NEHEMIA 10:33 - Jinghpaw Common Language Bible 2009

³³ Anhte gaw Nawku Htingnu kata nawku daw jau ai amu hta ndai hku shang lawm na ga ai: dai ni gaw, chyoi pra ai muk, shani shagu na shadung hkungga, shani shagu nat nawng na shagu hkungga ni a matu yam nga ni, Bansa Nhtoi ni a matu chyoi pra ai hkungga ni, Shata Praw hta galaw ai Poi ni hte kaga lusha poi ni, kaga chyoi pra ai hkungga ni, Israela amyu a matu yubak mara la kau ya na hkungga ni hte Nawku Htingnu a matu ra mara arung arai hpa mung jaw ya na ga ai.

Jinghpaw Hanson Version Bible

³³ tutnawng na shadung hkungga ni, tutnawng na wan nat hkungga ni, laban nhtoi ni, shata praw shani ni, madat da ai poi ni, chyoi pra ai arai ni, Israela amyu matu htingrai htingrat ya na mara raw na hkungga ni hte, anhte a Karai Kasang a nta hte seng ai amu mahkra a matu mung, masha hkum shagu, shekela htam masum hta htammi, laning hte laning a jaw nga na, nga nna anhte ga ndat tawn da ga ai.

NEHEMIA 10:33 ပူးပေါင်းရင်းမြစ်များ

2 HKAWHKAM LABAU 2:4

Dai Madu nye a Karai Kasang hpe shagrau sha-a na matu Nawku Htingnu langai, ngai galaw na nngai. Dai gaw chyoi pra ai shara tai nna nye a amyu masha ni hte ngai gaw dai Madu hpe manam pyaw ai baw hte manam hawm ai namji namya ni hpe nat nawng let mung, shi hpe nawku na nngai; shi hpe chyoi pra ai muk hkungga ni hpe mung anhte matut manoi nawng jau na ga ai; anhte gaw dai Madu anhte a Karai Kasang hpe shagrau sha-a na matu jahpawt de, shana de shagu, Bansa Nhtoi ni hta mung, Shata Praw Na Poi ni hta mung, kaga chyoi pra ai nhtoi ni hta mung wan nat hkungga nawng jau na ga ai. Ndai amu hpe htani htana hkan galaw nga na matu Israela masha ni hpe shi hkang da nu ai.

PRU MAT 30:16

Israela amyu masha ni kaw na dai gumhpraw lahkawn shinggyin la nna nye a hpung shingkang shanu nga ai Sum hpe bai gram lajang ai hta jai lang na rai myit dai. Dai gaw shanhte a asak a matu jaw ya ai manu jahpu tai nga ai hte ngai mung shanhte hpe makawp maga la na matu dum nga na nngai,” ngu nna tsun wu ai.

KOLOSE 2:16

Dai re ai majaw, sha hpa, lu hpa hte, shata praw shani hte Bansa Nhtoi a lam kadai mung nanhte a matu tara jahkrat nna n jeyang mu ga.

HEBRE 10:11

Yuda hkinjawng shagu gaw shi a daw jau ai amu ni hpe shani shagu galaw nga let, hkungga nawng jau ai lam amyu mi hpe sha law law lang galaw nga ai; rai ti mung ndai nawng jau ai hkungga ni gaw yubak mara ni hpe galoi mung yeng seng kau ya lu ai n rai.