NEHEMIA 11:22 - Jinghpaw Common Language Bible 2009

²² Hashabia a kashu, Bani a kasha Uzi gaw Yerusalem mare hta nga ai Lewi masha ni hpe up hkang ai wa rai nga ai. Shi a kaji kawa ni hta Matania hte Mihka lawm nga ai. Shi gaw Nawku Htingnu hta mahkawn mangoi let daw jau lit lu ai Asap amyu lakung hta na rai nga ai.

Jinghpaw Hanson Version Bible

²² Yerusalem mare e de nga ai Lewi masha ni a ntsa e up ai wa, Mihka, Matania, Hashabia, Bani hta na hkrat ai, Uzia rai nga ai: shi gaw Karai Kasang a nta hte seng ai, mahkawn mangoi amu up ai, Asap a kashu kasha ni hta na rai nga ai.

NEHEMIA 11:22 ပူးပေါင်းရင်းမြစ်များ

2 SAMUELA 9:12

Mehpiboshet hta Mihka ngu ai shadang sha langai lu nga ai. Ziba a dinghku masha ni yawng chyawm gaw Mehpiboshet a shangun ma ni hkrai tai wa masai.

EZRA 8:19

Shanhte gaw Merari amyu lakung na Hashabia hte Yeshaia ni hte rau shanhte a ru sai daw hkrang ai kahpu kanau hkun hte hpe mung shangun dat ya ma ai.

NEHEMIA 11:11

Meshulam a kashu, Hilkia a kasha Seraia. Shi a kaji kawa ni rai nga ai Zadok, Meraiot, Hkinjawng Kaba Ahitub ni lawm nga ai.

NEHEMIA 11:14

Ndai amyu lakung hta na laklai atsam rawng ai hpyenla 128 rai ma ai. Shanhte a ningbaw wa gaw dinghku woi awn ai Zabdiela rai nga ai. Azrikam a kashu, Hashut a kasha Shemaia. Shi a kaji kawa ni hta Hashabia hte Buni yan lawm ma ai.

NEHEMIA 11:9

Zihkri a kasha Yoela gaw shanhte a ningbaw rai nna, Hasenua a kasha Yuda gaw dai mare hta lahkawng ngu na aya kaba ai du salang rai nga ai. Yoiarib a kasha Yedaia, hte Yahkin.

NEHEMIA 12:42

Masea, Shemaia, Eleaza, Uzi, Yehohanan, Malhkiya, Elam hte Ezera hte rai ma ai. Yezrahia gaw mahkawn mangoi chye ai ni hpe woi nna, bunghku ntsa e ja ja mahkawn shakawn nga ma ai.

NEHEMIA 12:46

Hkawhkam Dawi aten kaw nna mung, lai sai mahkawn mangoi ninghkrin Asap prat kaw nna mung mahkawn mangoi chye ai ni chyu sha Karai Kasang hpe shakawn kungdawn ai hte chyeju dum shakawn ai mahkawn ni woi awn nga ai.

NEHEMIA 13:13

Ngai gaw sut gawk ni hpe hpareng na matu ndai masha ni hpe san tawn nngai: dai ni gaw hkinjawng Shelemia, Tara sara ninghkrin Zadok, Lewi masha Pedaia; Matania a kashu, Zahkura a kasha Hanan gaw shanhte hpe karum shingtau na wa rai nga ai. Ndai masha ni gaw myit malang nga ma ai rai nna shanhte a hpu nau amu galaw masha ni hpe karan jaw ai amu hta kam mai nga ai gaw ngai chye nga nngai.

NEHEMIA 3:17

Ndai lawu de na Lewi masha ni gaw bunghku hpe daw hte daw galaw da nga ma ai: Bani a kasha Rehum gaw dai hte yep re ai shara hpe galaw nga ai; Dai hte yep hta Keila ginwang ka-ang hkup up ai Hashabia gaw shi a ginwang a matu galaw da wu ai;

NEHEMIA 8:7

Dai hpang shanhte gaw shanhte a shara ni hta rawt tsap nga ma yang, ndai Lewi masha ni rai nga ai Yeshua, Bani, Sherebia, Yamin, Akub, Shabehtai, Hodia, Masea, Kelita, Azaria, Yozabad, Haman, Pelaia hte gaw Tara a lam shanhte hpe tsun shaleng dan ma ai.

KASA 20:28

Dai majaw nanhte gaw nanhte a hkum nan hpe mung, nanhte a lata hta Chyoi Pra ai Wenyi ap ya da sai sagu hpung ting hpe mung, sadi sahka hte yu lahku nga mu, Karai Kasang gaw shi a hpung tai nga na matu shi a Kasha a si hkam ai hte mari la ai hpung hpe sagu rem ni zawn bau rem nga mu.