NEHEMIA 10:34 - Jinghpaw Common Language Bible 2009

³⁴ Anhte mung, amyu masha ni mung, hkinjawng ni hte Lewi masha ni mung, madat da ai Tara hte maren, dai Madu anhte a Karai Kasang hpe shagu hkungga nat nawng na matu gara amyu lakung ni mahtang ju hpun shaw ang ai hpe daw dan ya na matu shaning shagu hpaida hte lata na ga ai.

Jinghpaw Hanson Version Bible

³⁴ Bai, jep ai tara hta ka da nga ai hte maren, anhte a Karai Kasang a tawn hkungri ntsa e ju na matu, shaning shagu madat da ai aten hta tinang a dap lakung hkan nna, anhte a Karai Kasang a nta kata de hpun kumhpa la sa na matu mung;

NEHEMIA 10:34 ပူးပေါင်းရင်းမြစ်များ

1 HKAWHKAM LABAU 24:5

Eleaza hte Ihtama yan a amyu matu ni gaw Nawku Htingnu na du salang ni hte wenyi lam hta woi awn ningbaw ai ni rai nga ma ai majaw hpaida da let bungli lit lata la nga ma ai.

1 HKAWHKAM LABAU 24:7

Ndai gaw bungli lit gun hpai na matu shatsam da hkrum sai dinghku hpung hkun mali hte a mying rai nga ai: dai ni gaw 1) Yehoiarib; 2) Yedaia; 3) Harim; 4) Seorim; 5) Malhkiya; 6) Miyamin; 7) Hakoza; 8) Abiya; 9) Yeshua; 10) Shehkania; 11) Eliashib; 12) Yahkim; 13) Hupa; 14) Yeshebea; 15) Bilga; 16) Imera; 17) Hezira; 18) Hapize; 19) Pehtahia; 20) Yehekela; 21) Yahkin; 22) Gamula; 23) Delaia; 24) Mazia ni rai nga ai.

2 HKAWHKAM LABAU 2:3

Shawlumon gaw Turu Hkawhkam Hiram hpang de ning ngu nna shana dat wu ai: “Nye wa a hkawhkam htingnu galaw na matu arit mailung tawng ni hpe dut ya nit dai zawn ngai hte mung galaw ga.

EZRA 3:5

dai hta kaga, tut nawng nawng ya ai shagu hkungga ni hpe hkum ting nat na matu mung, Shata Praw e galaw ai Poi hta nawng ya na matu mung, dai Madu hpe nawku ai shara hta tut e sa zup hpawng nna dai Madu hpe tinang myit ra ai hku jaw ya ai hkungga ni yawng hpe nat nawng ya ma ai.

NEHEMIA 11:1

Ningbaw ni gaw Yerusalem hta nga nga ma ai, naw ngam ai amyu masha ni hta na marai shi hta na dinghku langai mi chyoi pra ai Yerusalem de sa nga nga na matu hte naw ngam nga ai ni kaga kahtawng mare ni hkan sa nga na lam hpaida da ma ai.

NEHEMIA 13:31

Ngai gaw htuk manu ai aten ni hta, shagu hkungga nat na hpun hte shawng si ai nsi naisi hte shawng myin ai namsi namsaw ni la sa na matu lajang da nngai. O Karai Kasang e, ndai amu yawng mayawng hpe adum ya nga rit; dai amu a majaw ngai hpe chyeju jaw ya e law.

GA SHAGAWP 18:18

N-gun rawng ai masha marai lahkawng, tara rung e shada da nhtan shai hkat yang, hpaida da ai hku nna mahtai tam shazim ya lu nga ai.

ESAIA 40:16

Lebanon nam maling hkan nga ai dusat yawng hte gaw anhte a Karai Kasang a matu hkungga nawng ya na law ram nga ai n rai, maling hpun ni mung wan ju na matu nau nan n law nga ai.

JAW JAU 24:5

Mani ai shadung pawng hkun mali la nna muk tawng shi lahkawng kabaw na rai nga ai.

JAW JAU 24:6

Dai hpe dai Madu a man na ja jet hte galaw da ai ku ntsa e kawng lahkawng hkawng da nhtawm kawng mi hta muk tawng kru kru kahtap kawng da na rai wu ai.

BU HKAWM 28:2

shi a matu manam pyaw ai sangau shatai na, dai ra ai lusha hkungga ni hpe ladaw tawn da ai aten ni hta Karai Kasang hpe nawng jau na matu Israela amyu masha ni hpe matsun na lam hkang dat wu ai.

KASA 1:26

Shaloi shanhte gaw dai yan lahkawng hta na langai mi hpe lata la na matu hpaida da ma yang, Mahtia hta ang wa ai majaw shi hpe lata san da ma ai. Dai kaw nna shi gaw dai kasa shi langai hta jat lawm wu ai.

YAWSHU 9:27

Rai ti mung dai aten hta nan shi shanhte hpe mayam shatai nhtawm Israela amyu masha ni hte dai Madu a tawn hkungri amu ni a matu hpun hta, hka ja na hpajang da wu ai. Dai rai nna dai ni du hkra nawku na matu dai Madu lata san da nu ai shara hta dai amu matut galaw nga ma ai.