NEHEMIA 11:11 - Jinghpaw Common Language Bible 2009

¹¹ Meshulam a kashu, Hilkia a kasha Seraia. Shi a kaji kawa ni rai nga ai Zadok, Meraiot, Hkinjawng Kaba Ahitub ni lawm nga ai.

Jinghpaw Hanson Version Bible

¹¹ Karai Kasang a nta up ai Ahitub, Meraiot, Zadok, Meshulam, Hilkia hta na hkrat ai Seraia rai ma ai.

NEHEMIA 11:11 ပူးပေါင်းရင်းမြစ်များ

1 HKAWHKAM LABAU 9:1

Israela amyu masha ni yawng hpe dinghku ni hte dinghku hku hkan nna ka da nga ai; dai hpe Israela Hkawhkam ni a Laika hta ka da nga ai. Yuda amyu masha ni chyawm gaw shanhte galaw ai yubak ari a majaw Babelon mung de bawng rim woi mat wa hkrum ma ai.

2 HKAWHKAM LABAU 19:11

Hkinjawng Kaba Amaria gaw nawku htung hte seng ai amu yawng mayawng hpe hpang jahtum daw dan ya lu na ahkang aya nga nga ai; Ishmaela a kasha Yuda mung du Zebadia mahtang mung shawa up hkang lam hte seng ai amu yawng mayawng hpe jahtum daw dan ya lu na ahkaw ahkang lu nga ai. Lewi masha ni mung tara rung ni a daw dan hparan ai amu ni hpe gun hpai na lit lu nga ai. Ndai matsun maroi ga ni hpe nden shaja nna hkan galaw nga mu; dai Madu gaw ding man ai maga de nga nga ai!”

2 HKAWHKAM LABAU 31:13

Shan a up hkang ai npu hta amu galaw na matu Lewi masha marai shi san da nga ai; dai ni gaw Yehiela, Azazia, Nahat, Asahela, Yerimot, Yozabad, Eliela, Ismahkia, Mahat, hte Benaia ni rai ma ai. Ndai ni yawng gaw Hkawhkam Hezekia hte Hkinjawng Kaba Azaria yan a ahkang aya hte maren hkan galaw ma ai.

NEHEMIA 11:12

Nawku Htingnu hta daw jau amu galaw ai ndai amyu lakung ni yawng 822 rai ma ai. Pelalia a kashu, Yeroham a kasha Adaia. Shi a kaji kawa ni rai nga ai Amzi, Zehkaria, Pashura hte Malhkiya ni lawm nga ai.

BU HKAWM 3:32

Hkinjawng Arun a shadang sha Eleaza gaw Lewi masha ni a ningbaw rai nga ai. Dai rai nna chyoi pra ai shara hta amu gun hpai ai ni hpe shi woi awn nga wu ai.

LUKA 22:4

Dai majaw Yuda gaw pru wa nhtawm, Hkinjawng Agyi Kaba ni hte Nawku Htingnu sin ai hpyen du ni kaw Yesu hpe kaning di ap kau ya na lam shanhte hte sa bawng ban wu ai.

KASA 5:24

Hkinjawng agyi ni hte htingnu sin ai du wa dai hpe na ma yang, kasa ni hta hpa byin ai rai wa sai kun? nga nna grai mau mat ma ai.