NEHEMIA 10:37 - Jinghpaw Common Language Bible 2009

³⁷ Anhte gaw shawng shu la lu ai nsi naisi kaw na shadung katsing hte kaga sabyi ntsin, tsanlun sau hte namsi namsaw baw hkum sumhpa re ai hkungga ni hpe Nawku Htingnu kata na hkinjawng ni hpang de shaning shagu la sa na ga ai. Anhte gaw anhte a yi sun galaw sha nga ai kahtawng ningchyawng lamu ga hkan na htam shi hta na htam mi hpe mung, anhte a lamu ga hta tu ai nsi naisi htam shi hta na htam mi hpe mung hkan lahkawn ai Lewi masha ni hpang de la sa na ga ai.

Jinghpaw Hanson Version Bible

³⁷ shawng galaw ai muk katsing, nwat hkungga ni, namsi namsaw amyu myu, tsabyi jahku nnan hte sau ni hpe, anhte a Karai Kasang a nta gawk ni hta daw jau nga ai hkinjawng ni hpang de la sa na matu mung; Lewi masha ni gaw mare kahtawng ni a lamu ga hta na htamshi hta na htammi lusha nga ai majaw, dai htamshi hta na htammi, shanhte hpang de la sa na matu mung, nga nna anhte hkinjawng ni, Lewi masha ni hte amyu masha ni gaw hpaida da ai hte tawn da ga ai.

NEHEMIA 10:37 ပူးပေါင်းရင်းမြစ်များ

2 HKAWHKAM LABAU 31:6

Yuda mung na mare ni hta shanu nga ai amyu masha ni yawng gaw shanhte a dumsu, sagu htam shi hta na htam mi la sa nhtawm dai Madu shanhte a Karai Kasang a matu ap nawng da sai kumhpa law law hte hpe mung la sa shajang ma ai.

NEHEMIA 13:10

Amyu masha ni mung Nawku Htingnu na mahkawn mangoi chye ai ni hte kaga Lewi masha ni hpe malu masha law ram hkra n jaw ya ai majaw shanhte gaw Yerusalem mare kaw nna pru mat wa nhtawm shanhte a yi sun hkauna nga ai de nhtang mat wa shajang ma ai hpe ngai chye nngai.

NEHEMIA 13:12

Israela amyu masha yawng mayawng hte mung Nawku Htingnu sut gawk ni de nai mam nsi naisi htam shi hta na htam mi, sabyi ntsin hte tsanlun sau re ai ni hpe bai la sa shajang ma ai.

NEHEMIA 13:5

Shi gaw Tobia hpe Nawku Htingnu hta lang ai nsi naisi hkungga, manam pyaw ai baw hte arung arai hpe mung, hkinjawng ni a matu hkungga ni hpe mung, Lewi masha ni, Nawku Htingnu na mahkawn mangoi chye ai ni hte Nawku Htingnu sin ai ni hpe jaw ya ai htam shi hta na htam mi re ai nai mam nsi naisi, sabyi ntsin hte tsanlun sau re ai ni hpe tawn da na matu shatawng shada da ai gawk kaba langai mi lang na ahkang jaw ya wu ai.

NEHEMIA 13:9

Ngai gaw gawk dai ni hpe htung hte maren jasan jaseng kau nhtawm Nawku Htingnu hte seng ai arung arai, shadung hkungga ni hte manam pyaw ai baw ni hpe bai jashawn da na matu hkang da nngai.

PRU MAT 13:12

Shi gaw dai mung hpe jaw ya ai shaloi, shawng shangai ai lasha alat hte shawng hkrat ai yam nga alat shagu gaw dai Madu a matu nanhte nawng jau ya lu na rai myit dai; nanhte kaw na shawng hkrat ai yam nga ala shagu gaw dai Madu a matu rai nga ai,

PRU MAT 13:2

“Israela amyu hta na shawng shangai ai lasha alat shagu hte yam nga hta na shawng hkrat ai ala shagu hte hpe ngai madu da nga nngai majaw, dai shawng shangai ai shinggyim masha alat hte yam nga alat ni yawng, nye a matu ap nawng ya na rai myit dai,” ngu nna tsun wu ai.

JAW JAU 23:17

Dinghku shagu gaw muk tawng lahkawng hkawng shapraw nhtawm laksan kumhpa shatai nna dai Madu hpe sak jaw na rai myit dai. Muk tawng shagu hpe mani ai shadung pawng mali hpe matsi hte shawawm nhtawm shawng ngai ai nsi naisi hkungga shatai nna dai Madu hpe nawng jau na rai myit dai.

MALAHKI 3:10

Nanhte a htam shi hta na htam mi hpring hpring Nawku Htingnu de la sa wa mi, shaloi dai yang e lusha law law nga na ra ai. Ngai hpe chyam yu mi, shaloi sumsing lamu hkuwawt ni hpe ngai hpaw nna kaja ai arai baw hkum sumhpa yawng mayawng nanhte hpe nhpaw n-ya ru bun ai hpe nanhte mu lu na rai myit dai.

MALAHKI 3:8

Ngai nanhte hpe san yu made ga, masha gaw Karai Kasang hpe hkalem sha na jaw nga a ni? Teng teng n rai law, rai ti mung, nanhte ngai hpe masu hkalem nga myit dai. Dai gaw ‘Gara hku?,’ ngu nna san myit dai. Dai gaw htam shi hta na htam mi hte shagu hkungga ni hpe n nawng ya ai majaw rai nga ai.

BU HKAWM 18:15

Shinggyim masha rai ti mung, yam nga rai ti mung, nye a matu ngu nna Israela amyu masha ni sak jaw ai alat shagu mung na a rai nga lit dai. Rai ti mung ma alat shagu hpe nang mari shaw la lu na rai ndai. N san n seng ai yam nga alat shagu hpe mung nang mari shaw la lu na rai ndai.

BU HKAWM 18:18

Dai ni hta na ashan gaw nang hte seng nga ai, laksan hkungga rai nga ai sinda hte hkra magyi gaw na a rai nga lit dai.

BU HKAWM 18:21

Dai Madu gaw, “Israela amyu masha ni ngai hpe sak jaw ai htam shi hta na htam mi shagu, Lewi masha ni hpe ngai jaw ni ai. Dai gaw nye a hpung shingkang shanu nga ai Sum hpe yu lajang ai shanhte a daw jau magam bungli a matu shabrai rai nga ai.

ROMA 11:16

Dai hta kaga muk tawng langai mi hta na hkyep mi hpe la nna Karai Kasang kaw shawng nawng jau ai rai yang ngam ai muk tawng ting mung nawng jau ai tai sai rai nga ai. Bai nna hpun langai mi a aru ni hpe nawng jau ai rai yang lakung lakying ni hpe mung nawng jau ai tai sai rai nga ai.

TARA JAHPRANG 14:22

“Shaning shagu nanhte a yi hkauna hta na pru ai nsi naisi yawng a htam shi hta na htam mi hpe karan jahka da na rai myit dai.

TARA JAHPRANG 18:4

Shawng shu la ai nai mam, sabyi ntsin, tsanlun sau hte sagu mun re ai kumhtaw ni hpe shanhte lu la na rai ma ai.

TARA JAHPRANG 26:2

nanhte shu la lu ai shawng myin ai nsi naisi amyu shagu hpe ka hta bang nna nawku shara de la sa lu na rai myit dai.