NEHEMIA 10:29 - Jinghpaw Common Language Bible 2009

²⁹ shi a shangun ma Mawshe a lata hku nna Karai Kasang jaw ya sai Karai Kasang a Tara hte maren, anhte asak hkrung nga na mung, dai Madu anhte a Madu anhte hpe hkang da sai lam yawng mayawng madat mara na mung, shi a tara ni hte madat da ai ga ni yawng hpe hkan shatup na lam ni hpe mung, anhte a ningbaw ni hte ndai hku matut manoi nga let ga shaka dagam da ga ai rai nna dai hpe anhte run jahten ga ai rai yang, matsa mawa ari hkrum na ga ai ngu, dagam ga ai.

Jinghpaw Hanson Version Bible

²⁹ tinang a kahpu kanau ni hte agyi salang ni hta manoi nga ma ai rai nna, Karai Kasang gaw shi a shangun ma Mawshe a lata hta ap ya ai tara hpe hkan shatup na hte, anhte a Madu Yehowa hkang da ai ga, matsun maroi ga hte madat da ai ga yawng hkan nang na mung;

NEHEMIA 10:29 ပူးပေါင်းရင်းမြစ်များ

2 HKAWHKAM 10:31

Rai ti mung Yehu gaw dai Madu Israela a Karai Kasang a Tara hpe shi a myit masin mahkra hte madat mara nga ai n rai; shing rai na malai, Israela masha ni hpe yubak lam de woi sa ai Yeroboam a arawn alai kasi hta hkan dagraw nang nga wu ai.

2 HKAWHKAM 23:3

Shi gaw shadaw makau e tsap let, dai Madu a ga hpe madat mara nna shi a tara ni yawng hte hkang da ai ga ni hpe myit masin mahkra hte shadik shatup let dai laika hta ka da ai hte maren dai Madu hte ga shaka shagrin da nhtawm dai hpe hkan galaw na ga shaka tawn da wu ai. Amyu masha ni yawng mung dai ga shaka hpe hkan sa na matu ga sadi tawn da nga masai.

1 HKAWHKAM LABAU 9:2

Shanhte a sut gan arung arai nga ai mare ni de shawng nhtang wa ai ni hta Israela masha ni, hkinjawng ni, Lewi ni hte Nawku Htingnu gaw ai masha ni lawm ma ai.

2 HKAWHKAM LABAU 34:31

Shi gaw hkawhkam shadaw makau e tsap nga let shi a myit masin, wenyi mahkra hte shi a ga hpe madat mara nna tara hte hkang da ai ga ni yawng hpe shadik shatup let, laika hta ka da sai ga shaka hte maren hkan galaw lu hkra nga, dai Madu hte ga shaka shagrin da nu ai.

2 HKAWHKAM LABAU 6:16

Ya chyawm gaw Madu Israela a Karai Kasang e, shi sadi sahka hte galaw ai amu a majaw shanhte na a ga hpe madat mara hkan sa ai rai nna Israela hpe up hkang na hkawhkam shi a amyu matu ni hta na langai mi tut nawng paw pru na lam, nang shi hpe tsun let, nye wa hte ga sadi tawn da sai hpe mung, nang shatup na rai nga ndai.

NEHEMIA 13:25

Ngai gaw dai lasha ni hpe daru sharin ai, shanhte hpe matsa dagam ai, anu kayat ai hte shanhte a kara ni hpe gang baw kau ya we ai. Dai hpang ngai gaw shanhte mung, shanhte a kashu kasha ni mung, maigan masha ni hte kayau kaya rai dinghku galoi mung n de shajang na matu Karai Kasang a mying nsang hta shanhte hpe dagam shaka shangun nngai.

NEHEMIA 7:46

Bawng dung hkrum ai kaw nna nhtang wa ai Nawku Htingnu amu galaw masha ni a lakung lama ni: Ziha, Hasuhpa, Tobaot, Kerosa, Sia, Padon, Lebana, Hagaba, Shalmai, Hanan, Gidela, Gahara, Reaia, Rezin, Nekoda, Gazam, Uza, Pasea, Besai, Meunim, Mehpushesim, Bakbuk, Hakuhpa, Harahura, Bazlihta, Mehida, Harsha, Barkosa, Sisera, Tema, Nezia, hte Hatihpa ni rai nga ai.

NEHEMIA 8:2

Dai re ai majaw, Ezra mung atsawm sha chye na lu sai numsha, lasha ni hte ma kaji ni ngu ai amyu masha ni hpawng nga ai shara de dai hpe la shapraw wu ai.

NEHEMIA 8:3

Shi gaw jahpawt kaw nna shani ka-ang du hkra, chyinghka makau na dam lada ai shara hta Tara laika hti dan wu ai rai nna shanhte yawng myit maju jung ai hte madat la nga ma ai.

NEHEMIA 9:38

Ndai lam yawng mayawng byin lai mat wa sai majaw, anhte Israela masha ni myit hkrum ga shaka langai ka da ga ai, anhte a ningbaw ni, anhte a Lewi masha ni, hte anhte a hkinjawng ni dai hta shanhte a dazik dawk ma ai.

SHAKAWN KUNGDAWN 105:45

Shing rai, shi a amyu masha ni shi a tara ni hpe madat nna; shi a hkang da ai ga ni yawng hpe hkan shatup na mu ai. Dai Madu hpe shakawn nga mu law!

SHAKAWN KUNGDAWN 119:106

Na a ding man ai ga matsun ni hpe madat mara hkan sa na matu, ngai dagam da ai ga sadi hte maren ngai hkan galaw shadik shatup nga na nngai.

SHAKAWN KUNGDAWN 8:1

O Madu anhte a Madu e, na a galu kaba ai lam hpe mungkan ting hta mu lu nga a hka! Nang hpe shakawn ai ga ni, sumsing lamu ni de du hkra hkrang lung nga ai;

SHAKAWN KUNGDAWN 8:9

O Madu anhte a Madu e, na a galu kaba ai lam hpe mungkan ting hta mu lu nga a hka!

ESAIA 14:1

Dai Madu gaw shi a amyu masha Israela hpe kalang mi bai matsan dum la nna shanhte hpe shi a amyu zawn lata la na ra ai. Shi gaw shanhte hpe shanhte a mung ga de bai nga shangun na ra ai. Maigan masha ni mung du sa nna shanhte hte rau dai mung e nga na mara ai.

YEREMIA 26:4

Dai Madu gaw amyu masha ni hpe tsun shana na matu ngai hpe, “Ngai nang hpe sharin achyin ya sai matsun maroi lam hta hkan sa nna nye a ga hpe nang madat mara nga u,

YEREMIA 34:15

Nang gaw nhtoi loi hkring mi lai mat wa ai hpang, na a myit galai mat nhtawm ngai sharawng awng ai amu galaw myit dai. Nanhte yawng hte gaw na a hpu nau Israela ni hpe shalawt dat na matu myit hkrum shagrin da nga myit dai; nang gaw ngai hpe nawku ai shara Nawku Htingnu kata nye a man e ga shaka tawn da nit dai.

EZEKELA 36:27

Ngai gaw nanhte hta nye a wenyi bang ya na nngai, shaloi nanhte gaw ngai hkang da sai ga ni hpe shadik shatup nna nye a tara ni yawng hkan lu na rai myit dai.

JAW JAU 20:26

Nanhte chyawm gaw chyoi pra nna ngai madu da ai amyu tai lu na rai myit dai; ngai gaw dai Madu rai nga nngai rai nna chyoi pra nga nngai hte amyu gale ni kaw na jahka da ma sade ai majaw ngai hte sha seng ai ni rai nga myit dai.

MALAHKI 4:4

“Israela amyu masha ni yawng hkan sa madat mara na matu, Sina Bum e nye a shangun ma Mawshe hpe ngai jaw ya sai shi a sharin achyin ga, jep ai tara hte hkang da ai ga ni hpe adum nga u.

BU HKAWM 5:21

na a amyu masha ni a ka-ang e na a mying hpe dai Madu dagam dala hkrum shangun nga u ga. Na a num hkrang hpe kyip htun shangun nna na a kan hpe mung bum shangun u ga.

YAWHAN 1:17

Karai Kasang gaw Mawshe hku nna dai Jep ai Tara jaw ya mi ai; rai ti mung chyeju hte tengman ai lam gaw Yesu Hkristu a gawp e jaw ya mi ai.

YAWHAN 15:14

Nanhte hpe ngai hkang da ai ga hkan shatup myit yang gaw nanhte nye a jinghku ni rai nga myit dai.

YAWHAN 7:19

Mawshe gaw nanhte hpe Jep Ai Tara jaw da manit dai n rai ni? Rai ti mung nanhte hta na kadai mung, dai Tara hpe n hkan myit dai. Ngai hpe sat kau na hpa rai tam nga myit ta?,” ngu nna shanhte hpe htan mu ai.

KASA 11:23

Shi sa du ai shaloi dai masha ni hpe Karai Kasang gara hku chyeju jaw nga ai lam mu lu yang shi kabu gara nga ai hte dai Madu hta myit masin mahkra hte lashum lanoi kam sham nna sadi dung nga na matu nlang hte hpe shadum shahprang mu ai.

KASA 17:34

Nkau mi chyawm gaw shi hpe kanawn nna kam sham mat ma ai. Dai ni hta tara Kongsi hpawng lawm ai Dionusi ngu ai wa bai Damari mying ai num langai mi, hte kaga masha ni mung lawm nga ma ai.

KASA 23:21

Rai ti mung shanhte ra ai hku hkum hkraw ya et, hpa majaw nga yang lam e masha mali shi jan shi hpe hkap rim na makoi nga na ma ai. Shanhte gaw Pawlu hpe garai n sat lu lu gaw hpa mung n lu n sha na, nga nna dagam shaka da ma ai. Ya pyi na a ahkang hpe ala let, ndai amu galaw na jin jin rai nga masai,” ngu wu ai.

ROMA 12:9

Tsaw ra ai myit hta sawt ai n lawm u ga, n hkru n hkra ai hpe n ju n dawng matsat nna, mai kaja ai hta manoi nga mu.

TARA JAHPRANG 33:4

Anhte amyu baw ni a matu grau reng htum ai sali wunli ngu ai, Mawshe anhte jaw ya ai Tara hpe anhte madat mara hkan sa ga ai.

TARA JAHPRANG 5:1

Mawshe gaw Israela masha ni yawng hpe shaga jahpawng nna shanhte hpe, “Israela amyu masha ni e, dai ni, ngai nanhte hpe jaw ya nga ai hkang da ai tara ni hpe madat mu; dai ni hpe sharin la nna nanhte hkan galaw na rai myit dai.

TARA JAHPRANG 5:32

“Israela amyu masha ni e, dai Madu nanhte a Karai Kasang nanhte hpe hkang da manit dai hte maren, lam magup hpe hkrak hkrak hkan galaw lu na rai myit dai. Shi a hkang da ai tara hpa hpe mung n madat n mara hkum rai myit.