NEHEMIA 11:17 - Jinghpaw Common Language Bible 2009

¹⁷ Zabdi a kashu, Mihka a kasha Matina gaw Asap amyu matu langai mi rai nga ai. Shi gaw Nawku Htingnu hta akyu hpyi chyeju shakawn ai hpe woi awn nga ai wa rai nga ai. Bakbukia gaw Matania hpe karum ai wa rai nga ai. Gala a kashu, Shamua a kasha Abda gaw Yeduhtun amyu matu langai mi rai nga ai.

Jinghpaw Hanson Version Bible

¹⁷ Bai, Asap, Zabdi, Mihka hta na hkrat ai Matania rai nga ai; shi gaw chyeju hpe shakawn ai hte akyu hpyi ai lam hta agyi rai nga ai: bai, shi a kahpu kanau ni hta lahkawng ngu na Bakbuki rai nga ai: bai, Yeduhtun, Gala, Shamua hta na hkrat ai Abda rai nga ai.

NEHEMIA 11:17 ပူးပေါင်းရင်းမြစ်များ

2 SAMUELA 9:12

Mehpiboshet hta Mihka ngu ai shadang sha langai lu nga ai. Ziba a dinghku masha ni yawng chyawm gaw Mehpiboshet a shangun ma ni hkrai tai wa masai.

1 HKAWHKAM LABAU 16:4

Dawi gaw Ga Shaka Sumpu a man e dai Madu Israela a Karai Kasang hpe nawku ai hta shi hpe mahkawn mangoi let shakawn kungdawn na matu, Lewi masha nkau mi hpe woi awn shangun wu ai.

1 HKAWHKAM LABAU 16:41

Dai Madu a tsaw ra myit htani htana agrin nga ai majaw shi hpe mahkawn mangoi let shakawn kungdawn na matu Heman mung, Yeduhtun hte laksan lata da hkrum ai ni mung shanhte hte rau rai ma ai.

NEHEMIA 11:16

Shabehtai hte Yozabad yan gaw dan hkung ai Lewi masha yan rai nna Nawku Htingnu shinggan amu woi hpareng ai yen rai ma ai.

NEHEMIA 11:18

Chyoi pra ai Yerusalem mare hta nga ai Lewi masha ni yawng 284 rai ma ai. Akub, Talamon hte shanhte a makyin jinghku ni yawng 172 rai ma ai.

NEHEMIA 12:24

Hashabia, Sherebia, Yeshua, Binui hte Kadmiela ni lam madun matsun ai npu hta taw let, Lewi masha ni hpe hpung hpaw da nga ai. Dai rai nna Karai Kasang a masha, Hkawhkam Dawi jaw da ai sharin matsun ga ni hte maren, aten mi hta hpung lahkawng gaw gahti galai rai Karai Kasang hpe chyeju dum shakawn kungdawn nga ma ai.

NEHEMIA 12:25

Ndai Matania, Bakbukia, Obadia, Meshulam, Tolmon hte Akub hte gaw Nawku Htingnu sin ai ni rai nga ma ai, dai ni gaw Nawku Htingnu de shang wa ai chyinghka makau na sut gawk ni hpe sin hpareng ai ni rai ma ai.

NEHEMIA 12:31

Ngai gaw Yuda ningbaw ni hpe bunghku ntsa e jahpawng tawn nna Karai Kasang a chyeju hpe shakawn let mare grup grup nawt hkawm na hpung kaba lahkawng hpe woi hpareng da shangun nngai. Shawng na hpung mi gaw bunghku ntsa hkra maga hku Maza Chyinghka maga de hkawm sa wa ma ai.

NEHEMIA 12:46

Hkawhkam Dawi aten kaw nna mung, lai sai mahkawn mangoi ninghkrin Asap prat kaw nna mung mahkawn mangoi chye ai ni chyu sha Karai Kasang hpe shakawn kungdawn ai hte chyeju dum shakawn ai mahkawn ni woi awn nga ai.

HPILIPI 4:6

Hpa lam hta mung myit hkum ru hkum tsang nga myit; lam shagu hta akyu hpyi nna tawng ban ai hte chyeju dum ai myit masin hte shakawn kungdawn let nanhte a ra mara hpe Karai Kasang kaw shana ya mu.