NEHEMIA 10:32 - Jinghpaw Common Language Bible 2009

³² Anhte gaw shaning shagu Nawku Htingnu hta jai lang na matu gumhpraw awng za langai a htam matsat hta na htam mi jaw na ga ai.

Jinghpaw Hanson Version Bible

³² Dai hta kaga anhte gaw, anhte a Karai Kasang a nta hta daw jau ai amu ngu ai, madun dan ai muk ni a matu mung,

NEHEMIA 10:32 ပူးပေါင်းရင်းမြစ်များ

NINGPAWT NINGHPANG 28:22

ndai ngai jung da se ai masat dingsat nlung gaw nang hpe nawku ai shara tai na ra ai. Nang ngai hpe jaw ai mahkra a htam shi hta na htam mi, ngai nang hpe jaw na we ai,” ngu nna dagam shaka wu ai.

1 HKAWHKAM LABAU 26:27

Shanhte gaw majan gasat nna lu la ai lanep nkau mi hpe la nhtawm Nawku Htingnu kata e lang na matu dai ni hpe ap nawng da ma ai.

NEHEMIA 13:15

Dai aten, Yuda mung hta Bansa Nhtoi e sabyi htumbyen kabye ai hpe mung, kaga ni mung nsi naisi, sabyi ntsin, sabyi si, maihpang si hte kaga arung arai ni hpe shanhte a lawze ni hta htaw let Yerusalem mare de yu wa nga ma ai hpe mung ngai mu nngai. Ngai gaw shanhte hpe Bansa Nhtoi hta arai hpa mung n dut na matu sadi jaw ni ai.

NEHEMIA 13:18

Ndai lam a majaw, Karai Kasang gaw nanhte a kaji kawa ni hpe ari jaw nna ndai mare hpe jahten sharun kau nga ai. Ya rai tim, Bansa Nhtoi hpe awu asin galaw let Karai Kasang a pawt sindawng ai hpe Israela a ntsa e grau nna du shangun na matu nanhte shadut shatsang nga myit hka!,” ngu nna daru let tsun wu ai.

NEHEMIA 13:21

Ngai gaw shanhte hpe, “Ndai yang e jahpawt nhtoi htoi hkra sa la nga ai gaw hpa akyu mi n nga nga ai. Nanhte ndai zawn bai galaw shakut myit dai rai yang, nanhte hpe n-gun hte ninghkap na made ai,” ngu nna sadi jaw wu ai. Dai aten kaw nna, Bansa Nhtoi e shanhte n sa mat ma ai.

NEHEMIA 5:10

Ngai chyawm gaw amyu masha ni hpe ngai kaw nna gumhpraw hte nai mam hkoi la shangun mawe ai; dai rai nna, nye a manaw manang ni hte nye a matu amu galaw ya ai masha ni mung hkam la lu ma ai. Dai re ai gaw, ya anhte yawng hka hpyi hkat ai amu hpe kau da saga.

NEHEMIA 9:14

Nang gaw shanhte hpe na a Bansa Nhtoi ni chyoi pra nga na matu sharin ya nit dai, nang gaw na a shangun ma Mawshe hku nna shanhte hpe na a tara ni jaw ya nit dai.

PRU MAT 23:11

Rai ti mung sanit ning ngu na hta, dai ni hpe jahkam da nna, dai yi hkauna hta tu ai hkai nmai hpa hpe mung shu la lu na n rai. Dai hta naw ngam nga ai hpe gaw nam na matse labye dusat ni sha lu na ma ai. Dai hte maren, na a sabyi sun ni hte tsanlun hpun ni hpe mung galaw lu na ndai.

GA SHAGAWP 3:9

Na a lamu ga hta na pru ai sut gan yawng mayawng hta na kaja htum ai ni hpe hkungga shatai nna, dai Madu hpe shagrau sha-a u.

2 KORINHTU 8:12

Nanhte hta jaw ya mayu ai shawang myit rawng ai rai yang, Karai Kasang gaw nanhte a rai lu ai made jaw ya ai kumhpa hpe hkap la na ra ai. Nanhte n rai lu ai hpe Karai Kasang hpyi na n rai.