NEHEMIA 11:30 - Jinghpaw Common Language Bible 2009

³⁰ Zano, Adulam hte dai mare ni hte ni ai kahtawng ni hta nga nga ma ai. Shanhte gaw Lahkisha mare hte de a makau na yi sun ni hta mung, Azeka mare hte de a kahtawng ni hta nga nga ma ai. Yuda amyu masha ni gaw dingda maga Berasheba kaw nna dingdung maga Hinom Kadit du hkra na lapran lamu ga hta nga nga ma ai.

Jinghpaw Hanson Version Bible

³⁰ Zano, Adulam hte de a kahtawng ni hta; Lahkisha hte de a lamu ga hta; Azeka hte de a kahtawng ni hta de nga ma ai. Shing rai shanhte gaw Berasheba kaw nna Hinom kadit du hkra de nga ma ai.

NEHEMIA 11:30 ပူးပေါင်းရင်းမြစ်များ

NINGPAWT NINGHPANG 21:14

Hpang jahpawt manap jau jau aten hta, Abraham gaw Hagara hpe lusha loi mi hte shanhpyi htingpa hta lu hka ntsin hpring hkra bang nna kasha hte rau dat dat wu ai. Dai hpang ma hpe mung shi a shingma ntsa hta shaba dat ya nhtawm dat dat wu ai. Shi pru mat wa nhtawm Berasheba nam mali hkan kayin hkawm nga ai.

NINGPAWT NINGHPANG 25:16

Shanhte gaw amyu bawsang shi lahkawng a kaji kawa ni rai nna, shanhte a kahtawng ni hte but ai dabang hku hkan nna dai ni a mying ni hpe jaw da mu ai.

2 HKAWHKAM 23:10

Hkawhkam Yoshia gaw kadai mung Molek karai a matu tinang a shayi shadang sha ni hpe wan nat hkungga n shatai ya lu hkra nga, Hinom Kadit na Tohpet ngu ai tara maigan masha ni a nawku shara hpe mung awu asin di kau ya wu ai.

NEHEMIA 11:29

Enrimon, Zoara, Yarmut,

NEHEMIA 11:31

Benyamin amyu bawsang na amyu masha ni gaw Geba, Mikmasha, Ai, Behtela hte makau kahtawng hkan e nga nga ma ai.

NEHEMIA 3:13

Hanun hte Zanoa mare masha ni Kadit Chyinghka galaw ma ai. Shanhte gaw shara hte shara hta chyinghka ni noi da ma ai; chyinghka la na matu shingla ni hte htinggrang ni hpe shakap da ma ai; Maza Chyinghka du hkra pe 1,500 galu ai bunghku hpe mung galaw ma ai.

ESAIA 37:8

Hkawseng wa Lahkisha kaw nna pru wa nhtawm, Libna mare makau e majan gasat nga ai lam hpe Asuri hpyen du wa chye nga ai. Shi gaw dai shara de sa wa nna shi hte sa bawngban jahkrup wu ai.

YEREMIA 19:2

Hinom Kadit de hkrang ai Di bu Shaga Chyinghka lam hku ga sa wa na ngai hpe tsun wu ai. Dai shara e ngai htawn tsun na mungga shi ngai hpe jaw wu ai.

YEREMIA 19:6

Dai majaw, dai shara hpe Tohpet shing n rai Hinom Kadit ngu nna galoi mung shamying na ra ai n rai, shing ngu na malai, Masha Sat Ai Kadit ngu nna shamying ai aten du wa na ra ai.

YEREMIA 32:35

Shanhte gaw shanhte a shayi shadang sha ni hpe Molek hpara a matu shagu hkungga nawng jau na nga, Hinom Kadit hta Bala hpara tawn hkungri ni hpe gap da nga ma ai. Dai amu galaw na matu, ngai shanhte hpe hkang da ni ai n rai; shanhte gaw dai zawn re ai amu galaw na hte Yuda amyu masha ni yubak hkrum na matu ngai n myit nngai,” ngu nna tsun nngai.

MIHKA 1:15

Maresha amyu masha ni e, dai Madu gaw nanhte hpe nanhte a mare zing la na gumlau hpyen wa a lata de ap kau na ra ai. Israela a ningbaw ni gaw Adulam hta nga ai lungpu de sa wa nna makoi rawng nga na mara ai.

YAWSHU 10:3

Dai rai nna, Yerusalem Hkawhkam Adonizedek gaw Hebron Hkawhkam Horam, Yamut Hkawhkam Piram, Lahkisha Hkawhkam Yahpia, Eglon Hkawhkam Debira ni hpang de shiga shana dat wu ai.

YAWSHU 12:15

Libna, Adulam,

YAWSHU 15:39

Lahkisha, Bodket, Eglon,

YAWSHU 15:8

Yebusi masha ni nga ai Yerusalem mare a dingda maga e nga ai kawng ntsa na Hinom Kadit hku hkroi rai nga ai. Dai hpang Hinom Kadit a sinna maga na kawng pungding hku hprut, Rehpim Kadit a dingdung shingjut de hkren,

YAWSHU 18:16

Dai hpang, Rehpim Kadit a dingdung jahtum e nga ai Hinom Kadit hpe praw rai mu mada ai bum lagaw hku garet yu mat wa nna dingda maga Hinom Kadit hku lai, Enrogela de sa wa ai Yebusi masha ni nga ai bum marung a dingda maga de byawn rai nga ai.