NAHUM 3:6 - Jinghpaw Common Language Bible 2009

⁶ Ngai nang hpe matsat kau nna awu asin hte htinggrum da na we ai. Masha ni gaw nang hpe hkrit makran ai hte azi yu na mara ai.

Jinghpaw Hanson Version Bible

⁶ Nang hpe matsat shabat kabai bun nna, awu asin di kau nhtawm, masha ni a man e kumla shatai na nngai.

NAHUM 3:6 ပူးပေါင်းရင်းမြစ်များ

YOBA 30:19

Shi gaw ngai hpe hkumpup hta kabai bang ai; ngai gaw ga nhpu hta pyi grau hpa n tai nga nngai.

YOBA 30:8

Kadai mung shanhte a mying n chye ya lu ai masha angawk hpung mi rai nga ma hka! Shanhte gaw mungdan kaw nna jahtaw kau hkrum nga ma ai.

YOBA 9:31

Karai Kasang gaw ngai hpe maza mala nhkun de kabai bang ai rai nna, nye a hpun palawng ni pyi ngai hpe matsat kau nga ai.

YEREMIA 51:37

Dai mungdan gaw nam na gwi ma-a ni shanu ai hte marawng marang rai hten sumpum taw ai mung tai mat na ra ai. Dai mungdan gaw yu mau na zawn rai mat nhtawm, kadai mung dai shara hta shanu nga na ma ai n rai, dai mungdan hpe mu ai ni yawng hkrit kajawng mat na mara ai.

SHARUNG SHAYAWT 3:16

Shi gaw nye a myi man hpe ga hta arut ya nna, nye a wa hpe lunghkrung ntsa e agrawp daw kau ya ni ai.

EZEKELA 16:37

Ndai lam a majaw, ngai gaw na a moi na sumtsaw sumra ni rai nga ai ni yawng hpe mung, nang ra marit ai ni hte nang n dawng ai ni yawng hpe mung jahpawng tawn na nngai. Ngai gaw shanhte hpe na a grup yin e jahpawng da nhtawm na a singgu krin kaya kahpa hpe mu lu mu ga, na a hpun palawng ni hpe ngai raw sharun kau ya na nngai.

NAHUM 1:14

Ndai gaw Asuri masha ni hte seng nna dai Madu daw dan ai mungga rai nga ai: “Shanhte hta shanhte a amying shingteng matut ya na aru arat ni pyi n nga mat na mara ai. Ngai gaw shanhte a karai ni a htingnu hta nga ai hpara sumla ni hpe jahten shaza ya na nngai. Ngai gaw Asuri masha ni a matu lupwa lajang ya nga nngai-shanhte asak hkrung nga na n ging nga masai!”

HABAKU 2:16

Nanhte gaw arawng sadang a malai kaya kahpa hte bai htinggrum da hkrum na marin dai. Nanhte nan lu nang nna ndi nda rai wa na myit dai. Dai Madu gaw nanhte hpe ari gawm lu shangun nna nanhte a arawng sadang sari jahpoi kau hkrum na rai myit dai.

ZEHPANI 2:15

Dai mare gaw shi a daru magam n-gun hta gumrawng gumtawng nga nna shim ai mare re, ngu myit aru yu ai a majaw, byin wa na lam rai nga ai. Dai mare masha ni mung shanhte a mare gaw mungkan hta hkik hkam htum ai mare rai nga ai, nga nna myit la nga ma ai. Ya mare dai gaw katsi katsang byin mat nna matse labye dusat ni hpum shanu ai shara tai mat wa sa hka! Dai mare hku lai wa ai ni yawng yu hkrit kajawng nna shingdu de htingnut mat wa na mara ai.

MALAHKI 2:2

Nanhte galaw ai amu hte ngai hpe shagrau sha-a lu na rai myit dai. Nanhte gaw ngai tsun ai ga hpe n madat myit dai rai yang, nanhte hpe dagam dala hkrum shangun na nngai. Nanhte a matu ngu nna hkam la lu ai karum arai ni hta dagam dala tawn da na nngai. Nanhte gaw nye a hkang da ai ga hpe ahkyak n la ya myit dai majaw shanhte hpe teng teng dagam tawn da ya mase ai.

MALAHKI 2:3

Ngai gaw nanhte a kashu kasha ni hpe ari jaw na we ai, nanhte nawng ya ai dusat ni a ahkyi hte nanhte a myi man hta chya ya na nngai; nanhte gaw hkyi bum de shapraw kau dat hkrum na myit dai.

MALAHKI 2:9

Dai rai nna, ngai gaw Israela amyu masha ni hpe lang let nanhte hpe nhpu nru di shangun na made ai, hpa majaw nga yang nanhte gaw nye a myit n hkan ai sha, nye a amyu masha ni hpe sharin achyin ai shaloi masha shagu hpe maren mara n di nga myit dai.”

1 KORINHTU 4:13

Anhte roi asawng ai hkrum yang, ga ngwi ga pyaw hte htan ga ai. Anhte gaw ya du hkra ndai mungkan ga a shanut shanaw hte masha yawng mayawng e kabai ayai da ai maza mala zawn rai nga ga ai.

1 KORINHTU 4:9

Hpa majaw nga yang, majan poi awng dang nna yan hkawm dan ai shaloi, sat kau hkrum na bawng ni hpe hpang ningdim e hkan nang shangun ai zawn, Karai Kasang gaw shinggyim masha ni hte lamu kasa ni a man e jawm yu mada mu ga, anhte kasa ni hpe hpang ningdim tawn da mi ai ngu nna ngai myit nawn nngai.

HEBRE 10:33

Nanhte nan masha shawa a man e jahpoi asawng ai hte zingri zingrat ai lam ni ya sha ya sha hkrum lai wa manit dai, bai kaga aten ni hta gaw, nanhte zawn zingri zingrat hkrum sha nga ai manaw manang ni a maga de nga nna ruyak jam jau jawm hkam sha ai hku nna karum n-gun jaw manit dai.

YUDA 1:7

Sodom hte Gomora mare yan hpe mung dai mare yan a grup yin na mare ni hpe mung myit dum nga mu. Dai mare ni kaw na mare masha ni gaw dai lamu kasa ni zawn, num la n se n sa lam hta pyaw daw kadaw nna shing ra maka hte nhtan shai ai hku nga sha ma ai majaw yawng a matu asan sha dan dan leng leng sadi jaw ai hku nna htani htana wan hta ari hkrum sha ma ai.