw da ai sharin matsun ga ni hte maren, aten mi hta hpung lahkawng gaw gahti galai rai Karai Kasang hpe chyeju dum shakawn kungdawn nga ma ai.

Jinghpaw Hanson Version Bible

²⁴ Karai Kasang a masha wa Dawi hkang da ai hte maren, chyeju dum let, shakawn kungdawn na matu, hpung mi hte hpung mi san tawn da ai kahpu kanau Lewi masha ni a agyi ni gaw, Hashabia, Sherebia, Kadmiela kasha Yeshua hte rai ma ai.

NEHEMIA 12:24 ပူးပေါင်းရင်းမြစ်များ

1 HKAWHKAM 17:24

Shi mung, “Nang gaw Karai Kasang a masha rai nga ndai mung, dai Madu gaw nang hku nna teng teng ga shaga nga ai hpe mung, ya ngai chye ni ai!,” ngu nna htan wu ai.

1 HKAWHKAM LABAU 16:4

Dawi gaw Ga Shaka Sumpu a man e dai Madu Israela a Karai Kasang hpe nawku ai hta shi hpe mahkawn mangoi let shakawn kungdawn na matu, Lewi masha nkau mi hpe woi awn shangun wu ai.

2 HKAWHKAM LABAU 8:14

Shi gaw shi a kawa Dawi jahkrat tawn da ai tara ni hte maren hkinjawng ni a shani shagu galaw na amu hte mahkawn mangoi ai hte amu galaw ai hkinjawng ni hpe karum shingtau ai Lewi masha ni hpe hpaw ninghtan tawn wu ai. Shi gaw Karai Kasang a masha Dawi e hkang da nu ai hte maren chyinghka shagu hta shanhte gun hpai ang ai shani shagu na bungli lit ni hpe hpung hte hpung garan gun na matu Nawku Htingnu sin ai masha ni hpe mung hpaw ninghtan tawn wu ai.

EZRA 2:40

Bawng dung ai kaw nna nhtang wa sai Lewi lakung ni: Yeshua hte Kadmiela (Hodawia amyu matu ni) - 74 Nawku Htingnu mahkawn mangoi masha ni (Asap a amyu matu ni) - 128 Nawku Htingnu sin langa ni (Shalum, Atera, Talamon, Akub, Hatita hte Shobai ni a amyu matu ni) - 139

NEHEMIA 11:17

Zabdi a kashu, Mihka a kasha Matina gaw Asap amyu matu langai mi rai nga ai. Shi gaw Nawku Htingnu hta akyu hpyi chyeju shakawn ai hpe woi awn nga ai wa rai nga ai. Bakbukia gaw Matania hpe karum ai wa rai nga ai. Gala a kashu, Shamua a kasha Abda gaw Yeduhtun amyu matu langai mi rai nga ai.

NEHEMIA 12:23

Lewi dinghku ningbaw ni a lam hpe Eliashib a kashu Yonahtan a prat du hkra, du salang ni a labau gawn laika hta ka matsing da nga ma ai.

NEHEMIA 12:36

Shi a hpang e shi a amyu lakung na Shemaia, Azarela, Milalai, Gilalai, Maai, Nehtanela, Yuda, Hanani ngu na yawng hte gaw Karai Kasang a masha Hkawhkam Dawi dum ai madum sumpyi baw lang let hkan nang ma ai. Ndai zawn kanawng hkawm ai hpung hpe Sara kaba Ezra woi awn nga ai.

NEHEMIA 8:7

Dai hpang shanhte gaw shanhte a shara ni hta rawt tsap nga ma yang, ndai Lewi masha ni rai nga ai Yeshua, Bani, Sherebia, Yamin, Akub, Shabehtai, Hodia, Masea, Kelita, Azaria, Yozabad, Haman, Pelaia hte gaw Tara a lam shanhte hpe tsun shaleng dan ma ai.

NEHEMIA 9:4

Yeshua, Bani, Kadmiela, Shebania, Buni, Sherebia, Bani hte Hkenani ni gaw Lewi masha ni a matu galaw da ai pinra ntsa e rawt tsap nhtawm dai Madu shanhte a Karai Kasang kaw ja ja akyu hpyi nga ma ai.

TARA JAHPRANG 33:1

Ndai gaw Karai Kasang a masha Mawshe, shi garai n si wa yang, Israela amyu masha ni hpe shaman ya ai ga ni rai nga ai.

1 TIMOHTI 6:11

Nang chyawm gaw Karai Kasang a masha wa e, dai lam mahkra hte hpe koi gam nga u. Ding hpring ai, tara hkungga ai, kam sham ai, tsaw ra ai, shakut sharang ai hte sumnung ai myit ni hpe lu la hkra shakut shaja nga u.

2 TIMOHTI 3:17

Dai rai nna Karai Kasang a magam gun hpai ai wa gaw mai kaja ai magam bungli shagu hpe galaw na matu atsam hpring nna lang ra ai hking rai ni hte hkrak shajin da sai wa rai nga ai.

YAWSHU 14:6

Lani mi na aten hta, Yuda amyu bawsang hta na amyu masha nkau mi gaw Gilgala e dap jung nga ai Yawshu hpang de du sa ma ai. Shanhte hta na Kenizi masha Yehpuna a kasha Hkaleb gaw shi hpe, “Dai Madu gaw Kadesha Barnea mare e nang hte nye a lam Karai Kasang a masha Mawshe kaning nga tsun ai hpe nang chye nga ndai.