NEHEMIA 10:31 - Jinghpaw Common Language Bible 2009

³¹ Maigan masha ni anhte hpe Bansa Nhtoi hte kaga chyoi pra ai shani hta nai mam nsi naisi hte kaga arung arai la sa nna sa dut ya ai rai yang, anhte gaw shanhte kaw na mari la na ga ai n rai. Anhte gaw sanit ning du shagu yi sun n galaw na ga ai, hka kap ai yawng hpe shaprai kau na ga ai.

Jinghpaw Hanson Version Bible

³¹ mung na maigan masha ni gaw laban nhtoi e arung arai nai mam sa dut yang, laban nhtoi hta, shing n rai, chyoi pra ai nhtoi hta, n mari la na mung; sanit ning du shagu amu jahkam da na hte, hpa hka mung n ji la na, nga nna shanhte gaw ga sadi tawn da let dagam ma ai.

NEHEMIA 10:31 ပူးပေါင်းရင်းမြစ်များ

2 HKAWHKAM LABAU 36:21

“Lamu ga hpe bansa jaw ai htung tara n hkan shatup ai majaw dai hpe bai shatup na matu lamu ga gaw sanit shi ning tup katsi katsang shara tai mat na ra ai,” ngu nna myihtoi Yeremia a ga hku dai Madu tau tsun da ai ga gaw dik wa nga sai.

NEHEMIA 13:23

Dai aten e, Yuda lasha law law ni mung Ashdod, Amon hte Moba numsha ni hpe hkungran la nga ma ai hpe ngai mu nngai.

NEHEMIA 13:27

Anhte gaw nanhte a kasi hkan let anhte a Karai Kasang a ga hpe n madat ai sha maigan numsha ni hpe hkungran la mai nga ga ni?,” ngu nna tsun wu ai.

PRU MAT 12:16

Shawng shani hte sanit ya nhtoi hta nawku hpawng galaw na matu nanhte hkrum zup lu na rai myit dai. Dai nhtoi ni hta magam amu hpa mung n galaw lu na rai myit dai, rai ti mung lusha hkyen lajang mai nga myit dai.

PRU MAT 20:10

rai ti mung, sanit ya nhtoi gaw nye a matu ap nawng da sai bansa ai shani rai nga ai. Dai shani e, nang mung, na a kashu kasha ni mung, na a mayam ni mung, na a yam nga ni mung, na a mung hta sa shanu nga ai maigan masha ni kadai mung magam bungli galaw lu na myit dai n rai.

PRU MAT 34:16

Nanhte a shadang sha ni mung maigan num ni hpe la nhtawm ngai hta sadi n dung shangun ai hte shanhte a tara maigan hpara ni hpe woi nawku shangun na mara ai.

ESAIA 58:6

“Ngai ra sharawng ai lusha gam lai gaw ndai hku rai nga ai: Dip gamyet sha tawn ai saidawng sumri hte n teng n man ai a kandang sumri ni hpe raw kau mu; dip gamyet sha hkrum ai ni lawt lu mu ga.

JAW JAU 16:29

Ndai gaw prat mi hte prat mi hkan galaw na tara ni rai nga ai. Shata sanit a nhtoi shi ya shani e, Israela amyu masha ni hte shanhte kaw hkan nga ai maigan masha ni gaw amu bungli hpa mung n galaw ai sha lusha gam lu na rai ma ai.

JAW JAU 23:21

Dai shani hta nanhte kadai mung shani shagu na amu bungli hpe n galaw ai sha, nawku hpawng galaw na rai myit dai. Dai gaw nanhte shanu nga ai shara shagu hta nanhte a amyu matu mara ni prat mi hte prat mi hkan sa na tara rai nga ai.

JAW JAU 23:3

Nanhte gaw kru ya tup magam bungli galaw lu na nhtoi lu nga myit dai; rai ti mung sanit ya ngu na shani chyawm gaw Bansa Nhtoi rai nna ban sa ai shani rai nga ai hpe dum nga mu. Dai shani hta magam bungli hkum galaw myit; rai ti mung nawku na zup hpawng nga mu. Nanhte nga ai shara shagu hta dai gaw dai Madu a matu Bansa Nhtoi rai nga ai.

MAHTE 6:12

Masha ni anhte hpe shut ai mara, anhte raw kau ya ai zawn, anhte a mara hpe mung raw kau ya mi;

KOLOSE 2:16

Dai re ai majaw, sha hpa, lu hpa hte, shata praw shani hte Bansa Nhtoi a lam kadai mung nanhte a matu tara jahkrat nna n jeyang mu ga.

YAKU 2:13

Hpa majaw nga yang matsan dum ai lama myit n rawng ai masha hpe daw dan ai shaloi Karai Kasang gaw matsan dum lama ai lam madun na ru ai n rai; rai ti mung matsan dum lama ai lam gaw tara daw dan ai hpe awng dang kau wu ai.