NEHEMIA 10:36 - Jinghpaw Common Language Bible 2009

³⁶ Anhte gaw anhte hta na shawng shangai ai kasha alat ni hpe madat da sai Tara hte maren, Nawku Htingnu e nga ai hkinjawng ni hpang de woi sa nna Karai Kasang hpe ap ya na ga ai. Anhte gaw dumsu kanu shagu kaw na shawng hkai ai dumsu kasha hte anhte a sagu bainam shagu hta na shawng hkai ai sagu kasha, bainam hkalung ni hpe mung nawng ya na ga ai.

Jinghpaw Hanson Version Bible

³⁶ tara hta ka da nga ai hte maren, shawng shangai ai lasha alat hte, yamnga sagu dumsu ni hpe anhte a Karai Kasang a nta hta daw jau nga ai hkinjawng wa hpang de la sa na matu mung;

NEHEMIA 10:36 ပူးပေါင်းရင်းမြစ်များ

2 HKAWHKAM LABAU 31:5

Shing ngu hkang dat ai ga pru jang, Israela amyu masha ni gaw kaja htum ai nsi naisi, sabyi ntsin, tsanlun sau, lagat ntsin hte kaga yi sun hkauna na pru ai hkai nmai kumhpa ni la sa ya ma ai; shanhte lu ai arai yawng mayawng kaw na htam shi hta na htam mi hpe mung la sa shajang nga ma ai.

NEHEMIA 12:44

Dai aten hta, Nawku Htingnu a matu jaw ya ai htam shi hta na htam mi, shawng shu la lu ai nsi naisi hte shawng myin ai namsi namsaw ni hpe shaning shagu mahkawng da ai sut gawk ni hpe hpareng na masha ni hpe san da nga ma ai. Ndai masha ni gaw mare shagu a makau mayang hkan na yi sun hkauna nsi naisi hkan lahkawn la ai hte hkinjawng ni hte Lewi masha ni hpe madat da sai Tara hte maren karan jaw na lit lu nga ma ai.

NEHEMIA 13:5

Shi gaw Tobia hpe Nawku Htingnu hta lang ai nsi naisi hkungga, manam pyaw ai baw hte arung arai hpe mung, hkinjawng ni a matu hkungga ni hpe mung, Lewi masha ni, Nawku Htingnu na mahkawn mangoi chye ai ni hte Nawku Htingnu sin ai ni hpe jaw ya ai htam shi hta na htam mi re ai nai mam nsi naisi, sabyi ntsin hte tsanlun sau re ai ni hpe tawn da na matu shatawng shada da ai gawk kaba langai mi lang na ahkang jaw ya wu ai.

PRU MAT 13:2

“Israela amyu hta na shawng shangai ai lasha alat shagu hte yam nga hta na shawng hkrat ai ala shagu hte hpe ngai madu da nga nngai majaw, dai shawng shangai ai shinggyim masha alat hte yam nga alat ni yawng, nye a matu ap nawng ya na rai myit dai,” ngu nna tsun wu ai.

PRU MAT 23:19

“Nang shu la lu ai shawng ngai ai nsi naisi hpe dai Madu na a Karai Kasang a nta de shaning shagu nang la sa na rai ndai. “Sagu, bainam kasha ni hpe kanu a chyu hte hkum shadu et.

PRU MAT 34:19

“Shawng shangai ai shadang sha alat shagu gaw nye a rai nga li ai hte maren, shawng hkrat ai yam nga ala shagu mung rai nga li ai.

MALAHKI 3:10

Nanhte a htam shi hta na htam mi hpring hpring Nawku Htingnu de la sa wa mi, shaloi dai yang e lusha law law nga na ra ai. Ngai hpe chyam yu mi, shaloi sumsing lamu hkuwawt ni hpe ngai hpaw nna kaja ai arai baw hkum sumhpa yawng mayawng nanhte hpe nhpaw n-ya ru bun ai hpe nanhte mu lu na rai myit dai.

GALATI 6:6

Dai Hkristu a mungga hpe sharin achyin hkam la ai wa gaw, sharin achyin ya ai sara wa hpe tinang lu mai ai kaja ai ja gumhpraw arung arai yawng hte karum madi shadaw nga u ga.

TARA JAHPRANG 12:6

Dai yang e, wan nat na nanhte a shagu hkungga ni hte kaga shagu hkungga ni, nanhte a htam shi hta na htam mi hte hkungga ni, dai Madu hpe ga sadi jaw ai kumhpa ni, jaw mayu ai hkungga ni hte shawng hkrat ai nanhte a sagu dumsu ni hpe mung nawng jau na rai myit dai.