NAHUM 3:18 - Jinghpaw Common Language Bible 2009

¹⁸ Asuri hkawseng e, na a mungdu ni si mat masai, na adu magam ni htani htana yup pyaw mat masai! Na a masha ni gaw bum lang ntsa hkan bra ayai nga masai, shanhte hpe dum nta de bai woi na masha kadai n nga nga ai.

Jinghpaw Hanson Version Bible

¹⁸ Asuri hkawhkam wa e, na a sagu rem ni yup nga ma ai; na a nden ja ai ni gaw, ban sa nga ma ai: na a amyu masha ni gaw, bum lang hkan e bra nga nna, shanhte hpe shinggyin la ai wa n nga ai.

NAHUM 3:18 ပူးပေါင်းရင်းမြစ်များ

1 HKAWHKAM 22:17

Mihkaia gaw, “Sagu rem wa n nga ai sagu ni zawn dai Israela hpyen luksuk ni kawng jinghkang hkan e bra ayai nga ma ai hpe ngai mu nngai. Dai Madu gaw, “Ndai masha ni ningbaw n lu ma ai; tinang nang a nta de ngwi ngwi pyaw pyaw hte wa kau shangun mu,’” ngu tsun wu ai, nga nna htan wu ai.

PRU MAT 15:16

Hkrit kajawng ai hte hkrit gari ai gaw shanhte a ntsa e du sai. O Madu e, shanhte gaw na a n-gun hpe mu ma ai shaloi, na a amyu masha ni lai mat wa nna, amyu masha ni hpe mayam prat kaw na nang shalawt kau dat ai aten du hkra, hkrit ai hte atsin sha nga nga ma ai.

ESAIA 13:14

“Babelon mung hta nga nga ai maigan masha ni gaw jaugawng ni a lata na hprawng lawt wa ai shannga hte sagu rem n nga ai sagu ni zawn tinang a buga ni de hprawng bra mat wa na mara ai.

ESAIA 47:1

Dai Madu gaw, “Babelon e, na a tingnyang kaw na yu wa nna, ga ntsa na nhpu hta dung nga u. Nang gaw hkawn sek langai zawn, kalang mi mung ka-up la n hkrum yu ai mare langai rai nga ndai, rai ti mung nang gaw galoi mung nu nu nai nai rai nga ai n rai! Ya chyawm gaw nang mayam rai nga nit hka!

YEREMIA 50:18

Dai lam a majaw, Chyahtum Chyalai N-gun rawng ai dai Madu Israela a Karai Kasang ngai gaw Asuri hkawseng wa hpe ari jaw sai zawn, Hkawhkam Nebuhkadneza hte shi a mungdan hpe ari jaw na nngai.

YEREMIA 51:39

Shanhte gaw lawhpa myit marin nga ma ni? Ngai gaw shanhte a matu lusha poi langai mi hkyen lajang ya nna shanhte hpe kabu gara lu nang shangun na nngai. Shaloi, shanhte yup pyaw mat wa nna galoi mung hprang wa na mara ai n rai.

YEREMIA 51:57

Ngai gaw dai mung na du ni, hpaji rawng ai masha ni, ningbaw ni hte hpyenla ni hpe chyaru shanang na nngai. shanhte gaw yup pyaw mat wa nna galoi mung hprang na mara ai n rai. ngai hkawhkam wa nan tsun ni ai; Ngai gaw chyahtum Chyalai N-gun rawng ai dai Madu rai nga nngai.

SHINGRAN 6:15

Dai shaloi, mungkan ga na hkawhkam hkawseng ni, up hkang ai du magam ni, hpyen du hpyen gyi ni, sahti ni, n-gun lagaw ja ai ni, mayam hte shanglawt ni nlang hte gaw, lungpu hku ni hte, bum ga na lunghkrung ni hta tinang dai gawp makoi shajang nga ma ai.