NAHUM 3:3 - Jinghpaw Common Language Bible 2009

³ Gumra jawn ai hpyen hpung ni gaw tu gala ai nhtu ni, kabrim ai nri ni hte htim sa ma ai! Moi mang ni sumpum nga ai, si mang ni hti n dang hkra law nga ai, lasha ni dai ni hta ahtu kataw nga ma ai!

Jinghpaw Hanson Version Bible

³ gumra jawn ai ni htim nna, tu gala ai nhtu hte, kabrim ala ai ri tu majaw sat kau hkrum ai ni law nga nna, si mang ni sumpum nga ma ai: si mang ni mana maga law nga ai majaw, lai wa ai ni dai hta ahtu kataw nga ma ai:

NAHUM 3:3 ပူးပေါင်းရင်းမြစ်များ

NINGPAWT NINGHPANG 3:24

Dai hpang shi gaw sun a sinpraw maga de ahkrung nga ai hkrung kanu ni hte man maga shagu de shi chyu nwat shadang chye ai wan nhtu hpe tawn da wu ai. Dai gaw asak jahkrung ya ai hpun de ni sa wa ai kadai hpe mung hkap shingdang na matu rai nga ai.

2 HKAWHKAM 19:35

Dai Madu a lamu kasa gaw dai shana jang Asuri hpyen ni but nga ai dap de sa wa nna, hpyenla sen mi mun matsat hkying manga hte hpe sat kau wu ai. Hpang shani jahpawt jau jau aten hta dai shara e shanhte yawng si taw nga ma ai!

ESAIA 34:3

Shanhte a moi mang ni hpe lup makoi lu na n rai, rai ti mung dai yang e yat ai hte manam hkying taw nga na mara ai; bum ni gaw asai hte hkyeng mat na ra ai.

ESAIA 37:36

Dai Madu a lamu kasa langai gaw Asuri ni nga ai dap de sa nna hpyenla 185,000 hte hpe sat kau wu ai. Hpang shani jahpawt jau jau aten hta, shanhte yawng gaw dai shara e si taw nga ma ai.

ESAIA 66:16

Shi mara tam mu ai mungkan ga na masha yawng mayawng hpe wan hte mung nhtu hte mung ari jaw na ra ai-law law wa sat kau ai hkrum na mara ai.

EZEKELA 39:4

Goga hte shi a luksuk ni mung, shi a jinghku hpyen hpung ni mung, Israela bum ni a ntsa e kadawng si na mara ai; shanhte a moi mang ni hpe mung, ntsa malen u ni hte matse labye dusat dumyeng ni yawng a shahpa shatai kau na we ai.

JAW JAU 26:37

Nanhte hpe kadai n shachyut tim langai hte langai a ntsa e ahtu kataw na rai myit dai. Kaning re ai gumlau hpyen hpe mung nanhte gasat ninghkap lu na myit dai n rai.

NAHUM 2:4

Hpyen leng ni nmaw lam hkan gat dumbri lai nna, mare lawk ni hkan kahkrang hkawm nga ma ai. Shanhte gaw wan shanan zawn htoi tu nna myihprap wan zawn gala nga ma ai.

HABAKU 3:11

Na a lawan ai pala ni a kabrim ai hte na a tu gala ai ri tu galam ai a majaw, ajan hte shata hkring nga ma ai.